YOSHU 12:7 - Lacid Common Language Bible

⁷ Yoshu yo' Israela byumyu" yigi Yodan gyid lang bidvang shoid mougmyid mo khokham dangain" ri khaid zain: oung: pyam ago". Hau: joem gi Lebanon janggyoin: moo jo, da" Balagad mo zi mougpyi: shoid Edom nam moo jo, da" Halag boem ju" sho' nghoid da:. Yoshu gi hau: mougmyid joem ri akung: ako' yiri kho' gam byid: wigi hau: ziri dapyaid goin" seing: wa mougmyid jonu" khyo" ab byid: bye:.

YOSHU 12:7 교차 참조

APOEM AYANG: 14:6

Edom boem cang mo Hori byu yiri we' Elaparam yooyang" khoug: khyoo: ju" sho' nyangnu" ri cang khaid boem.

APOEM AYANG: 32:3

Yaku gi nya: shid vhu" khyoo: nya: mang: Eso nyid da" Edom moug: khyoo: lagyoo: yiri nhang: kaid.

APOEM AYANG: 36:20

Edom moug: mo akhang: re nyid xoug" Hori byumyu" Seira da" amyed ashen byukung: byuko' bang: gi Lotan- Shobala- Zibeun- Ana- Dishon- Ezera yo' Dishan bang: nghoid.

APOEM AYANG: 36:8

Houg: yoomo Eso gi Edom boem moug: moo nyid nyid.

COUNG" NGHEI 135:11

Amori yi da" khokham Sihon- Bashan khokham Oga yo' Khanan mung" mo khokham dangain" ri we' said toem" pyam bye:.

TARHA" TID POIN" 2:1

Ngoonu" gi lo" thang moo Aseing amyeing" byid: to" ziyo' dakhyo" Thoem" Ni khyoo: ju" da" khyoo: deing- dain" pyoid yoo khyoo: yhe: lo" boem wigi ngoonu" gi Edom moug: cang ayo, myang" sho' yhe: lam" yen" lid loo bye:.

TARHA" TID POIN" 2:4

Nyang: gi ngoo ri vhoo: mo pyeing: dang: joem ri tid kyoo" wa shid re" tid da:. Hau: joem gi nanu" gi Eso da" amyed ashen yi nghoid da" nanu" yo' vi: bye: da" bidnoem yi da" moug: khyoo: Edom boem moug: khyo" lid phyed yhi: goo" wa zi nghoid. Nyangnu" gi nanu" ri gyoug wa zi nghoid.

YOSHU 11:17

Mougpyi: shoid Edom nam moo: jo, da" Halag boem mo mougzhung: shoid Balgad ju" sho' Hermon boem da" mougpyi: shoid Lebanon janggyoin: ju" sho' rua da:. Yoshu gi he: mougmyid mo khokham yi yo' ayo, myang" sho' meing: khaid zain: ago". Nghoid loug we' nyangnu" dangain" bang: ri meing: zain: oung: pyam wigi houg: bang: ri said pyam da:.

YOSHU 11:23

Yoshu gi Aseing wigi Moshe ri amyeing" byid: to" ziyo' dakhyo" da mungdain: goin" ziri seing: pyam bye: da:. Yoshu gi Israela byumyu" yiri nyangnu" mougmyid khyo" hau: mungdain: ri: byukung: khyo" cang lho: kho' byid: da:. Houg: yoomo byumyu" yigi gyi zain: go" jang" moo theing: nyid boem ago".

YOSHU 3:17

Byumyu" yi myid kyug jang: khyo" so" lid: lo" nyid uri khainjung yigi Yodan gyid lang agung myid kyug jang: moo: byumyu" yi dangain" mo, bain so" lid: sho' yab jo, boem ago".

YOSHU 9:1

Israela byumyu" yi da" oung: doid khyoo: gi Yodan gyid lang bidvang shoid mo boem moug:- Boem khyid:- mougzhung: shoid khyoo: Lebanon ju" sho' da" Meing: gung panglai: yam cang wigi jang: dam dangain" moo nyid boem da" Hiti- Amori- Khanan- Perizi- Hivi- Yebusi khokham yi dangain" mo, jang khyoo: fu" lo" khari" bye:.