YOSHU 11:6 - Lacid Common Language Bible

⁶ Aseing gi Yoshu ri «Houg: bang: ri agyug goo". Nab yo nyid" he: ayo, ri ngoo gi Israela shid re" houg bang: dangain" bang: ri said pyam byid: wa. Nanu" gi nyangnu" da" myang: joem ri khyid: gyi: khyau" pyam byid: wigi nyangnu" gyi myang rheing" ri nghe' pyam goo" wa zi nghoid» ga: tid.

YOSHU 11:6 교차 참조

2 SAMUELA 8:4

David gi nya: da" myang: jui: da" byu dakhyeing" nyhed shoo: yo' khyid: soo" so" da" gyizoo: eig moid ri yo" myheig yu bye: zi nghoid. Nyang: gi myang: rheing" dasho: shid re" myang: gi" koo: yu wigi deing gu: dangain" ri khyid: zain: khyoug" bye:.

2 KHOKHAM 6:16

Elisha gi «Agyug noo"- nyangnu" shoid moo: nyid bang: tho' ngoonu" shoid moo: nyid bang: je myo:» ga: tid da:.

2 KHOKHAM MHOOMYID: 20:16

Nab yo nyid" nyangnu" Ziza koo' lhang moo do, lo" boem da" uri nyangnu" ri khaid zain we'. Nanu" gi nyangnu" ri Yeruela nam mo siyoo khyoo: ju" yhe: da" janggyoin: athang: moo yhe: shoug" loo goo" wa.

COUNG" NGHEI 46:10

Nyang: tid zigi Meing: zain: go" khyoo: ri no: pyam ge'. Ngoo gi Mangsoo nghoid- ngoo gi byumyu" yi da" mo, phung: gung moo: we' mougmyid pyaid goin" da" atho' moo: we' myhang: thang su: nghoid ziri si' we'.

COUNG" NGHEI 46:11

Gyi: myhang: da" Aseing gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.

COUNG" NGHEI 46:9

Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.

DANG: ZHOEM 20:7

Nheigloem: dain: lho: deingmain" da" nya: phoo yo" da" zooshang: mi" gi vhu" pi: lo, kyo' ge nyid.

ESAIA 30:16

Hau: gungthid myab da" myang: joem ri zhung: wigi nyangnu" da" gyivoo yi lo, mo phang: loid wa nanu" soin' boem ago". Nanu" jo ago". Phang: loid khyoo: gi nanu" koid ca" da" moo" nghoid boem wa. Nanu" da" myang: gi gye" myab ga: jho: ago". Nghoid loug we' nanu" ri cang khaid bang: gi je myab loo wa.

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

EZEKIEL 39:9

Israela mung" mo voomoo" joem moo: nyid boem da" bang: gi thu lo" wigi she: pyam too" kho' da" gyi jonu" joem ri thang" koid wa shid re" cang koid: zheing" loo goo" wa. Nyangnu" gi goo joem lid: joem myoo: joem lham: joem thung" keing: joem ri myi: nghe' boem wigi nyhed zain ju" sho' yo" nghi' wa.

HOSEA 14:3

Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

NAHUM 2:13

Yoem: moo" bo da" Aseing tid zigi «Ngoo gi re" gyivoo nghoid. Ngoo gi re" gyi myang rheing" joem ri nghe' pyam loo: wa. Re" gyizoo: yigi meing: zain: jang: moo said pyam zi shau" loo: wa nghoid lho: ngoo gi nang sube" jang" mo shoug" yu da" jonu" joem dangain" ri lhoid yu pyam loo: wa. Re" lagyoo: lamang: yi da" tid sang: dang: khoin" joem ri hang" we' shoug" gyoo: loo: wa zi anghoid» ga: tid.

TARHA" TID POIN" 7:16

Nanu" Aseing Mangsoo wigi nanu" yoem: so' khoug: moo kaid to" da" byumyu" khang" moo" ri said toem" pyam ge'. Houg: bang: ri nheig khyeug myid aci: shug goo". Houg: bang: da" yu phara" ri acoung" apid ano' goo". Hougsu" koid zigi shid: khyoo: nghoid wa.

YOSHU 10:8

Aseing gi Yoshu ri «Houg bang: ri agyug goo". Ngoo gi nang ri oung: doid wa ziri byid: too" gu nghoid bye:. Nyangnu" mo dayug we' nanu" ri gyi ayo" khaid goo" wa» ga: tid da:.

YOSHU 11:5

Hau: khokham dangain" gi gyi yoem: shoin" wigi Israela byumyu" yiri meing: zain: wa shid re" Merom gyid gyung: zoo: moo dab koid wigi nyid boem ago".

YOSHU 11:7

Houg: yoomo Yoshu yo' nya: byu yi dangain gi Merom gyid gyung: zoo: moo nyangnu" ri nyeigdain tung" meing: yhe: zain: da:.

YOSHU 11:9

Yoshu gi Aseing amyeing" byid: to" da" khyo" houg: bang: ri koid bye:. Nyang: gi nyangnu" myang: ri khyid: gyi: phyed pyam lho: nyangnu" da" gyi myang: rheing" ri nghe' pyam da:.

YOSHU 3:5

Yoshu byumyu" yiri «Nanu" nya: gung ri younglho' too" ge'. Ciwim gari: Aseing gi nab yo nyid" nanu" da" agung moo: mau" pho" alhoo: again koid shug ri" wa» ga: tid.

TARHA" AGYI 7:9

Hau: myen Aseing gi Gideon ri «To' lho: dab ri yhe: khaid zain: we'. Ngoo gi nang ri hau: adang moo oung: doid nhang: wa.

1 SAMUELA 11:9

Nyangnu" gi Yabesha mo ju" re" da" lagyoo: yiri «Nab yo nyid" nyid" gung aju" shi" ri nyangnu" ri khyoid yu zi shoug" wa khyoo: ri nanu" da" byumyu" yiri lo" tid kyoo" ge'» ga: tid boem. Yabesha byumyu" yi we' hau: lu dang: ri shoug" gyoo: lang" ase' tid loo: sho' gau yi nyid boem ziyo'