YOSHU 11:16 - Lacid Common Language Bible

¹⁶ Yoshu gi mung" dangain" ziri seing: yu da:. Hau: zigi boem moug: yo' boem khyid: jang: dam joem mougzhung: mougpyi: eig shoid goin"- Goshen mougmyid dangain" yo' houg: mo mougpyi: shoid moug: kyug- Yodan gyid lang janggyoin: ju" sho' da" mougmyid dangain" nghoid da:.

YOSHU 11:16 교차 참조

COUNG" NGHEI 105:44

Nyang: gi subi" gooje da" mougmyid ri nyangnu" ri byid: lho: nyangnu" gi subi" gooje da" khyam: yoothung joem ri shoug" seung: nyid boem bye:.

COUNG" NGHEI 78:55

Nya: byumyu" yigi shid khyoo: jhen" vang yhe: lo" nyid uri nyid xoug" yiri nyang: koin" thu' pyam lho: nyangnu" da" mungzoug: joem ri Israela byumyu" yi kung: khang" mo" da" lo, khyoo: nyang: kho' byid: wigi nyangnu" da" yhoem: joem ri we' gam byid: bye:.

EZEKIEL 17:23

Hau: zigi Israela mo myhang: thang da" boem nghoid wa. Hau: zigi akung: ako'' joem thu re" wigi ashi" zei: loo wa. Houg: lho: atho' tid mung" da" shamu gam bue” loo wa. Byumyu" cang: joeb da" ngho' joem gi houg: moo nyid wigi hau: seig yoeb moo khau: nghi: joyoo myang boem wa.

EZEKIEL 36:8

Nghoid loug we' Israela mung" mo boem joem moo gi nga" byumyu" yi nanu" shid re" seiggam joem doem yug lo lho: ashi" doem zei: byid: loo wa. Nanu" gi khamyhang amyang" ri yhoem: moug: khyoo: doem shoug" loo" goo" wa.

TARHA" TID POIN" 1:7

Dab ri phyo' lho: to' loo" loo: ge'. Amori boem moug: yo' hau: lheing khoem mo Yodan lang: khung" boem moug: nyoem" moug: mougpyi: shoid khyoo: we' Meing: gung panglai: gyid yam cang khyoo: yhi: ge'. Khanan mung" yo' Lebanon boem lid wigi Uphrad gyid lang ju" sho' yhi: ge'.

YOSHU 10:40

Yoshu gi mung" goin" ri oung: pyam da:. Nyang: gi boem moug:- bidthu shoid boug zoin" joem bidvang shoid boem khyid: joem yo' hau: mung" da" mougpyi: shoid moug: kyug meing: joem mo khokham yiri khaid oung: pyam da:. Nyang: gi dayug ri we' ateing too" loo: yugkhang" moo" ri said pyam da:. He: zigi Israela da" Aseing Mangsoo byid: to" da" amyeing" dang: yo' dakhyo" nghoid da:.

YOSHU 10:41

Yoshu da" gyi khaid so" yen" zigi mougpyi: shoid Kadesha Barnea mo gyid yam mo Gaza ju" sho' Goshen mougmyid dangain" bo wigi mougzhung: shoid Gibeon ju" sho' nghoid da:.

YOSHU 11:15

Aseing gi nya: amyeing" dang: ri nya: dei zoo: Moshe ri byid: to" lho: Moshe gi Yoshu ri byid: da:. Yoshu gi hau: joem ri tam" gyoo: cang yhe: da:. Nyang: gi Aseing wigi Moshe ri amyeing" byid: to" da" ja: khang" moo" ri cang koid da:.

YOSHU 11:2

mougzhung: shoid boem moug: cang- Galile thoem" mougpyi: shoid Yodan janggyoin: cang- boem khyid: cang- Dora nham mo gyid yam cang mo khokham yiri dang: pyeung: kaid da:.

YOSHU 11:21

Hau: ayo, moo Yoshu gi yhe: lho: boem moug: nghoid da" Hebron- Debira- Anab- Yuda yo' Israela mo boem moug: dangain" jang" moo nyid da" Anakim ga: da" byu zeing byumyu" joem ri we' said toem" pyam da:. Yoshu gi houg: bang: yo' nyangnu" voomoo" joem ri said toem" phyo' shoin' pyam byid: da:.

YOSHU 12:8

Hid: moo: boem moug:- bidvang shoid boem khyid: joem Yodan gyid lang janggyoin: yo' houg: mo boem khyid: joem bidthu shoid bau zoin" joem mougpyi: shoid mo moug: kyug joem we' bo da:. He: mougmyid gi Hiti- Amori- Khanan- Perizi- Hivi- yo' Yebusi byumyu" yi da" yhoem: moug: nghoid lid lo boem da:.

YOSHU 9:1

Israela byumyu" yi da" oung: doid khyoo: gi Yodan gyid lang bidvang shoid mo boem moug:- Boem khyid:- mougzhung: shoid khyoo: Lebanon ju" sho' da" Meing: gung panglai: yam cang wigi jang: dam dangain" moo nyid boem da" Hiti- Amori- Khanan- Perizi- Hivi- Yebusi khokham yi dangain" mo, jang khyoo: fu" lo" khari" bye:.