YOSHU 10:6 - Lacid Common Language Bible

⁶ Gibeon byumyu" yigi Gigala joyoo moo dab koid wigi nyid da" Yoshu jang khyoo: «Ludaid phoo we"- ngoonu" ri ashe: pyam too". Akhid" nyang: ngoonu" ri re" pang" yu we'. Ngoonu" ri re" khyoid yu we'. Boem moug: moo nyid boem da" Amori khokham dangain" gi gyi yoem: shoin" lho: ngoonu" ri gyi re" zain: abye: go"» ga: dang: pyeung: kaid da:.

YOSHU 10:6 교차 참조

2 KHOKHAM 4:24

Hau: thang: nyang: gi loo zei: dang moo do, zhung: wigi dei zoo: phoo ri «Loo zei: ri yo" myab yhi' myab sho' koin" we'. Ngoo atid tid gi ayoem" nhang:» ga: amyeing" byid: da:.

COUNG" NGHEI 125:2

Boem joem gi Yerusalem ri lheung khoem to" ziyo' dakhyoo" ti" Aseing we" nya: byumyu" yiri akhid" mo wigi pyaid didu moo: ju" sho' dalheung khoem to".

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

GYUNG: SOO" 13:29

Mungdain: da" mougpyi: shoid moo: Amaleg byumyu" yi nyid wigi boem moug: moo gi Hiti- Yebusi- Amori bang: nyid boem ago". Meing: gung Panglai: yo' Yodan gyid lang yam cang gi Khanan byumyu" yi nyid boem ago"» ga: tid.

LUKA 1:39

Kha: myhang amyang" ri Mari gi byen soin lho: boem moug: moo jo, da" Yuda voo davoo khyoo: myab myab do, lo.

TARHA" TID POIN" 1:15

Houg: yoomo nanu" byu kung: yi mo nanu" khyen: byid: da" phajhi" bo thung" shoug" khyoo: myo: da" vhujhung: yiri ngoo shu" yu wigi ngoo gi nyangnu" ri nanu" adang moo vhoebkhang" wa shid re" moo" byid: bye:. Dayham" gi byu dakhyeing" adang moo dayham" gi byu dasho: adang moo dayham" gi byu wim: xi: adang moo dayham" gi byu daxi: adang moo yoovoin yu nhang: bye:. Ngoo gi gootu: moo" voin bang: ri we' byu kung: yi mo khyen: too" bye:.

YOSHU 10:5

Hau: Amori khokham wim: yug nghoid da" Yerusalem- Hebron- Yamud- Lakhisha- Eglon khokham yigi gyi yoem: shoin" wigi Gibeon ri re" vang: ziyo' hau: voomoo" ri gyi zain: abye: go".

YOSHU 10:7

Houg: yoomo Yoshu yo' nya: gyidab goin"- ge thang da" gyizoo: yi we' bo wigi Gigala mo to' yhe: lo" ago".

YOSHU 21:11

Nyangnu" ri Arba voomoo" ri byid: da:. (Arba gi Anag da" nya: phoo nghoid). Yuda boem moug: moo jo, wigi akhid" Hebron ga: myheing da" voomoo" yo' hau: lheing khoem moo jo, da" mhain" nu" yoo jang: pa: we' dage" byid: ago".

YOSHU 5:10

Israela byumyu" Yerikho nam jang: pa: mo Gilgala moo: dab koid nyid da" ayo, moo: nyangnu" gi hau: lhammoo" khyab daxe: myid: nyid" myen" thang: ri lhid: kaid pui" koid ago".

YOSHU 9:15

Yoshu gi Gibeon byu yi yo' bidnoem khyo" myid veing" thang" cab koid wigi nyangnu" ri nyid wa akhang" byid: ago". Israela byu phung: goin" da" vhujhung: yigi hau: myid veing" thang" cab ri cang wa khyo" geing: teing da" dangsoo" byid: ago".

YOSHU 9:6

Hau: thang: nyangnu" gi Gigala mo dab khyoo: yhe: wigi Yoshu yo' Israela byumyu" yiri «Ngoonu" gi gye" ve: mung" mo ju" loo bang: nghoid. Ngoonu" gi nanu" yo' ngoonu" myid veing" thang" cab koid wa ziri vho: da» ga: tid ago".

YOSHU 9:8

Nyangnu" gi Yoshu ri «Ngoonu" gi re" dei zoo: yi danghoid» ga: tid. Yoshu gi nyangnu" ri «Nanu" hang" bang: nghoid go" la". Khamo ju" loo go" la".» ga myid: