YOSHU 10:41 - Lacid Common Language Bible

⁴¹ Yoshu da" gyi khaid so" yen" zigi mougpyi: shoid Kadesha Barnea mo gyid yam mo Gaza ju" sho' Goshen mougmyid dangain" bo wigi mougzhung: shoid Gibeon ju" sho' nghoid da:.

YOSHU 10:41 교차 참조

APOEM AYANG: 10:19

Khanan mougkyoo" gi Sidon mo mougpyi: shoid Gerara voo Gaza nam moo ju" sho' we' bidthu shoid Sodom- Gomora- Adma yo' Zeboim voo Lasha nam moo ju" sho' we' ju" loo" bye:.

1 KHOKHAM 3:5

Hau: myen ri Aseing gi nya: yhoebmo, moo thu re" lho: «Ngoo nang ri ce: noem byid: wa ziri nang vho: lha"» ga: myid: bye:.

ZEKHARIA 9:5

Hau: ziri Ashkelon voo bang: myang wigi gyoug boem wa. Gaza: mung" bang: myang ri we' nain" nyid boem wa nghoid. Houg: yoomo Ekron voomoo" gi nya: nheig byu jang: ci: phyug pyam' zi shoug" wa nghoid. Gaza: khokham phoo we' joem: loo" wa zi nghoid- Ashkelon voo we' joem: thang loo" wa zi nghoid.

GYUNG: SOO" 13:26

Paran dain" pyoid yoo mo Kadesha moo nyid da" Moshe- Arun yo' Israela shava byu yi jang" khyoo: doem tau" lo" ago". Nyangnu" gi nyangnu" yhe: myang bye: gu: ri lo tid kyo" lho: nyangnu" yu lo da shi" joem ri we' lo ci: shug bye:.

GYUNG: SOO" 32:8

Nanu" da" phoug" phyid" yigi ngo wigi hau: mung" ri joo" yhe: yu" wa shid re" Kadesha Barne mo nhang: kaid uri hougsu" koid ago".

GYUNG: SOO" 34:4

Houg: mo mougpyi: shoid khyoo: Akarabim koolhang khyo" lid lo" wigi Zin khyo" xo' lid lo" zi mougpyi: shoid Kadesha Berea ju" sho' nghoid da:. Houg: mo bidvang mougzhung: shoid Hazara Adara yo' Azmon ju" sho' nghoid wa.

ACTS 8:26

Aseing: da" moug: lagyoo: dayug gi philib, ri too' we' - Yerusalem mo zi gaza: khyoo: ju" yhe: lo" da" khyoo: khyo" moug: thang: shoid khyoo: yhe: loo" we'. (He: da" fu" moo" khyoo: gi dain" pyid' yoo khyoo: nghoid nyid)

TARHA" TID POIN" 1:19

Ngoonu" Aseing Mangsoo ngoonu" ri dangsoo" byid: khyoo: ri ngoonu" koid loo bye:. Ngoonu" gi Sina boem mo thu lho: damung" dadain: nghoid da" gyoug pho" dain" pyoid yoo khyo" lid phyed lo" wigi Amori boem moug: khyoo: ju" da" khyoo: khyo" yhe: lo" boem bye:. Ngoonu" Kadesha- Barnea khyoo: ju" uri

TARHA" TID POIN" 2:23

Meing: gung panglai: gyid yam cang wigi Kreti gagyoo: kang mo byu yi de: nyid boem ago". Nyangnu" gi nyid xoug" yi nghoid da" Avim byu yiri said toem" pyam lho: mougpyi: shoid mo Gaza voomoo" ju" sho' da" mougmyid ri yu pyam ago".

TARHA" TID POIN" 9:23

Houg: lho: nanu" ri byid: wa nghoid da" mung" ri yhe: seing: yu wa amyeing" joem yo' dage" Kadesha- Baranea mo to' yhe: loo" nhang: uri nanu" gi nyang: ri thougtheung boem ago". Nanu" gi nyang: ri aloem jeing" atam" gyoo: nghoid boem ago".

YOSHU 10:12

Israela byu yi Amori byumyu" yi adang moo: Aseing wigi oung: doid nhang: da" bidnyid moo: Yoshu gi Aseing ri dang: ji da:. Nyang: gi Israela byumyu" yi shidkhoin" moo: «Bid we"- Gibeon adang moo: theing: jo, we' Lhammoo" we"- Aiyalon janggyoin: adang moo: theing: jo, we"» ga: tid da:.

YOSHU 10:2

Khokham zhung: da" voomoo" joem mo Gibeon voomoo" yhi gyi: da" voomoo" daloem we' ajo. Hougsu" nghoid yoomo Yerusalem voobyu yigi gye" gyoug nyid boem ago". Gibeon gi Ai voomoo" tho' je gyi: wigi Ai mo byu yigi gyi khaid sarhi: gi yi nghoid ago".

YOSHU 11:16

Yoshu gi mung" dangain" ziri seing: yu da:. Hau: zigi boem moug: yo' boem khyid: jang: dam joem mougzhung: mougpyi: eig shoid goin"- Goshen mougmyid dangain" yo' houg: mo mougpyi: shoid moug: kyug- Yodan gyid lang janggyoin: ju" sho' da" mougmyid dangain" nghoid da:.

YOSHU 11:22

Israela mung" moo: Anakim byu yi dayug we' anyid loo goo" nghoid da:. Nghoid loug we' Gaza- Gad yo' Ashdod moo: dajhi zoo: nyid deing jo, shi" ago".

YOSHU 15:51

Goshen- Holon- Gilo voomoo" joem nghoid. hau: joem dangain" gi daxe: davoo nghoid wigi hau: aqei: ayam mo voogung joem we' bo da:.

TARHA" AGYI 16:1

Danyid" ri Samson gi Philisti voomoo" Gaza khyoo: yhe: lho: houg: moo Shava myhi' dayug yo' yhe: shau" wigi nyang: yo' yhe: yhoeb da:.

TARHA" AGYI 16:21

Philisti byumyu" yigi nyang: ri myheig yu lho: nya: myojid" ri thoug" thoid pyam byid: ago". Nyangnu" gi nyang: ri Gaza khyoo: shu" lo" lho: gyid: mid" jangcoo" yo' tei" to" wigi thung: khoug: moo lug lheing: gyeig moo" ri koid nhang: ago".

1 SAMUELA 6:17

Philisti byumyu" yigi Aseing ri nyangnu" da" yooboo khyoid jhungshug ein: khyo" sheing: shoo" pu' shoo" cab' soolhoo: ri voogung daloem: moo daloem: loem: khyo" wigi Ashdod- Gaza- Askhelon- Gad yo' Ekron khyoo: nyangnu" foin: kaid boem ago".