YOSHU 10:3 - Lacid Common Language Bible

³ Houg: yoomo Adonizedeg gi Hebron khokham Hoham- Yamud khokham Piran- Lakhisha khokham Yaphia- Eglon khokham Debira bang: jhang khyoo: vhoo: mo mungdang: foin: kaid da:.

YOSHU 10:3 교차 참조

APOEM AYANG: 23:2

Nyang: gi Khanan mung" Hebron joyoo moo shid: wigi Abraham gi gye" koug bye:.

APOEM AYANG: 37:14

Nya: phoo gi «Amang: bang: gi yang" nyid boem go" la'- gougnyhoug joem gi goo" lhoo: za: nghoid nyid la'- yhe: yu" wigi ngoo ri doem lo tid kyoo" we'» ga: tid. Houg: yoomo nya: phoo gi nyang: ri Hebron pa: dam mo yhe: de" kaid. Yoseb gi Shekhem moo Ju" lho:

2 SAMUELA 2:11

Nyang: gi Hebron voogung moo khokham kho" zhung: wigi Yuda mung" ri nyhed zain dakhyam" vhoebkhang" bye: zi nghoid.

2 KHOKHAM 18:14

Hezekia gi Lakhisha moo nyid da" Senakherib ri «Ngoo shoid bye:- re" gyi khaid ziri theing: pyam we' nang mho' zi cinghoid loug we' ngoo byid: wa» ga: mungdang: pyeung: kaid da:. Khosen gi Hezekia ri ngei daxi: tain: yo' sheing: datain: nyang: ri foin: byid: wa shid re" dang: phyed byid: da:.

2 KHOKHAM 18:17

Asuri khosen gi Yerusalem moo nyid da" Hezekia ri gyi khaid wa shid re" Lakhisha mo zi gyiphung: moo" daphung: nhang: kaid da:. Hau: ziri aya: myhang: thang da" nya: gyizoug: soem" yug wigi shu" ago". Nyangnu" Yerusalem khyoo: ju" yhi: lang" tho' gyid thoem" mo gyid she: yu da" gyid khyoo" nam mo byimi cid" joyoo mo khyoo: deing ri seing: yu pyam ago".

2 KHOKHAM MHOOMYID: 11:9

Adoraim- Lakhisha- Azeka-

MIKHA 1:13

Lakhisha voobyu yi we"- myang: joem ri myang: rheing" moo tab ge'. Nanu" gi Israela yi da" yooboo ri gei yu" yoomo Yerusalem ri yooboo koid nhang: bye:.

GYUNG: SOO" 13:22

Nyangnu" gi hau: mung" da" mougpyi: shoid khyoo: xang: shi" yhe: wigi Hebron khyoo: doem lo" ago". Houg moo: Anakim ga: myheing da" byuzeing myu" yi da" amyed ashen nghoid da" Ahiman- Sheshai- Talamai kung: bang: nyid ago". (Hebron voogung gi Egutu mung" Zoan voogung tho' moo: nyhed zain shid" lho: tam: to" da" voogung nghoid.)

YOSHU 10:1

Yerusalem khokham Adonizedeg gi Yoshu Yerikho voomoo" yo' houg: mo khokham ri koid bye: yhang: ti" nyang: gi Ai voomoo" ri seing: yu wigi voomoo" ri bain sho' phyo' soin' pyam lho: khokham phoo ri we' said pyam khyoo: ri shau" gyo: da:. Nyang: gi Gibeon byu yi Israela byumyu" yi yo' yug yo khyoo: koid wigi nyangnu" phung moo: nyid nyid boem ziri we' shau" gyoo: bye:.

YOSHU 10:23

Houg: yoomo lug khyung: nhoid ri phang wigi Yerusalem- Hebron- Yamud- Lakhisha yo' Eglon khokham yiri shu" thu lo wigi

YOSHU 10:34

Hau: thang: Yoshu yo' nya: gyidab gi Lakhisha mo zi: Eglon khyoo: yhe: wigi hau: ziri vang: lheing to" lho: meing: zain: bye:.

YOSHU 10:5

Hau: Amori khokham wim: yug nghoid da" Yerusalem- Hebron- Yamud- Lakhisha- Eglon khokham yigi gyi yoem: shoin" wigi Gibeon ri re" vang: ziyo' hau: voomoo" ri gyi zain: abye: go".

YOSHU 14:15

Hebron ri shid phyang" gi Arba voomoo" ga: myheing ago". (Arba gi Anag da" zoo: mo gyi: thang yug nghoid.) Akhid" mungdain: moo meing: pyo: nyid da:.

YOSHU 15:54

Humta- Hebron yo' Ziora voomoo" joem nghoid da:. Hau: joem dangain" gi gau: loem: nghoid wigi hau: aqei: ayam mo voogung joem we' bo da:.

YOSHU 15:63

Nghoid loug we' Yuda byumyu" yigi Yerusalem moo: nyid boem da" Yebusi byu yiri ayo" khaid thu pyam nghoid ago" da:. Yebusi byu yigi hougmoo: Yuda byu yi yo' dage" nyid boem ashi".

YOSHU 18:28

Zela- Haeleph- Yebusi (Yerusalem)- Gibea- Kiriad Yarim voomoo" joem nghoid. hau: joem dangain" gi daxe: myid: loem: nghoid wigi hau: aqei: ayam mo voogung joem we' bo da:. He: zigi Benyamin kung: yhoemkhung: yi nyangnu" da" mougmyid jonu" khyo" shau" kham: yu da" mougmyid nghoid da:.