YOSHU 10:13 - Lacid Common Language Bible

¹³ Byumyu" yi nyangnu" gyivoo yiri oung: pyam sho' bid gi theing: jo, wigi lhammoo" gi ayu: nghoid da:. He: khyoo: ri Yoshara da" soug" pug moo: lhid" to" da:. Bid gi moug: gung moo: theing: jo, wigi danyid" goin" avang nghoid da:.

YOSHU 10:13 교차 참조

2 SAMUELA 1:18

Hau: zigi Yuda byumyu" yiri jhau" byid: wa shid re" amyeing" dang: byid: kaid bye:. (he: ziri Yasha da" soug" pug moo lhid" xoem" too" bye: zi nghoid)

2 KHOKHAM 20:10

Hezekia gi «Shid vhoo" khyoo: daxi: khoem: yhe: loo" wa zigi lei da:. Thang: khyoo: daxi: khoem: tau" loo wa koid we'» ga: tid da:.

ESTHA 8:13

He: amyeing" dang: ri tarha" khyo" to" lho: hau: bidnyid ju" lang" Yuda byumyu" yi wigi nyangnu" da" gyivoo yiri latoo: phug wa jen" jen" yo" soin' too" wa shid re" mung" du khang" moo" mo yugkhang" moo" ri si' nhang: too" ca" wa.

YOBA 9:7

Nyang: gi bid ri athu sho' myen" ri kyi: aboo" sho' yo" toem' pyam da:.

COUNG" NGHEI 148:3

Bid yo' lhammoo" nyang: ri coung" pid ge'- bang nyid da" kyi: joem we"-nyang: ri coung" byid: we'.

COUNG" NGHEI 19:4

Nghoid loug we' nyangnu" da" lu dang: gi mougmyid dagyab goin" khyoo: ju" lo" lho: hau: lu dang: gi mougmyid gyab, thang sho' shau" gyo: loo" bye:. Mangsoo gi mougkhung: moo: bid shid re" yhoem: daloem: koid to".

ESAIA 24:23

Lhammoo" no, loo" khari" wa. Bid azhoo: loo: wa. Ciwim gari myhang: thang Aseing gi khokham bue" loo wa. Nyang: gi Yerusalem ri Ziun boem mo vhoebkhang" wa. Byumyu yi da" vhujhung: yigi nya: da" phung" yoeb ri myang loo goo" wa.

ESAIA 38:8

Khokham Ahaza wigi koid to" da" zoem" lhang: tho moo Aseing gi bidbang yoeb zoo" ri zoem" lhang: ki daxi: tau" loo" nhang: wa» ga: tid da:. Houg: yoomo zoem" lhang: daxi: ki doem tau" lo byug da:.

YOELA 2:10

Nyangnu" jhen" yhe: lo" ri myid leig leug lo lho: mougkhung: we' nain" nyid bid yo' lhammoo" we' coid shoem: lo" wigi kyi: joem we' ayo" bang boem loo.

YOELA 2:31

Aseing da" gye" gyoug dain pho" bidnyid aju" loo shi" uri bid moo" gi teing: no, lo" byug wigi lhammoo" we' suid" su" ne lo" byug wa nghoid.

YOELA 3:15

Bid yo' lhammoo" gi moug: coid teing no, lo" byug lho: kyi: joem gi ayo" doug bang jo, loo.

HABAKU 3:11

Re" da" myoo: khaid joem zain loo" khare" uri yi yi bang ziyo' lham: fu' joem kyi: jo, yoomo bid yo' lhammoo" gi nya: joyoo moo theung: yab jo.

GYUNG: SOO" 21:14

Houg: lho: Aseing da" gyi khaid mougsoug" bug moo: «Supha moug: mo Vaheb voogung yo' lang khung"- Arnon gyid lang.

GYUNG: SOO" 31:2

«Israela byumyu" yiri Midian byumyu" yi koid lid lo" da" moo" zoo" yoomo nyangnu" ri yooboo dam byid: we'. Hau: zi bain koid thang: nang shid: wa zi nghoid» ga: tid.

MATHE 24:29

«Houg: te" da" gyoug dain' jam joug khyoo: bain thoug" shau" da" hau: nyid" ri Bid gi moug: coid bue" loo" khari" wa. Lham" moo" we bang loo: wa zi anghoid. Kyi" joem gi mougtho' mo byid gyoo" lo boem wa. Mougkhung: moo jo, da" yoem: so' dangain" we' nyangnu" da" khyoo" mo nain" yu: phang: lo" boem wa.

MATHE 5:45

Houg: su" nghoid ri za: Mougkhung: tho' moo nyid da" phoo Mangso da" nya: myid: nya: zoo: yi gi nanu" yo" bui" wa zi nghoid. Khasu" wim gari agi mo, yo" gi mo, da" tho' moo nya: bid ri thu' nhang: nyid wigi deung byeung" mo, yo" adeung byeung" mo, da" tho' moo moug: ri voo byid: nyid.

LUKA 18:7

Khyen: yu shau" nya: byu yi da" nyid" myen" bo pang" wa shid' re" yoid mho' ngau nyid boem nghoid rigi Mangsoo gi dang: akho: byid: loo: nyid wa la". nyang: gi houg: bang: ri pang" thoug byid: wa shid' re" nhe" nyid wa la".

ACTS 2:20

Aseing: gyi: sheung: da" phung" yoeb bo-bid nyid zeing a ju" ri" shi" ri-Bid moo" khyab, gi moug: coid' bue" lo" wigi Lham" moo" gi suid" su" ne, lo" byug wa nghoid.

YOSHU 10:11

Amori byu yi Israela gyidab mo boem gyoo: khyo" tang" phang: gyoo" lo" nyid boem uri Aseing gi Azeka khyoo: ju" sho' nyangnu" adang moo Leigvoo cab khayhi' yhi zi gyo" zang" nhang: da:. Israela byu yi lo, mo tho' leigvoo wigi said pyam zi je myo: da:.

YOSHU 10:14

Aseing gi xangsu: byu da" dang: gyo: byid: wigi shid phyang" we' abue" yu"- thang: phyang" we' abue" da" hid yhang: te" bidnyid ri bui" nhang: bye:. Aseing gi Israela byumyu" yi shoid khyo" meing: bo zain: byid: da:.

Pang Shug 21:23

Hau" voo gung moo doug bang wa shid re" bid we' lham" moo" we' aca" loo. Khasu" wim gari Mangso da" myonhoo: phung" yoeb, gi hau: voogung ri thoin" pang byid: nyid lho: Yang nu" gi houg: mo myibung: nghoid.

Pang Shug 6:10

Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.

Pang Shug 6:12

Hau: thang: ri yang nu" gi khyug loem: ein: da" dazid' ri doem, phang kaid uri ngoo myang zigi myid' leig gyi" sho' leug lo lho: bid moo" khyab, gi ceug no, da" kung: yid pain" su" no, loo" khare" wigi lham" moo" khyab, we' suid" su" ne, loo" khare".

Pang Shug 8:12

Myid: yug ein: wa da" moug: lagyoo: laboo" moid kaid lang" bid soem" boem mo daboem,- lham" moo' soem" boem mo daboem- kyi: joem yo' bo" bang yi we' soem" boem mo daboem- moug: coid bue" lo" byug yoomo nyid" soem" boem mo daboem yo' myen" soem" boem mo daboem- boo" bang ayoo" loo.

TARHA" AGYI 16:28

Hau: thang: Samson gi «Yoem: moo" bo thang da" Aseing we"- jeju" khyo" ngoo ri myid boin: la. Mangsoo we"- jeju" khyo" nga" yoem: ri he: dalheing: za: doem byid: la. Hougsu" lang" he: dalheing: yo' nga" myojid" ri thoug" thoid pyam byid: boem da" Philisti byu yiri latoo: yo" phug pyam wa zi nghoid» ga: akyu" mho' da:.

TARHA" AGYI 5:2

Aseing ri coung" ge' Israela byu yigi gyi koid wa myid phyed wigi byumyu" yi ngei bu: tung" za: nyang: nya: myid khyo" bo boem ago".