YOSHU 10:10 - Lacid Common Language Bible

¹⁰ Aseing gi Amori byu yiri Israela gyidab da" myo, jang moo: byoo dain byooshoo" bui" nhang: pyam da:. Israela byumyu" yigi Gibeon moo: nyangnu" ri said pyam wigi nyangnu" ri Bed Horon boem gyoo: bau gyoo" cang lho: mougpyi: shoid Azeka yo' Makeda ju" sho' xo' lho: cang khaid zain: da:.

YOSHU 10:10 교차 참조

2 SAMUELA 22:15

Nyang: gi myoo: ri beug tang" kaid nyid wigi gyivoo joem ri byo sain" loo" nhang:. Lhab' ri myeug nhang: lho: wigi nyangnu" ri phang: thu loo" nhang:.

1 KHOKHAM 9:17

Sholumon hau: ziri doem so' koid zi nghoid.) Sholumon gi nya: vhookung: yoem: yo' Yuda mung" kyoem: khoug: mo Bed Horon vho: du- Balad yo' Tama ri we'

2 KHOKHAM MHOOMYID: 14:12

Asa yo' Yuda gyidab yi Etiopi gyidab ri yhe: khaid zain uri Aseing Etiopi gyidab ri oung: pyam bye:. Nyangnu" phang: byug boem ago".

2 KHOKHAM MHOOMYID: 25:13

Hau: ayo, moo gyi khaid pui" khyoo: Amazia nyang: yo' dage" bo cang wa akhang" abyid: da" Israela gyizoo: yigi Samari voo yo' Bed Horan agyoo: mo Yuda voomoo" joem ri khaid zain: wigi byu soem" khyeing" yug ri said pyam lho: lanyhoeb myoo: sho' shoem" yu pyam ago".

COUNG" NGHEI 18:14

Nyang: gi myoo: ri beug tang" kaid nyid wigi gyivoo joem ri byi, sain" loo" nhang:. Lhab' ri myeug nhang: lho: wigi Nyangnu" ri phang: thu loo" nhang:.

COUNG" NGHEI 44:3

Re" da" byumyu" yigi he: mungdain: ri nyangnu" da" sham: yo' yoo" zain: oung: yu zi anghoid. Nyangnu" da" yoem: vhoo" yo' hau: ziri yo" yu zi anghoid. Hau: zigi re" da" yoem: so' yoomo we' re" da" athang agoin yoem: moo" yoomo we' nyangnu" ri toin" shed bye: ein: da" nang nyangnu" da" akhoug: moo: dage" nyid nyid da- nheugshid: nheugdeug khyoo: yoomo we' yo" seung: yu da" zi nghoid. Hau: zigi nyangnu" ri nang khayhi' jheddab nyid khyoo: toin" shed byid: nyid.

COUNG" NGHEI 68:14

Gyi: myhang: da" Mangsoo gi khokham joem ri Zalmon boem khyoo: kaid sain" kaid uri nyang: gi hau: joyoo moo gyu: khyoo, nhang: nyid.

COUNG" NGHEI 78:55

Nya: byumyu" yigi shid khyoo: jhen" vang yhe: lo" nyid uri nyid xoug" yiri nyang: koin" thu' pyam lho: nyangnu" da" mungzoug: joem ri Israela byumyu" yi kung: khang" mo" da" lo, khyoo: nyang: kho' byid: wigi nyangnu" da" yhoem: joem ri we' gam byid: bye:.

ESAIA 28:21

Aseing gi nyang: koid wa soin' to" da" moo" ri koid wa shid re" nyang: gi Perazim boem moo yo' Gibeon janggyoin: moo nyang: koid lo ziyo' dakhyo" khaid zain: loo wa. Nya: lo, moo" joem gi mau" pho" zi nghoid da:. Nyang: gi nya: da" mau" pho" moo" nghoid da" nya: moo" ri zei: pain' pyam loo wa.

ESAIA 30:30

Aseing gi yugkhang" moo" ri nya: phung" bo dang: ri shau" gyo: nhang: lho: nyang: nheig joem: yo: da" yoem: ri kham zoo: nhang: loo wa. Hau: zigi myiyham:- dalheing: dam vo da" moug:- leig voo khyo'- moug: moo" vo loo wa.

ZEKHARIA 14:3

Hau: thang: ri Aseing gi shid phyang" nyang: meing: zain: lo yu" bye: yhang: ti" nyangnu" ri shu" thu lo" lho: hau: byumyu" yiri zain: loo wa zi nghoid.

TARHA" TID POIN" 7:23

Aseing gi nanu" gyivoo ri nanu" da" yoem: so' khoug: moo to" to" wigi nyangnu" shid: loo" shoug" bidnyid ju" sho' nyangnu" ri byoodain byooshoo" bui" nyhang: wa.

YOSHU 10:11

Amori byu yi Israela gyidab mo boem gyoo: khyo" tang" phang: gyoo" lo" nyid boem uri Aseing gi Azeka khyoo: ju" sho' nyangnu" adang moo Leigvoo cab khayhi' yhi zi gyo" zang" nhang: da:. Israela byu yi lo, mo tho' leigvoo wigi said pyam zi je myo: da:.

YOSHU 10:28

Yoshu gi hau: bidnyid moo: Makela yo' houg mo khokham ri gyi zain: wigi seing: yu pyam da:. Nyang: gi hau: voomoo" moo: nyid da" yugkhang" moo" ri said pyam da:. Dei zi dayug we' adeing loo: nghoid da:. Nyang: gi Yerikho khokham ri koid lid loo bye: khyo" Makela khokham ri koid bye:.

YOSHU 10:9

Yoshu yo' nya: gyizoo: yigi myen goin" Gigala mo Gibeon khyoo: yhe: lo" ago". Houg: lho: nyangnu" gi Amori byu yiri nyeigdain tung" gyi yhe: zain: ago".

YOSHU 11:8

Aseing gi Israela byumyu" yiri houg: bang: adang moo: oung: doid pyam nhang: da:. Israela byumyu" yigi houg: bang: ri meing: zain: wigi mougzhung: shoid Misrephod Maim yo' Sidon fi' ju" sho' yo' bidthu shoid Misapha janggyoin: ju" sho' cang khaid zain: ago". Meing: zain: zigi gyivoo yi adei hang" we' adeing loo: sho' xo' khaid ago".

YOSHU 12:16

Makeda - Bethela-

YOSHU 15:35

Yarmud- Adulam- Sokho- Azeka-

YOSHU 15:41

Gederod- Bethdagon- Nama- Makeda voomoo" joem nghoid. hau: joem dangain" gi daxe: khyug loem nghoid wigi hau: aqei: ayam mo voogung joem we' bo da:.

YOSHU 16:3

Houg: mo zi bidvang shoid Yaphleti byu yi mougmyid khyoo: yhe: lo" wigi Bed Horon vho: du ju" sho' nghoid da:. Houg: mo zi Gaza khyoo: lid yhe: wigi Meing: gung panglai: moo: yhe: thang da:.

YOSHU 16:5

He zigi Ephrim byumyu" yhoemkhung: yi da" mougkyoo" nghoid da:. Nyangnu" mougkyoo" gi Atarod- Adara bidthu shoid mo zi Bed Horon tho' du ju" sho'

YOSHU 21:22

Kibzim- Bed Horon yo' houg: mo mhain" nu" yoo jang: pa joem nghoid da:.

TARHA" AGYI 4:15

Barag gi nya: gyizoo: yi yo' gyi khaid boem lang" Aseing gi Sisera ri nya: gyi myang: rheing" joem dangain" yo' nya: byu yi dangain" ri anhung akhoid bue" loo" nhang: da:. Sisera gi nya: gyi myang: rheing" mo gyo" lho: khyid: khyo" tang" phang: lo" da:.

TARHA" AGYI 4:16

Barag gi gyi myang: rheing" joem yo' gyizoo: yiri tungbau: yi da" voogung Haroshed khyoo: cang khaid wigi Sisera da" gyidab goin" said pyam zi shoug" ago". Dayug we' adeing nghoid da:.

TARHA" AGYI 5:20

Kyi: joem gi moug: khoug: moo dang: yen" da" khyo" nyangnu" mougkhung: moo gyi zain: ago". Nyangnu" gi Sisera ri thougtheung gyi khaid ago".

1 SAMUELA 13:18

Gootu: daphung: gi Bed Horon shoid khyoo: yhe: lo" boem ago". Xo' wigi gootu: daphung: gi Zeboim langkhung" yo' seig moo" yoo ri yo" myang kaid da" mougkyoo" shoid khyoo: yhe: lo" boem ago".

1 SAMUELA 17:1

Philisti byumyu" yigi meing: zain: wa shid re" Yuda mung" Sokho voogung moo zoebphung: yu wigi Sokho yo' Azeke agyoo: mo Ephe Damim ga: da" joyoo moo nyangnu" da" dab koid to" ago".