YOSHU 1:9 - Lacid Common Language Bible

⁹ Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

YOSHU 1:9 교차 참조

APOEM AYANG: 28:15

Goo" lhoo: xoem" too" we'. Ngoo gi nang yo' dage" nyid nyid wa nghoid wigi nang yhe: lo" jo, yo khang" moo" moo goem loem byid: nyid wa nghoid wigi Ngoo gi nang ri he: moug: khyoo: doem shu" tau" loo wa nghoid. Ngoo khyo" nang ri dangsoo" byid: to" ziri abain zei: pyeing pyeing gi nang ri ngoo too" khoo' wa anghoid» ga: tid da" yhoebmo, ri myang.

APOEM AYANG: 39:2

Aseing gi Yoseb yo' dage" nyid wigi nyang: ri oung: doid nhang: bye:. Nya: aseing Egutu byu yhoem: moo nyid nyid.

APOEM AYANG: 39:3

Aseing gi Yoseb yo' dage" nyid lho: nyang: zei: moozei: dangain" oung: doid khyoo: byid: nyid ziri se' yu" bye:.

2 SAMUELA 13:28

Nya: dei zoo: yiri Amnon yhid: gye" yid nyid uri «Ngoo yu" lho: amyeing" byid: kaid lang" nyang: ri said pyam wa zi nghoid. Agyug goo"- ngoo yoovoin yu wa zi nghoid- seing" yang" ge'- voem, voem, akoid goo"» ga: tid kaid bye:.

1 KHOKHAM MHOOMYID: 28:20

Khokham David gi nya: yuggi zoo: Sholumon ri «Voem" myid yo' myid phyed we'. Moo" zei: shid we' ce: ja: wigi we' nang ri atoem' pyam nhang:- ngoo dei byid: da" Aseing Mangsoo gi nang yo' dage" nghoid loo wa. Nyang: gi nang ri ashe: pyam too" wa. Nyang: gi nya: Noku Yhoem: Moo" koid da" moo" bain da" ayo, ju" sho' nang yo' dage" nyid nyid wa.

2 KHOKHAM MHOOMYID: 15:7

Nghoid loug we' nanu" gi yoem: phain" nyid ge'. Agyug avoem nyid go". Nanu" koid da" moo" zoo" gi aphoug" jhungshug shoug" nhang: loo wa» ga: pe: da:.

COUNG" NGHEI 46:7

Gyi: myhang: da" Aseing gi ngoonu" yo' dage" nyid nyid. Yaku da" Mangsoo gi ngoonu" da" phang: khoug: jang: lug ug nghoid.

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

ESAIA 43:1

Israela we' nang ri phain" so: to" da" Aseing tid zigi ‹Agyug- ngoo nang ri khyoid yu wa. Ngoo gi nang ri myeing lang: wigi khe: too" bye:- nang gi ngoo seing: zi nghoid.

ESAIA 43:5

Agyug- ngoo nang yo' dage" nghoid. Ve: da" bidthu shoid mo yo' ve: thang da" bidbang shoid mo ngoo gi re" byu yiri yhoem: khyoo: shu" loo wa.

ESAIA 8:12

«Byumyu" yi soin to" jang" moo abo boo houg: lho: nyangnu" gyoug da" ja: ri we' agyug

DANIELA 10:19

Nyang: gi «Nang ri Mangsoo jheddab da:. Houg: yoomo ce: wigi we' nang ri aseing" khoo" nhang:- akyug tain' nhang:» ga: tid da:. Nyang: hau: zi bain tid lang" Ngoo je" yoem bo lo thui: gyo: wigi «Aseing: we"- nang tid ca" ziri tid we' nang gi ngoo ri je nyid pyoo: thui: gyoo: nhang: abye:» ein: tid bye:.

HAGI 2:4

Hougsu" nghoid loug akhid" nanu" kha: yug we' nheigloem: abyo, yoin" goo"- moo" zoo" ri zei: nyid ge'. Ngoo gi nanu" yo' dage" nyid.

HAGI 2:5

Nanu" gi Egutu mung" mo thu lo da" uri ngoo gi nanu" yo' khanham we' dage" nyid wa ein: dangsoo" too" kho' bye:. Ngoo gi akhid" ju" sho' nanu" yo' dage" danyid nyid yoomo agyug goo".

ACTS 4:19

Nghoid loug we' Petru yo' Yohan eig yug gi nyangnu" ri doem phoug tid zigi Mangso dang: ri tam" gyoo: wa la". anghoid lang" gi nanu" da" dang: ri tam" gyoo: wa la". Mangso shid' moo kha: loem: jo zigi nanu" nyang: dang: phyed' byid: ge'.

TARHA" TID POIN" 20:1

«Nanu" gi nanu" da" gyivoo ri zain: wa shid re" to' yhe: lo" ziyo' nanu" tho' je myo: da" myang: rheing" joem myang: joem yo' gyidab joem ri myang lang" nyangnu" ri agyug goo". Nanu" ri Egutu mo khyoid yu da" nanu" Aseing Mangsoo gi nanu" yo' dage" nghoid nyid wa.

TARHA" TID POIN" 31:23

Hau: thang: Aseing gi Nun nya: yuggi zoo: Yoshu ri he: amyeing" dang: byid: bye:. Hau: zigi «Myid loem wigi myid phyed ci: we'. Nyang: gi Israela byumyu" yiri ngo wigi dangsoo" byid: to" da" mung" khyoo: shu" vang yhi: ca" wa. Houg: lho: ngoo gi nang yo' dage" nghoid nyid wa» ga: tid.

TARHA" TID POIN" 31:28

Nanu" byumyu" kung: mo vhujhung: yi yo' gyizoug: yi dangain" nga" shidkhoin" moo khe: zheing" too" we'. Houg: lang" ngoo nyangnu" ri hid: joem ri yo" tid kyoo" wa. Ngoo gi nyangnu" ri nga" sagse: khyo" mougkhung: yo' myidjang ri khi: wa.

YOSHU 1:10

Hau: thang: Yoshu gi vhujhung: yiri amyeing" byid: zigi

YOSHU 1:17

Moshe dang: ri khanham we' ngoonu" tam" gyo: lo ziyo' dakhyo" re" dang: we' ngoonu" tam" gyoo: wa. Re" Aseing Mangsoo Moshe yo' dage" nghoid yhang: ti" nang yo' we' dage" nghoid baja".

YOSHU 1:18

Re" amyeing" akhang" ri dang: myid: myid: anghoid lang" re" amyeing" dang: daja: ja: ri acang yug hang" nghoid ri we' said pyam zi shau" boem wa. Myid phyed lho: loem jeing" we'» ga: phoug tid boem.

YOSHU 10:25

Hau: thang: Yoshu gi nya: gyizoug: yiri «Agyug goo"- yoem: ashoin: goo". Myid phyed wigi loem jeing" nyid ge'. Ciwim gari: he: zigi nanu" gyivoo joem dangain" ri Aseing hid su" koid wa da" khyoo: nghoid da» ga: tid.

YOSHU 10:8

Aseing gi Yoshu ri «Houg bang: ri agyug goo". Ngoo gi nang ri oung: doid wa ziri byid: too" gu nghoid bye:. Nyangnu" mo dayug we' nanu" ri gyi ayo" khaid goo" wa» ga: tid da:.

YOSHU 3:7

Aseing gi Yoshu ri «Ngoo akhid" nyid" koid wa moo" zoo" gi Israela byumyu" dangain" bang: gi nang ri byu zeing dayug khyo" wigi ngi: shab shed" ri" goo" wa. Houg: lho: ngoo gi Moshe yo' dage" nyid lo yhang: ti" nang yo' we' dage" nyid ein: ziri nyangnu" se' ri" goo" wa.

YOSHU 6:27

Houg: yoomo Aseing gi Yoshu yo' dage" nyid wigi nya: myeing gyi: khyoo: gi damung" goin" khyoo: fu" lo" da:.

YOSHU 8:1

Aseing gi Yoshu ri «Gyizoo: dangain" nang yo' dage" shu" wigi Ai voomoo" khyoo: yhi: we'. Agyug goo"- yoem: agyoug: goo". Ngoo gi nang ri Ai khokham adang moo: oung: doid nhang: wa. Nya: byu yi voomoo" yo' moug: ri oung: doid nhang: wa. Nya: byu yi voomoo" yo' mougmyid gi nanu" re" nghoid ri" goo" wa.

TARHA" AGYI 6:14

Hau: thang: Aseing gi nyang: ri «Re" yoem: zeing yo' yhe: lho: Midian byu yi lo, mo Israela byumyu" yiri yhe: khyoid yu we' ngoonyang: nang ri nhang: kaid da» ga: tid da:.

1 SAMUELA 10:7

Hougsu" bue" nyid uri Mangsoo nang ri shu" koid da" ce: ja: moo" zoo" ri nghoid loug we' nang cang koid nyid we'.