YOSHU 1:8 - Lacid Common Language Bible

⁸ He: tarha" mougsoug" pug gi nanu" noku koid khang" moo" nghab ca" ziri boin: nyid ge'. Nyid" ri myen" ri hau: ziri zhang: yu ge'. Hougmoo: lhid" to" zi ja: khang" moo" ri nanu" cang wa khyo" koid ge'. Houg: lang" nanu" nyid gi yab ge lho: oung: doid lo boem goo" wa.

YOSHU 1:8 교차 참조

APOEM AYANG: 24:63

Nyang: gi myen" thang: zoo" moo dain" pa: khyoo:- khyoo: so" yen" ri gola-ug lo nyid ziri myang kaid bye:.

2 KHOKHAM MHOOMYID: 26:5

Nya: laloem lakhoug: moo phajhi" byid: su: Zekharia dei nyid myhang nyang: gi Aseing ri jhug zug tung" dei byid: wigi Mangsoo gi nyang: ri mainkaid byid: da:.

COUNG" NGHEI 119:11

Ngoo gi re" da" tarha" ri nga" nheigloem: ung: khoug: moo kaid to" khyoo: gi nang ri ngoo yooboo azang" koid wa shid re" nghoid.

COUNG" NGHEI 119:15

Ngoo gi re" da" khyoo: shed dang: joem ri jhau" yu nyid lho: wigi Re" da" jhau" byid: khyoo: ri we' ngoo gi phoid: sho' yu" nyid.

COUNG" NGHEI 119:97

Re" da" tarha" ri ngoo khayhi' jheddab nyid lha". Hau: khyoo: ri danyid goin" ngoo myid soin: yu" nyid.

COUNG" NGHEI 119:99

Ngoo gi re" da" khyoo: shed dang: joem ri danyid" goin" yu nyid yoomo ngoo ri jhau" byid: da" sara: yi dangain" tho' re" ngoo gi je' wigi se' yeug lo nyid.

COUNG" NGHEI 19:14

Nga" da khoug: loo lug ug nghoid lho: ngoo ri khyoid yu da" Aseing we" nga" da" nhoid mo thu da" dang: khoin" yo' nheigloem: mo myid soin: thu lo da" khyoo: gi re" shidkhoin" moo: re" da" nheugdeug jang: bue" loo nhang: we'.

COUNG" NGHEI 40:10

Hau: khyoid khyi: yu da" lu dang: gi ngoonya: gung nyang: yhoem" too" wa zi anghoid. Re" da" dangsoo" khoin" yo' pang" thoug yu da" khyoo: ri re" byumyu" yi dangain" mo, da" meing: zoebphung: moo nang loem: lug da" khyoo: yo' geung: teung jhid khyeing: kang: khyeung: khoo: ri ngoo gi atid loo za: nyid wa zi anghoid.

DANG: ZHOEM 3:1

Nga" zoo: we"- ngoo nang ri tid kyo" da" dang: ri ato" myhid- nang cang zei: loo" wa shid re" ngoo akhyoo" shed to" dang: ri:-khanham we' daboin: so" nyid we'.

ESAIA 59:21

Houg: lho: ngoo nanu" yo' dang: theing koid to". Nanu" ri ngoo byid: to" da" nga" yoem: so' yo' nga" jhau" shid khyoo: gi nanu" shid re" apyaid atoo: nghoid wa. Houglho: akhid" mo zi nanu" gi ngoo ri tid dang: gyo: wigi nanu" da" zoo: shang: yi yo' nanu" da" amyed ashen yiri ju" loo wa da" ayo, goin" moo ngoo ri tid dang: gyoo: wa shid re" jhau" shid ge'» ga: tid da:.

MATHE 12:35

Ge da" byu gi nya: zi gi kaid to" da" boin" mo ge da" zi ri shau" thoid yu da:- akhyeing" ashoeb su: gi nya: da" akhyeing" ashoeb zi kaid to" da" boin" mo age zi za: dashau" thoid yu nyid.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MATHE 7:21

«Ngoo ri ‹Aseing we"- Aseing we"› ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho, nheigloem: yo" cang su: za: dayo" vang loo" wa.

MATHE 7:24

«Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

YOHAN 13:17

He: da" deung main" da" khyoo: ri akhid" nanu" se' boem bye. Houg: su" si' bye: ziyo' dakhyoo" ti"-- nanu" cang zei: lo" rigi ngi lho, boem wa.

YOHAN 14:21

Ngoo ri kham: yu lho: cang loo" su: gi ngoori jheddab su: nghoid. Ngoori jheddab su: ri nga" Phoo we' jheddab wa zi nghoid. Ngoo we' nyang: ri jheddab lho: Nga" da" gung nyang: ri toin" shid' wa zi nghoid ga: tid.

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

TARHA" TID POIN" 29:8

Nya: tang: da" mung" ri yu pyam wigi hau: ziri Ruben- Gad yo' Manashe kung agung dayi" kho' gam byid: bye:.

TARHA" TID POIN" 29:9

Nanu" koid da" moo" ja: khang" moo" moo oung: doid wa shid re" he: dang: theing moo bo da" dang: khoin" dangain" ziri jhug zug tung" tam" gyo: cang yhe: nyid ge'.

TARHA" TID POIN" 30:14

Hougsu" anghoid. Hau: zigi hid moo: nanu" yo' dage" jo, abye:. Nanu" gi hau: ziri se' wigi hau: ziri doem se' zhang tid ago". Houg: lho: akhid" hau: ziri tam" gyo: cang yhe: nyid ge'.

TARHA" TID POIN" 31:11

Israela byumyu" yi nanu" da" Aseing Mangsoo ri noku wa shid re" noku joyoo khyoo: re" boem da" uri nyangnu" ri hau: zi nghab kyoo" ge'.

TARHA" TID POIN" 31:24

Moshe gi mougsoug" dapug moo daja: we' agyoo" loo: sho' zid" wigi Mangso tarha" ri lhid" to" da:.

TARHA" TID POIN" 5:1

Moshe gi Israela byumyu" yi dangain" ri dage" khe: zheing" yu lho: nyangnu" ri «Israela byumyu" yi we"- akhid" nyid" ngoo nanu" ri byid: wa da" tarha" joem dangain" ri tam" gyoo: ge'. Hau: joem ri jhoug" yu wigi hau: joem ri gyeing" nyang: tam" gyo: cang yhe: nyid ge'.

TARHA" TID POIN" 5:29

Nyangnu" khanham we' hid: su" kyeing" za: bui" nyid goo" baja". Nyangnu" khanham we' ngoo ri phau" myang: wigi nga" amyeing" dang: dangain" ri tam" gyo: cang yhe: nghoid rigi ja: khang" moo" moo apyaid atoo: nyangnu" yo' nyangnu" amyed ashen yi nyid gi yab gi wa zi nghoid.

TARHA" TID POIN" 5:32

Moshe gi byumyu" yiri­ «Israela byumyu" yi we"- nanu" Aseing Mangsoo wigi nanu" ri amyeing" byid: bye: da" ja: khang" moo" ri nanu" gyeing" nyang: koid nyid ge'. Nya: tarha" daja: ja: ri we' atam" gyoo: akoid goo".

KOLOSE 3:16

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'.

YOSHU 1:7

Date: myid phyed lho: loem jeing" we'. Nga" dei zoo: Moshe nanu" ri byid: da" tarha" dangain" ziri nanu" yo" cang sho' koid nyid ge'. He: joem mo kha: adu ri we' ato" myhed goo". Houg: lho: nanu" yhe: da" joyoo khang" moo" oung: doid wa.

YOSHU 8:34

Hau: thang: Yoshu gi tarha" pug moo: lhid" to" ziyo' dakhyo" mainkaid jeju" yo' nheing" khoin" yo' dage" hau: tarha" dangain" ri thui: zeing yo' nghab da:.

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.