YOSHU 1:7 - Lacid Common Language Bible

⁷ Date: myid phyed lho: loem jeing" we'. Nga" dei zoo: Moshe nanu" ri byid: da" tarha" dangain" ziri nanu" yo" cang sho' koid nyid ge'. He: joem mo kha: adu ri we' ato" myhed goo". Houg: lho: nanu" yhe: da" joyoo khang" moo" oung: doid wa.

YOSHU 1:7 교차 참조

1 KHOKHAM 2:2

«Ngoo shid: wa da" bidnyid gi ju" lo nyid bye:. Loem jeing" ziyo' nheigloem: myid phyed we'.

1 KHOKHAM 2:3

Nang koid wa shid re" re" Aseing Mangsoo amyeing" byid: to" da" moo" zoo" ri koid nyid we'. Nang so" yen" da" joyoo khyi' khang" moo" nang koid da" moo" zoo" dangain" shoug" zoo: shoug" shug baja". Moshe da" tarha" moo lhid" to" da" ziyo' dayhang: ti" nya: tarha" joem yo' amyeing" dang: joem dangain" ri tam" gyo: wigi cang yhe: nyid we'.

2 KHOKHAM 22:2

Yoshia gi Aseing vho: ngei khyoo: ri koid da:. Nyang: gi nya: phoug" phyid" David da" leig ri cang lho: Mangso amyeing" dang: joem ri jhug za: cang da:.

1 KHOKHAM MHOOMYID: 22:13

Israela byumyu" yi shid re" Aseing mo Moshe ri byid: da" tarha" nang cang pyeing nghoid ri nang oung: doid loo wa. Myid phyed wigi voem" myid boo we'. Ce: ja: we' nang ri agyug nhang:-

2 KHOKHAM MHOOMYID: 15:7

Nghoid loug we' nanu" gi yoem: phain" nyid ge'. Agyug avoem nyid go". Nanu" koid da" moo" zoo" gi aphoug" jhungshug shoug" nhang: loo wa» ga: pe: da:.

2 KHOKHAM MHOOMYID: 26:5

Nya: laloem lakhoug: moo phajhi" byid: su: Zekharia dei nyid myhang nyang: gi Aseing ri jhug zug tung" dei byid: wigi Mangsoo gi nyang: ri mainkaid byid: da:.

YOBA 1:8

Aseing gi «Nga" dei zoo: Yoba ri shau" myang rhe" Mougmyid dang moo nyang: yhi' jhug zug wigi ge zi dayug we' anyid. Nyang: gi ngoo ri noku wigi akhyeing" ashoeb da" moo" daja: we' akoid loo sho' zid" nyid da» ga: tid.

COUNG" NGHEI 80:19

Gyi: myhang: thang da" Mangsoo we"- ngoonu" ri doem shu" tau" loo re, o". Re" da" nheug khyeug shoo" myen: da" nheigloem:- ngoonu" ri toin" shed byid: we' houg: lang" ngoonu" gi khyoid yu zi shau" boem wa nghoid.

DANG: ZHOEM 4:27

Akhyeung" khyoo: ri jang" pyam lho: wigi deingmain" da" khyoo: mo dabyi lang" ayam, khyoo: ayhe: nang:.

DANG: ZHOEM 8:20

Ngoo gi deing: byeung" da" khyoo: moo: so" yen" wigi nyeung veung" da" tarha" khyoo: moo: cang lo.

DANIELA 10:19

Nyang: gi «Nang ri Mangsoo jheddab da:. Houg: yoomo ce: wigi we' nang ri aseing" khoo" nhang:- akyug tain' nhang:» ga: tid da:. Nyang: hau: zi bain tid lang" Ngoo je" yoem bo lo thui: gyo: wigi «Aseing: we"- nang tid ca" ziri tid we' nang gi ngoo ri je nyid pyoo: thui: gyoo: nhang: abye:» ein: tid bye:.

GYUNG: SOO" 27:23

Aseing amyeing" dang: yo' dakhyo" Moshe gi Yoshu vhuloem tho' moo: nya: lo, ri ke" lho: nyang: ri nya: khoo: moo: moo" xo' zei: wa su: khyo" tid fu" kaid bye: da:.

TARHA" TID POIN" 11:8

«Akhid" nyid" nanu" ri ngoo byid: da" amyeing" ja: khang" moo" ri cang nyid ge'. Houg: lang" nanu" gi gyid lang ri yo" gu: dab yhe: wigi nanu" vang yhi: loo wa zi danghoid lo: da" mungdain: ri yhe: yo" seing: yu boem goo" wa.

TARHA" TID POIN" 12:32

Ngoo nanu" ri amyeing" byid: to" zi ja: khang" moo ” ri koid ge'. Houg: moo daja: ja: aloung: goo". Houg: mo daja: ja: ri we' ayu pyam go".

TARHA" TID POIN" 28:14

Nghoid loug we' nanu" gi hau: joem ri khakhyo" nghoid nghoid atam" gyoo: age koid wa anghoid lang" gootu: yu phara" joem ri age no'- age dei byid: wa.

TARHA" TID POIN" 29:8

Nya: tang: da" mung" ri yu pyam wigi hau: ziri Ruben- Gad yo' Manashe kung agung dayi" kho' gam byid: bye:.

TARHA" TID POIN" 29:9

Nanu" koid da" moo" ja: khang" moo" moo oung: doid wa shid re" he: dang: theing moo bo da" dang: khoin" dangain" ziri jhug zug tung" tam" gyo: cang yhe: nyid ge'.

TARHA" TID POIN" 31:7

«Hau: thang: Moshe gi Yoshu ri khe: yu wigi Israela byumyu" yi dangain" bang: shidkhoin" moo nyang: ri ‹Myid phyed wigi myid loem nyid we'. Nang gi he: byumyu" yiri Aseing wigi nyangnu" phoug" phyid" yiri dangsoo" byid: to" da" mung" khyoo: yhe: vang seing: nyid wa shid re" shu" yhi: wa yug nghoid da:.

TARHA" TID POIN" 4:2

Ngoo nanu" ri amyeing" byid: to" jang" mo ce: daja: we' alung: goo". Ce: daja: ri we' ayu pyam goo". Ngoo nanu" ri byid: bye: da" nanu" Aseing Mangso amyeing" dang: ri tam" gyo: cang yhe: nyid ge'.

TARHA" TID POIN" 5:32

Moshe gi byumyu" yiri­ «Israela byumyu" yi we"- nanu" Aseing Mangsoo wigi nanu" ri amyeing" byid: bye: da" ja: khang" moo" ri nanu" gyeing" nyang: koid nyid ge'. Nya: tarha" daja: ja: ri we' atam" gyoo: akoid goo".

YOSHU 1:1

Aseing da" dei zoo: Moshe shid: thang: ri Nun da" yuggi zoo: nghoid wigi Moshe ri bo pang" su: Yoshu ri Aseing gi: dang: tid da:.

YOSHU 1:8

He: tarha" mougsoug" pug gi nanu" noku koid khang" moo" nghab ca" ziri boin: nyid ge'. Nyid" ri myen" ri hau: ziri zhang: yu ge'. Hougmoo: lhid" to" zi ja: khang" moo" ri nanu" cang wa khyo" koid ge'. Houg: lang" nanu" nyid gi yab ge lho: oung: doid lo boem goo" wa.

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

YOSHU 11:15

Aseing gi nya: amyeing" dang: ri nya: dei zoo: Moshe ri byid: to" lho: Moshe gi Yoshu ri byid: da:. Yoshu gi hau: joem ri tam" gyoo: cang yhe: da:. Nyang: gi Aseing wigi Moshe ri amyeing" byid: to" da" ja: khang" moo" ri cang koid da:.

YOSHU 23:6

Houg: yoomo Moshe da" tarha" pug moo lhid" to" zi ja: khang" moo" ri zid" lho: tam" gyo wigi cang koid ge'. Houg: mo dadu ri we' ashe: pyam goo".