YOSHU 1:6 - Lacid Common Language Bible

⁶ Ngoo nyangnu" da" phoug" phyid" ri dangsoo" byid: to" da" he: mung" ri nyangnu" yhe: seing: yu uri nang gi hau: byumyu" yi da" vhujhung: bui" wa ein: ziri myid phyed loem jeing" we'.

YOSHU 1:6 교차 참조

APOEM AYANG: 12:7

Aseing gi Abram jhang thu myhang shug lho: «He: zigi ngoo re" da" amyed ashen yiri byid: wa ein: da" moug: nghoid bye:» ga: tid. Houg: lang" Abram gi hau: joyoo moo nyang: ri thu myhang da" Aseing shid re" phoin: daloem: ri koid bye:.

APOEM AYANG: 26:3

Hid: moo nyid we' ngoo gi nang yo' nyid lho: nang ri mainkaid byid: wa. Ngoo gi he: moug: he: dain" dangain" ri nang yo' re" amyed ashen yiri byid: wa. Re" phoo Abraham ri byid: to" da" dangsoo" ngoo nang ri doem xo' byid: wa.

2 SAMUELA 10:12

Yoem: kaid wigi thug shang" nyid ge'. Nyha" byumyu" shid re" we' nyha" da" Mangso da" voomoo" shid re" we' nyhang" yoem: kaid lho: zain: boem shang- houg: lang" Aseing vho: khyo" bue" loo wa zi nghoid» ga: tid da:.

1 KHOKHAM 2:2

«Ngoo shid: wa da" bidnyid gi ju" lo nyid bye:. Loem jeing" ziyo' nheigloem: myid phyed we'.

1 KHOKHAM MHOOMYID: 22:13

Israela byumyu" yi shid re" Aseing mo Moshe ri byid: da" tarha" nang cang pyeing nghoid ri nang oung: doid loo wa. Myid phyed wigi voem" myid boo we'. Ce: ja: we' nang ri agyug nhang:-

1 KHOKHAM MHOOMYID: 28:10

Aseing gi nang ri nya: gyeung" shang: da" Noku Yhoem: Moo" ri koid wa khyen: to" khyoo: ri nang myid boin: ca" da:. Akhid" hau: ziri koid we' myid phyed wigi koid we"» ga: tid da:.

1 KHOKHAM MHOOMYID: 28:20

Khokham David gi nya: yuggi zoo: Sholumon ri «Voem" myid yo' myid phyed we'. Moo" zei: shid we' ce: ja: wigi we' nang ri atoem' pyam nhang:- ngoo dei byid: da" Aseing Mangsoo gi nang yo' dage" nghoid loo wa. Nyang: gi nang ri ashe: pyam too" wa. Nyang: gi nya: Noku Yhoem: Moo" koid da" moo" bain da" ayo, ju" sho' nang yo' dage" nyid nyid wa.

2 KHOKHAM MHOOMYID: 15:7

Nghoid loug we' nanu" gi yoem: phain" nyid ge'. Agyug avoem nyid go". Nanu" koid da" moo" zoo" gi aphoug" jhungshug shoug" nhang: loo wa» ga: pe: da:.

2 KHOKHAM MHOOMYID: 20:11

He: zi yoomo nyangnu" gi ngoonu" ri doem xab wa shid re" nang wigi byid: to" da" mung" mo ngoonu" ri khaid thu pyam wa ju" re" abye: go".

2 KHOKHAM MHOOMYID: 20:7

Nang gi ngoonu" da" Mangsoo nghoid da:. Re" da" Israela byumyu" yi he: mung" khyoo: byung: vang lo uri hid: moo nyid boem da" byumyu" yiri nang khaid thu' pyam da:. Houg: lho: mungdain: ri re" bidnoem Abraham da" amyed ashen yiri nyangnu" shid re" apyaid atoo: khyo" byid: da:.

COUNG" NGHEI 27:14

Aseing ri loem khau: nyid we' nheigloem: abyo, loem" jeung" nyid we'. Aseing ri loem khau: nyid we'.

DANIELA 10:19

Nyang: gi «Nang ri Mangsoo jheddab da:. Houg: yoomo ce: wigi we' nang ri aseing" khoo" nhang:- akyug tain' nhang:» ga: tid da:. Nyang: hau: zi bain tid lang" Ngoo je" yoem bo lo thui: gyo: wigi «Aseing: we"- nang tid ca" ziri tid we' nang gi ngoo ri je nyid pyoo: thui: gyoo: nhang: abye:» ein: tid bye:.

HAGI 2:4

Hougsu" nghoid loug akhid" nanu" kha: yug we' nheigloem: abyo, yoin" goo"- moo" zoo" ri zei: nyid ge'. Ngoo gi nanu" yo' dage" nyid.

ZEKHARIA 8:9

Yoem: moo" bo da" Aseing Mangsoo gi hidsu" ga: tid nyid shi". Nga" younglho' yhoem: moo" doem so' koid wa shid re" ayang: qei" da" bidnyid moo lapi: yi tid to" da" mungdang: ri akhid" nanu" we' shau" gyo: nyid bye:. Nanu" gi yoem: bo lho: seing" yang" nyid we'.

GYUNG: SOO" 26:53

«Mougmyid ri byumyu" kung: gyi bang: ngi bang: myoo: bang: neing: bang: khyo" cang wigi kho' gam byid: we'.

GYUNG: SOO" 33:53

Hau: moug: ri yhe: seing: yu lho: yhe: nyid nyid ge'. Ciwim gari: ngoo nanu" ri hau: mung" ri byid: bye: zi nghoid.

1Korinthians 16:13

Khanham" nghoid loug we' zed" lhid' zoore" nyid ge'- hau: loem" jeung da" khyoo: moo: geing: geing: teing teing dayab, jo, ge'. Agyug avoem, da" nheigloem: bo nyid ge'. yoem: zeing so' moo" yo' byeung" nyid ge'.

Ephesu 6:10

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

TARHA" TID POIN" 1:8

He: zi dangain" gi ngoo Aseing wigi nanu" phoug" phyid" nghoid da" Abraham- Isag- Yaku yo' nyangnu" da" amyed ashen yiri byid: wa ga: dangsoo" byid: to" da" mougmyid nghoid. Hau: ziri yhe: seing: yu ge'›» ga: tid da:.

TARHA" TID POIN" 11:8

«Akhid" nyid" nanu" ri ngoo byid: da" amyeing" ja: khang" moo" ri cang nyid ge'. Houg: lang" nanu" gi gyid lang ri yo" gu: dab yhe: wigi nanu" vang yhi: loo wa zi danghoid lo: da" mungdain: ri yhe: yo" seing: yu boem goo" wa.

TARHA" TID POIN" 31:23

Hau: thang: Aseing gi Nun nya: yuggi zoo: Yoshu ri he: amyeing" dang: byid: bye:. Hau: zigi «Myid loem wigi myid phyed ci: we'. Nyang: gi Israela byumyu" yiri ngo wigi dangsoo" byid: to" da" mung" khyoo: shu" vang yhi: ca" wa. Houg: lho: ngoo gi nang yo' dage" nghoid nyid wa» ga: tid.

2 TIMOTHI 2:1

Nga" zoo: we"- yha" da" Aseing: Khristu Yesu moo dadeing: daloem: za: bue" lho: wigi kangso' dei khyoo: mo yo" yu da" jeju" moo yoem: bo nyid we'.

YOSHU 1:18

Re" amyeing" akhang" ri dang: myid: myid: anghoid lang" re" amyeing" dang: daja: ja: ri acang yug hang" nghoid ri we' said pyam zi shau" boem wa. Myid phyed lho: loem jeing" we'» ga: phoug tid boem.

YOSHU 1:7

Date: myid phyed lho: loem jeing" we'. Nga" dei zoo: Moshe nanu" ri byid: da" tarha" dangain" ziri nanu" yo" cang sho' koid nyid ge'. He: joem mo kha: adu ri we' ato" myhed goo". Houg: lho: nanu" yhe: da" joyoo khang" moo" oung: doid wa.

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

YOSHU 10:25

Hau: thang: Yoshu gi nya: gyizoug: yiri «Agyug goo"- yoem: ashoin: goo". Myid phyed wigi loem jeing" nyid ge'. Ciwim gari: he: zigi nanu" gyivoo joem dangain" ri Aseing hid su" koid wa da" khyoo: nghoid da» ga: tid.

YOSHU 13:6

He: zigi Lebanon boem joem yo' Misrephod Main agyoo mo boem moug: moo: nyid boem da" Sidon byumyu" yi da" mougmyid dangain bo da:. Israela byumyu" yi shid khyoo: yhe: loo" lang" hau: byumyu" dangain" ri ngoo khaid thu pyam wa. Nang koid wa shid re" ngoo amyeing" byid: to" ziyo' dakhyo" hau: mougmyid ri Israela byumyu" yiri nang kho' byid: ca" da:.

YOSHU 18:3

Houg: yoomo Yoshu gi Israela byumyu" yiri «Nanu" phoug" phyid" yi da" Aseing Mangsoo nanu" ri byid: to" da" mung" ri yhe seing: yu wa ziri khamyhang ju" sho' lang" nyid shi goo" wa ein: la".

YOSHU 21:43

Houg: lho: Aseing gi byid: wa ga: nyangnu" phoug" phyid yiri geing: teing da" dangsoo" byid: too" byid: da" mougmyid dangain" Israela byumyu" yiri byid: da:. Nyangnu" hau ziri shau" seing: yu boem lang" houg moo de: nyid boem ago".

1 SAMUELA 4:9

Philisti byumyu" yi we"- agyug goo" lu: gi yi yhang: ti" zain: nyid ge'. hougsu" anghoid rigi nya" da" join koid yu" bye: da" Hebre" byumyu" yi yhang: ti" nyhang" we' nyangnu" da" join shoug" koid wa zi nghoid. Hougsu" nghoid yoomo lu: gi yi yhang: ti" zain: nyid ge'» ga: tid.