YOSHU 1:5 - Lacid Common Language Bible

⁵ Yoshu- nang kangso dei nyid ayo, dangain" moo: nang ri dayug we' yo" oung: pyam wa zi angoid. Ngoo Moshe yo' dage" nyid yhang: ti" nang yo' we' ngoo dage" nyid wa. Ngoo gi nang yo' khanham we' dage" nghoid wa. Ngoo nang ri khanham we' ashe: pyam wa.

YOSHU 1:5 교차 참조

APOEM AYANG: 39:2

Aseing gi Yoseb yo' dage" nyid wigi nyang: ri oung: doid nhang: bye:. Nya: aseing Egutu byu yhoem: moo nyid nyid.

1 KHOKHAM 1:37

Aseing gi aseing: khokham yo' dage" nyid yhang: ti" Sholumon yo' we' dage" nyid wigi Sholumon vhoebkhang" zigi re" tho' je nyid pyo: gyi: sheung: sho' yo" koid baja" o"» ga: tid.

1 KHOKHAM 11:38

Nang ngoo ri jhug zug tam" gyo:- nga" tarha" yo' nyid lho: nga" deizoo: David koid yhang: ti" ngoo jang deung to" da" nga" amyeing" dang: joem ri jang jang cang koid yhe: lo" nghoid rigi ngoo nang yo' khanham we' dage" nyid wa nghoid. Ngoo nang ri Israela khokham koid nhang: wa ziyo' ngoo David ri koid bye: ziyo' dakhyo" re" thang: ri we' re" amyed ashen yiri gyeing" nyang: vhoeb khang nhang: wa zi nghoid.

1 KHOKHAM 6:13

Nang koid to" da" he: Noku Yhoem: Moo" moo nga" Israela byumyu" akhoug: moo ngoo nyid nyid wa. Nyangnu" ri ngoo khanham we' she: pyam wa zi anghoid» ga: tid.

1 KHOKHAM 8:57

Ngoonu" da" phoug" phyid" yi yo' dage" nyang: nyid nyid ziyo' dayhang: ti" ngoonu" Aseing Mangsoo gi ngoonu" yo' dage" nyid nyid baja" o". Nyang: ngoonu" ri khanham we' atoo" khoo' ashe: pyam baja" o".

1 KHOKHAM MHOOMYID: 28:20

Khokham David gi nya: yuggi zoo: Sholumon ri «Voem" myid yo' myid phyed we'. Moo" zei: shid we' ce: ja: wigi we' nang ri atoem' pyam nhang:- ngoo dei byid: da" Aseing Mangsoo gi nang yo' dage" nghoid loo wa. Nyang: gi nang ri ashe: pyam too" wa. Nyang: gi nya: Noku Yhoem: Moo" koid da" moo" bain da" ayo, ju" sho' nang yo' dage" nyid nyid wa.

COUNG" NGHEI 46:11

Gyi: myhang: da" Aseing gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.

THU' LO" MOUGSOUG" 3:12

Mangsoo gi «Ngoo nang yo' dage" nghoid wa. Nang hau: byu yiri Egutu mo yhe: shu" thu lo uri he: boem moo nang ngoo ri yo" noku wa nghoid. Hau: zigi Ngoo nang ri nhang: kaid da avoid nghoid wa.

ESAIA 42:16

«Ngoo gi nga" byumyu" myo, jed bang: ri nyangnu" khanham we' aso" yu" boem da" khyoo: joem khyoo: shu" loo" wa. Ngoo gi nyangnu" da" moug: coid ri bidbang bui" nhang: wigi akhyi" akhyoid da" kyoem: khoug: ri nyangnu" shidkhoin" mo khyoo: jhoid bui" nhang: wa. He: zigi nga" dang: soo" joem nghoid wigi ngoo gi hau: ziri ato" myid loosho' cang koid wa.

YEREMIA 1:8

Nyangnu" ri agyug- ciwim gari ngoo gi nang ri goem loem byid: wa shid re" nang yo' dage" nyid wa. Ngoo Aseing tid too" bye:.

DANIELA 11:16

Suri moug: jhen" jhen" su: gi nyangnu" ri nyang: vho: khyo" koid loug we' doem phug khyoo: akoid goo" wa. Nyang: gi dangsoo" mougmyid moo yab jo, lho: hau: mougmyid ri nya: da" yoem: so' khoug: moo bain sho' to" loo wa.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

Roma 8:31

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

Roma 8:37

Nghoidloug we' agang: alain loo" nhang: tho' moo gootu: ngoonu" gi hau khyoo: dangain" yo" thoung" shau" goo" wa jang" moo ngoonu" ri jheddab da Aseing: khyo" wigi atho' tid oung: doid loo" bye.

TARHA" TID POIN" 20:1

«Nanu" gi nanu" da" gyivoo ri zain: wa shid re" to' yhe: lo" ziyo' nanu" tho' je myo: da" myang: rheing" joem myang: joem yo' gyidab joem ri myang lang" nyangnu" ri agyug goo". Nanu" ri Egutu mo khyoid yu da" nanu" Aseing Mangsoo gi nanu" yo' dage" nghoid nyid wa.

TARHA" TID POIN" 20:4

Nanu" Aseing Mangsoo gi nanu" yo' dage" yhe: lo" wigi nyang: gi nanu" ri oung: doid nhang: wa» ga: tid ca" da:.

TARHA" TID POIN" 31:23

Hau: thang: Aseing gi Nun nya: yuggi zoo: Yoshu ri he: amyeing" dang: byid: bye:. Hau: zigi «Myid loem wigi myid phyed ci: we'. Nyang: gi Israela byumyu" yiri ngo wigi dangsoo" byid: to" da" mung" khyoo: shu" vang yhi: ca" wa. Houg: lho: ngoo gi nang yo' dage" nghoid nyid wa» ga: tid.

TARHA" TID POIN" 4:31

Nyang: gi nheig khyeug myid bo da" Mangsoo nghoid. Nyang: gi nanu" ri ashe: pyam wa. Said we' asaid toem" pyam wa. Nyang: gi nanu" phoug" phyid" yo' koid to" da" dang: theing ri ato" myid wa.

TARHA" TID POIN" 7:24

Nyang: gi houg bang: khokham yiri nanu" yoem: so' khoug: moo to" too" wa. Nanu" houg bang: ri said pyam wigi nyangnu" we' to" myid pyam goo" wa. Nanu" ri hang" we' ayo" toem goo" wa. Nanu" gi yugkhang" moo" ri said toem" pyam goo" wa.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

HEBRE 13:5

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

YOSHU 1:17

Moshe dang: ri khanham we' ngoonu" tam" gyo: lo ziyo' dakhyo" re" dang: we' ngoonu" tam" gyoo: wa. Re" Aseing Mangsoo Moshe yo' dage" nghoid yhang: ti" nang yo' we' dage" nghoid baja".

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

YOSHU 10:8

Aseing gi Yoshu ri «Houg bang: ri agyug goo". Ngoo gi nang ri oung: doid wa ziri byid: too" gu nghoid bye:. Nyangnu" mo dayug we' nanu" ri gyi ayo" khaid goo" wa» ga: tid da:.

YOSHU 21:44

Nyangnu" phoug" phyid" yiri dangsoo" byid: to" ziyo' dakhyo" Aseing gi mungdain: goin" ri yug yo khyoo: nyangnu" ri byid: bye:. Nyangnu" da" gyivoo yi dangain" mo dayug we' gyi ayo" khaid goo" nghoid ago". Ciwim gari Aseing gi Israela byumyu" yiri nyangnu" gyivoo yi dangain" mo dang moo oung: nhang: da:.

YOSHU 3:7

Aseing gi Yoshu ri «Ngoo akhid" nyid" koid wa moo" zoo" gi Israela byumyu" dangain" bang: gi nang ri byu zeing dayug khyo" wigi ngi: shab shed" ri" goo" wa. Houg: lho: ngoo gi Moshe yo' dage" nyid lo yhang: ti" nang yo' we' dage" nyid ein: ziri nyangnu" se' ri" goo" wa.

YOSHU 6:27

Houg: yoomo Aseing gi Yoshu yo' dage" nyid wigi nya: myeing gyi: khyoo: gi damung" goin" khyoo: fu" lo" da:.

TARHA" AGYI 2:18

Aseing gi Israela byumyu" yiri vhujhung: byid: khang" moo" Aseing gi nyang: ri pang" thoug wigi hau: vhujhung: dei nyid da" ayo, cang gyivoo yi lo, mo byumyu" yiri khyoid yu da:. Nyangnu" kyi" khyeug shoug" ziyo' doin: zeig zo: akhoug: moo nyangnu" kyi" khyeug ngau boem yoomo Aseing gi nyangnu" ri nheig khyeug yu da:.

TARHA" AGYI 6:16

Aseing gi «Nang hau: moo" ri yo" zei: wa ciwim gari ngoo gi nang ri pang" thoug wa. Nang gi Midian byumyu" yiri byu dayug ri za: yhang: ti" lei lei nyangnu" ri mhoin' yo" koid pyam ri" wa» ga: tid.

1 SAMUELA 10:7

Hougsu" bue" nyid uri Mangsoo nang ri shu" koid da" ce: ja: moo" zoo" ri nghoid loug we' nang cang koid nyid we'.