YOSHU 1:14 - Lacid Common Language Bible

^14-15 Nanu" yhoem: seing: myhi' yi nanu" zooshang: yi yo' nanu" yhoem: gougnyhoug joem hid: moo: theing: nyid khoo' wa nghoid. Nghoid loug we' nanu" gyizoo: yi gyi zain: jang: shid re" gyi jonu" soin voin ci: boem wigi nanu" Aseing Mangsoo nyangnu" ri byid: to" da" Yodan gyid lang bidvang shoid mougmyid ri nyangnu" yo" seing: yu da" ayo, ju" sho' nyangnu" ri pang" thoug byid: wa shid re" nyangnu" Israela mang: nhung" yi shidvhu" khyoo: gu: dab yhi: goo" wa zi nghoid. Israela byumyu" kung: dangain" ri goem loem ziri nyang: byid: lang" nanu" gi doem tau" lo" lho: Aseing da" dei zoo: Moshe nanu" ri byid: da" Yodan gyid lang bidthu shoid mo he: nanu" nya: mougmyid moo: lo de: nyid ge'» ga: tid.

YOSHU 1:14 교차 참조

THU' LO" MOUGSOUG" 13:18

Houg: gungthid Thoem" Ni dain" pyoid yoo khyo" wigi nyang: houg: bang: ri shu" lheing: loo" bye:. Israela byumyu" yi we' gyi khaid pui" shid re" sham: lham: yo' nghoid ago".

GYUNG: SOO" 32:26

Ngoonu" da" yhoem: seing: myhi' yo' zoo: yi ngoonu" da" nu: kyung yo' yang joem gi he: Gilead mo voogung joem moo: nyhid: too" khoo' wa zi nghoid.

TARHA" TID POIN" 20:8

«Gyizoug: yigi yug gi yiri ‹Hid: moo seing" ayang" zi dayug yug boo go" la". Bo nghoid rigi nyang: yhoem: khyoo: doem loo" baja" hougsu" anghoid rigi nyang: gi gootu: gyi yiri yoem: shoin: nhang: pyam wa» ein: we' tid wa zi nghoid.

TARHA" TID POIN" 3:19

Nanu" da" yhoem: seing: myhi' yi zooshang: yi yo' yhoem: gougnyhoug joem kyeing" ngoo byid: da" voogung mo nyid theing: jo, kho' wa zi nghoid. Nanu" yhoem: gougnyhoug myoo: sho' yo" ziri ngoo se'.

TARHA" TID POIN" 33:21

Nyangnu" gi nyangnu" shid re" ge thang da" mung" ri yu ago". Nyangnu" ri vhujhung: dayug da" gamboem ri gam byid: bye:. Israela vhujhung: yi yo' dage" za: phung: foem: nyid uri Nyangnu" gi Aseing da" amyeing" dang: joem yo' tarha" joem ri tam" gyo: abye: go".

YOSHU 1:13

«Nanu" yhoem: moug: khyo" he: mungdain: mo Yodan gyid lang bidthu shoid mougmyid ri nanu" Aseing Mangsoo nanu" ri byid: wa ga: Aseing da" dei zoo: Moshe khasu" tid ziri myid boin: ge'.

YOSHU 4:12

Ruben kung:- Gad kung:- yo' Manashe kung: agung dayi" gu: gi Moshe wigi nyangnu" ri koid wa tid to" ziyo' dakhyoo" ti" gyi khaid wa shid re" jen" jen" koid ci: wigi deing da" byumyu" yi shid vhu" khyoo: gu: dab yhe: ago".

Pang Shug 17:4

Hau" myi: yi: myhi, gi Ni, mi: yo' ni, no, yo, da" byimi void ci: lho: ngei sheing: lug nyoug- Palhe" joem yo' lhoo, yhoung ci:- nyang: youg: sho: to" da" aved, avhu: koid moozoo" yo' byeung" da" sheing: goem, ri nya: lo, moo zei: ci.