YONA 4:2 - Lacid Common Language Bible

² Houg: yoomo nyang: gi «Aseing we"- ngoo yhoem: mo athu loo shi" uri nang gi hougsu" koid wa ziri ngoo tid bye: anghoid la". Nang gi khanham we' jheddab myid yo' nheig khyeug nyid su:- nheigloem: gyi: sheung: nyid su:- yooboo dam kaid wa jang" mo lei lei doem yoeb pyam da" Mangsoo nghoid nyid ziri ngoo se'. Ngoo Spain mung" khyoo: phang: loo" bye: zi he: gang mo nghoid.

YONA 4:2 교차 참조

1 KHOKHAM 19:4

Elia gi siyoo gyoem" khyoo: danyid" goin" so" yhe: loo" bye:. Nyang: theing: wigi seiggam yoeb moo zhung: lho: nyang: gi shid: nau nyid da:. Nyang: gi «Aseing we" he: zigi sung nyang: xoo: bye:. Nga" kangso' ri yu pyam byid: we' o". Ngoo gi shid: nau kyi bye:» ga: mho' nyid da:.

COUNG" NGHEI 103:8

Aseing gi nheig khyeug shoo" myen: lho: jheddab nyid. Nheig yoo wa ziri nhe" nyid lho: athang agoin jhed khyeing: kang: khyeing: yo' byeung" jo, su: nghoid.

COUNG" NGHEI 145:8

Aseing gi jheddab ziyo' nheig se' khyeug su: nghoid yoomo nyang: gi nheig khoo" yo: khyoo: ri yo" kham: zeung: ziyo' athang agoin jheddab myid yo' byeung" jo.

COUNG" NGHEI 78:38

Nghoid loug we' Mangsoo gi nyang: byu yiri nheug khyeug nyid. Nyang: gi nyangnu" ri atoem" pyam loo: za: nyangnu" da" yooboo joem ri: khyoid pyam byid: lho: nyang: gi nya: nheigloem: nge" khyoo: ri myoo" sho' lheing: jham" loo" nhang: wigi nyang: nheug yo: khyoo: ri zeung: pyam nyid.

COUNG" NGHEI 86:15

Nghoid loug we' Aseing we" nang gi nheug khyeug shoo" myen: se' ziyo' jheddab se' da" Mangsoo nghoid. Nang gi khanham we' kham zeing: su: nheigloem: zung" su: yo' nheug khyeug su nghoid.

COUNG" NGHEI 86:5

Nang gi ngoonu" tho' moo ge nyid su: nghoid yoomo yooboo ri khyam" sa: byid: nyid. Nang ri akyu" mho' nyid mo, dangain" bang: shid re" re" da" geung: teung jhed khyeing: kang: khyeing: ri joeb, joeb, byeung" byeung" kham: zoo: nhang: nyid bye:.

COUNG" NGHEI 90:13

Re" da" nheug khoo" yo" zigi khamyhang gyeing" myang" wa la". Aseing we" re" dei zoo: yiri nheig khyeug shi" we' o".

THU' LO" MOUGSOUG" 32:14

Hougsu" yoomo Aseing gi nya: myid ri thid pyam wigi nya: byumyu" yi adang moo soin: to" da" noophyoo" joem ri abyid: loo: nghoid da:.

YEREMIA 18:8

Byumyu" mungdain: gi akhyeing" da" lo, moo" mo doem tau" lo boem nghoid rigi ngoo koid wa ein: tid to" ziri akoid loo wa.

YEREMIA 20:7

Aseing we" nang ngoo ri mhoug fain" abye:. Houg: lho: ngoo gi mhoug fain" zi shoug" bye:. Nang gi nga" tho' yoem: je boo su: nghoid. Houg: lho: nang gi ngoo ri oung: pyam abye:. Yugkhang" moo" gi ngoo ri juang" pyam bye:. Nyangnu" gi bid gyoem sho' ngoo ri yi juang" pyam ago".

YEREMIA 26:13

Nanu" gi nanu" kangso' dei khyoo: yo' nanu" koid nyid boem ziri thid pyam ca" ago". Houg: lho: nanu" Aseing Mangsoo ri tid dang: gyoo: byid: ca" da:. Nanu" thid pyam nghoid rigi nyang: gi nanu" adang moo bui" nhang: wa ga: nyang: tid to" da" phyo' shoin' khyoo: yo' sen: wigi nya: myid ri thid pyam loo wa.

YEREMIA 42:10

‹Nanu" he: mungdain: moo xo' nyid nau nghoid rigi nanu" ri ngoo zhug too" byid: lho: nanu" ri aphyo' khyo' pyam wa. Nanu" ri ngoo sho" yhoug to" wigi aphoin' pyam wa. Nanu" adang moo byo, yoin" khyoo: ngoo bui" nhang: zigi ngoo ri gyi" sho' nheig koug nhang: da:.

AMO 7:3

Aseing doem tid zigi «Nya: emyed ri doem thid lo nghoid rigi nang yoeb myang myang ziyo' dakhyoo" ti" abue" loo wa» ga: tid bye:.

AMO 7:6

Houg: lang" Aseing gi nya: nheigloem: ri doem thid lho: «He: zi we' abui" loo: wa» ga: tid.

YONA 1:3

Nghoid loug we' Yona gi Aseing nhang: khyoo: ayhi: loo: za: nya: jang" mo phang: byug da:. Nyang: gi Yopa khyoo: yhe: lo". Houg: mo gukhuang" moo Spain khyoo: gu: loo" wa gyid sangphoo ri yhe: myang. Nyang: gi gukhoo' ri kaid lho: Aseing yo' vi: wa bye: ga: Sangphoo moo" voin mo, yo' dage" Spain khyoo: yhe: loo" wa shid re" sangphoo moo vang lo".

YONA 3:10

Nyangnu" koid nyid khyoo: ri Mangsoo myang bye:. Nyangnu" da" akhyeing" khyoo: joem ri jang" pyam da" moo" zoo" ri Mangsoo myang byid: bye:. Houg: yoomo Mangsoo gi nyangnu" ri yooboo dam kaid wa ga: myid soin' moo" zoo" ri thid lho: yooboo dam abyid: loo.

YONA 3:9

Mangsoo gi nya: myid ri thid pyam abe. Nyang: nheig yo: nyid khyoo: ri theing: pyam shi" abe. Houg: lang" ngoonu" gi ashid: loo wa nghoid.

MIKHA 7:18

Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

LUKA 10:29

Hau: tarha" sara gi nya: deingman" khyoo: vhoo noug yoomo nga" yhoem: kyoo" cang" gi hang" nghoid lha"» ga: nyang: gi Yesu ri myed.

TARHA" TID POIN" 4:31

Nyang: gi nheig khyeug myid bo da" Mangsoo nghoid. Nyang: gi nanu" ri ashe: pyam wa. Said we' asaid toem" pyam wa. Nyang: gi nanu" phoug" phyid" yo' koid to" da" dang: theing ri ato" myid wa.