YONA 3:6 - Lacid Common Language Bible

⁶ Hau: lu dang: ri Nineve khokham shoug" gyoo: lang" nyang: gi nya: zhungtang mo to' lho: khokham byimi ri khyoid pyam wigi jid: moo" byimi ri void ci: lho: myiyab boem" moo zhung: jo.

YONA 3:6 교차 참조

1 KHOKHAM 21:27

Elia dang: bain tid lang" Ahab gi nya: byimi ri lang: ceig khyoid pyam lho: jid: moo" byimi ri void ci: bye:. Nyang: gi zoo: noem azoo: looza jid: moo" byimi boem moo: yhoeb jo, da:. Nyang: gi nheigloem: thang ziyo' yoem: shoin: yen" da:.

YOBA 2:8

Yoba gi mhoid soid boem" nham moo yhe: zhung: jo, lho: oug" jab dajab wigi nya: gung ri khyeug nyid da:.

YOBA 42:6

Houg: lho: ngoo gi ngoo tid lid: loo bye: gu: dangain" gang mo myid: sho' wigi pheilhoug: yo' myimoeb boem" moo nheigloem: thid pyam bye:.

ESAIA 15:3

Fu" moo" khyoo: moo nyid bang: gi jid moo" byimi joem void ago". Voomoo" khoug: byu phung: jang: moo yo' yhoemkhung: tho' mo byu yigi koug ngau ago".

YEREMIA 13:18

Aseing ngoo ri «Khokham phoo yo' nya: myhi' ri nya: mitang: da" khokham zhung: thang mo gyoo" loo wa shid re" tid kyoo" we'. Ciwim gari nya: mitang: da" young" da" bidmug joem gi nya mitang: da" vhuloem mo gyoid gyo" loo" bye:.

YEREMIA 36:13

Mikhaia gi byumyu" yiri Barug nghab kyo" ziri nyang: shau" gyo: gu: ja: khang" moo" nyangnu" ri tid kyo" da:.

YEREMIA 36:24

Nghoid loug we' he: khyoo: dangain" ziri shau" gyo: da" bang:- khokham phoo we' nya: gyizoo: yi we' gyoug we' agyug nheig koug da" avid we' ci: aci: shug nghoid ago".

YEREMIA 6:26

Aseing gi nya: byumyu" yiri «Jid: moo" byimi void wigi myiyab boem" moo lu: leung nyid ge'. Yuggi zoo: zooti" zoo: shid: re koug ngau yhang: ti" ngougbyid ngougnhab yo' koug ngau ge'. Ciwim gari nanu" ri phyo' shoin' pyam wa su: gi nyeigdain tung" re" khaid zain: loo wa.

NGOUG JI: 2:10

Yerusalem mo phoug" mang: yigi myid keing: doem: moo sam: zoo: zhung: jo, boem. Nyangnu" gi nyang: nya: vhuloem tho' moo: pheilhoug: geug shoin" ci: lho: nyangnu" gung moo gi: jid: moo" byimi ri yeug ci: ago". Zoomyi: nu" yigi nyangnu" da" vhuloem ri myidjang khyoo: goeb, goem" ci: ago".

NGOUG JI: 3:29

Ngoonu" gi vhuloem goem" lho: goeb, vang ri ge da:. Khasu" wim ga: ri myid byu joyoo bo ri boo shi" wa.

EZEKIEL 26:16

Panglai: moo shoo: zoo: shoo: shug da" byumyu" yi da" khokham yi dangain" bang: gi nyangnu" da" khokham zhungtang joem mo gyoo" lo boem goo" wa. Nyangnu" gi nyangnu" da" byisheing: joem yo' za: thau" yung" to" da" nyangnu" da" byimi joem ri khyoid pyam lho: myidgung moo nain" zhung: jo, boem wa. Nyangnu" gi re" vhu" pid: lo, kyo' ri myang lho: atho' tid dain mau" wigi nain" nyid zi ayo" theing: loo: nghoid da:.

DANIELA 9:3

Houg: lho: ngoo gi zoo: noem jang"- jid: moo" byimi void pyam lho: myiyab boem" moo zhung: jo zoo" re Aseing Mangso jhang nheigloem: nyhoem: khyo' lho: myid boo tung" akyu" mho' nyid.

MIKHA 1:10

Ngoonu" gyi soem" lo" khyoo: ri Gad voogung moo nyid da" ngoonu" da" gyivoo joem ri atid kyoo" goo". Nanu" koug ngau nyid ri nyangnu" ri amyang nhang: goo"- Bed Lephara voobyu yi we"- nanu" da" nheig koug ngau khyoo: phei" lhoug: boem" moo lhu: leung yen" khyo" toin" shed ge'.

MATHE 11:21

«O" Kurazin we"- nang gi joem loo" wa O" Besaida we" nang joem: loo" wa. Khasu" wim ga ri re" eig yug ri toin" shid' da" moozoo" zeing joem ri Turu yo" Sidun eig voo moo toin" shid' nghoid rigi jid: moo" byi: ri gang" ci: lho: nheigloem: bain thid zi gye" myang wam: bye.

LUKA 10:13

O"- Kurazin voo we"- nang joem: loo" wa. O"- Bedsaida voo we"- nang we' joem: loo" wa. Re" eig youg jang" moo toin" shid da" mau" pho" alhoo: again ri Turhu yo" Sidun voo ri toin" shid' nghoid yoo: gi hau: eig yug gi goonham mo jidmoo" mi gang" ci: lho: wigi myiyab cang" moo zhoung: jo, lho: nya: yooboo mo nheigloem: thid' lheung: loo goo" wam: bye.