YONA 1:4 - Lacid Common Language Bible

⁴ Nghoid loug we' Aseing gi panglai: tho' moo uglid zeing ri nhang: kaid. Houg: yoomo hau: sangphoo gi alug lug gyoeb moin" loo" sho' panglai: gyid thoem" tho' moo gye" gyoug pho" da" uglid moo" hau' vang loo bye:.

YONA 1:4 교차 참조

COUNG" NGHEI 135:6

Mougkhung: mougdi yo' mougmyid yoosoo" tho' moo: we' panglai: joem yo' no, thang joyoo khyi khang" moo" moo: we' nyang: myid vho: khyo" za: dakoid nyid.

COUNG" NGHEI 135:7

Nyang: gi mougmyid da" lo" thang joyoo mo wigi uglid yo' jhoemmoug" joem ri ci: lo lho: uglid shid re" lhab' ri myeug nhang: ziyo' nya: khoug: lhung mo lid ri phang thu' kaid nyid.

COUNG" NGHEI 148:8

lhab' myeug ziyo' leigvoo- gyu: yo' jhoemmoug" joem. Nya: amyeing" dang: ri tam" gyo: da" thain: uglid, zoo" joem we" nyang: ri coung" nghei nyid ge'.

THU' LO" MOUGSOUG" 10:13

Houg: lang" Moshe gi nya lhamdung: ri tu: yeung too" lang" Aseing gi hau: nyid" nyid" goin" hau: myen myen goin" ri hau: mung" adang moo bidthu shoid mo lid houg nhang: wigi nab soin: ri hau: zigi jhenkhyeug shu" loo bye: zi nghoid.

THU' LO" MOUGSOUG" 10:19

Houg: lang" Aseing gi bid thu lid ri je thain: da" bidvang shoid mo lid moid tau" nhang: wigi jhenkhyeug joem dangain" ri moid shoem" lo" lho: Thoem" Ni moo khyo' pyam bye:. Egutu mung" dangain" mo jhenkhyeug dadu: we' anyid khari" loo: nghoid da:.

THU' LO" MOUGSOUG" 14:21

Moshe nya: lo, ri hau: thoem" adang mo tu: yeing too" lang" Aseing gi bidthu shoid mo lid zeing yo' thoem" ri moid tau" nhang: bye:. Damyen goin" lid moid wigi thoem" gi myidgung cen: bue" loo" khari" bye:. Gyid we' eig gang go, loo" bye:.

THU' LO" MOUGSOUG" 15:10

Nghoid loug we' Aseing we" re" so' dalheing: moid thu kaid lang" Egutu byumyu" yiri noeb shid: nhang: bye:. Nyangnu" gi yu" gyoug yu" lhung: da" gyid khoug: khyoo: xuid: yhang: ti" noeb loo" bye:.

YEREMIA 51:16

Nya: amyeing" khyo" mougkhung: tho' moo gyid myeing da:. Nyang: gi mougmyid thang: mo jhoemmoug" ci: lo da:. Nyang: gi moug: vo jang" moo lhab' myeig nhang: da:. Houg: lho: nya: khouglhung yab mo lid ri nhang: kaid da:.

AMO 4:13

Mangsoo gi boem joem ri koid to" lho: lid joem ri phain" so: too" su: nghoid. Nyang: gi nyang: myid soin' to" khyoo: ri xangsu: byu yiri si' nhang: da:. Nyang: gi nyid" khyoug ri myen" bue" loo nhang: da:. nyang: gi myidjang tho' moo myhang: thang khyo" so" lid: lo" da:. Myhang: thang Aseing Mangsoo ga: zigi nya: myeing nghoid nyid.

GYUNG: SOO" 11:31

Aseing gi nyeigdain tung" panglai: mo ngho' tu' bo hau' ci: lo da" lid ri nhang: kaid da:. Hau: joem gi myidjang mo soem" pi: myang: jang" khyo" dang: lo da:. Hau: joem gi dab moo: lo lho: shoid khang" moo" khyoo: danyid" so" gyung: khyoo: yhi moo: lo no: nyid ago".