YONA 1:2 - Lacid Common Language Bible

² Nyang: tid zigi «Gyi: sheung: da" Nineve voomoo" khyoo: yhe: lho houg: bang: khayhi' akhyeing" ashoeb da" khyoo: ri ngoo si' bye: khyoo: ri yhe: tid kyoo" we'» ga: tid.

YONA 1:2 교차 참조

APOEM AYANG: 10:11

Hau: moug: mo nyang: gi Asuri khyoo: xo' yhe: lo" lho: Nineve voo- Rehobod Ira voo- Khala voo joem ri sho: wigi

2 KHOKHAM 19:36

Hau: thang: Asuri khosen Senakherib gi zheig phang: wigi Nineve khyoo: tau" lo" da:.

2 KHOKHAM MHOOMYID: 28:9

Obed ga: da" Aseing da" lapi: dayug gi Samari voomoo" moo nyid da:. Nyang: gi Israela gyidab Yuda thung: byu yi yo' dage" doem tau" lo nyid wigi voomoo" khyoo: vang loo wa nghoid uri yhe: tau" yu wigi nyang: gi «Nanu" da" phoug" phyid" yi da" Aseing Mangsoo gi Yuda yiri nheig yo: lho: nyangnu" ri nanu" wigi oung: pyam nhang: da:. Nghoid loug we' akhid" nyang: gi nyangnu" ri nanu" wigi gye" akhyeing" da" khyo" said pyam da" thui: ri shau" gyo: abye:.

EZRA 9:6

Ngoo mho' zigi «O" Mangso ngoo gi re" shidkhoin" mo vhuloem avoem" tu: yeung too" loo: sho' nyang: sho' bye:. Ngoonu" yooboo gi ngoonu" vhuloem tho' myhang: sho' boem loo bye:. Hau: zigi mougkhung: myhang nyang: myhang: jo, bye:.

ESAIA 37:37

Hau: thang: Asuri khosen Senakherib gi zheig phang: wigi Nineve khyoo: tau" lo" da:.

ESAIA 58:1

Aseing tid zigi «Nang yo" nyho: yhi' thui: zeing yo' nyhoo: we'. Nga" byumyu" Israela ri nyangnu" yooboo khyoo: ri tid kyoo" we'.

YEREMIA 20:9

Nghoid loug we' ngoo gi «Aseing ri to" myhid pyam lho: Nya: myeing moo dang: atid loo wa ein: ngoo tid lang" Re" mungdang: gi myi: yhang: ti" nge" nyid da:. Ge bue" yhi: ngoo hau: ziri zoem: ci: nghoid loug we' hau: ziri ngoo ayo" zoem: ci: nghoid da:.

EZEKIEL 2:7

Nyangnu" tam" gyoo: loug- atam" gyoo: loug nyangnu" ri tid kyoo" wa shid re" ngoo nang ri tid gu: ri nang nyangnu" ri tid kyoo" wa zi nghoid. Nyangnu" thougtheung bang: nghoid ziri nang myid boin: we'.

HOSEA 7:2

He: akhyeing" ashoeb moo" zoo" ri ngoo myid boin: wa ga: ziri nyangnu" nheigloem: moo khanham we' avang nghoid da:. Nghoid loug we' nyangnu" da" yooboo joem gi nyangnu" ri lheing khoem to" da:. Houg: lho: nyangnu" ri amyang sho' ngoo ayo" jang" pyam nghoid da:.

YONA 3:2

«Hau: gyi: sheung: da" voomoo" Nineve khyoo: yhi: we'-ngoo nang ri tid nhang: da" mungdang: ri tid fu" we» ga: tid.

YONA 3:3

Hougsu" Yona gi Aseing da" dang: ri tam" gyo: lho: Nineve khyoo: yhe: loo" bye:. Nineve voomoo" gi soem" nyid" so" gyoem da" voomoo" zeing nghoid nyid.

YONA 4:11

Hougsu" nghoid rigi he: voomoo" zeing Nineve ri je" nheig khyeug wa eung: nyid da:. Khasu" ga: ga: houg: moo yooboo abo da" zooshang: 120,000 yug yo' gougnyhoug myoo" sho' nyid da» ga: tid da.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

NAHUM 1:1

He: zigi Elkosha byu Nahum khyo" Nineve da" khyoo: myang da" yoeb myang mungdang: daloem: nghoid.

NAHUM 3:19

Nang shau" da" gooduang dam moo" ri yo" ge loo" nhang: wa khyoo: ajo, loo wigi re" da" dam joid ri ayo" ze: gi loo re" da" byo, yoin" lo" lu dang: shoug" gyoo: mo, dangain" gi ngei bu gau yi lo, baid baid nyid ago". Re" da" anoo: ayab loo: za: shen" yhen moo" zoo" mo, hang" yo" loid lo" yu" lha".

MATHE 10:18

Nyangnu" da" shid moo we' tarha" nghi: zain byu yi da" shid moo we' sagsi: bui" wa shid re" nanu" gi ngoo yoomo zoug: khokham" yi da" shid khoin" moo she: vang lo" zi shau" goo" wa.

MATHE 12:41

Nineve" voo byu yi gi Yona kho" kyo" da" mungdang: yoomo:- nyangnu" da" yooboo mo nheigloem: thid lo ago". Houg: su" nghoid yoomo nyangnu" gi Tarha" dang: kho' da" bidnyid moo He: pyaid mo byu yi yo" to lo wigi nanu" ri yooboo foin: boem wa zi nghoid. Ngoo nanu" ri tid ba- akhid" he: khyi moo Yona tho' moo je gyi: su: dayug ju" nyid bye.

YAKU 5:4

Nanu" gi nanu" nya: da" tung yoo yoothung" joem moo moo" zei: nyid da" byu yi gi ce" vhu" kung: phoug" we' ashang" kaid boem. Nyang: nu" nheig yoo: nheig jhug nyho: nyid thui: ri tam" gyo: yu" ge'. Nanu" da" shivoo: shiloem, shung: byid: nyid mo da" thui: gi athang agoin da" yoem: moo" bo da" Aseing: Mangso nukhyab' moo khyang: vang loo" bye.

Pang Shug 18:5

Khasu" wim gari nya: da" yooboo gi moug: khung: myhi: sho' myhang: jo, wigi Mangsoo gi nya: da" akhyeing" ashoeb khyoo: joem ri myid boin: nyid.