YOHAN 9:39 - Lacid Common Language Bible

³⁹ Aseing Yesu gi-myo, amyang mo, ri myo, myang nhang: wa ziyo'- myo, myang mo, myo, jed' loo" wa shid' re" dang: phyed' byid: wa he: mougmyid khyoo: ngoo ju" re zi nghoid ga: tid.

YOHAN 9:39 교차 참조

ESAIA 29:10

Aseing gi nanu" ri yhoeb noug noug nhang: wigi yhoeb moo" myid" nhang: wa jen" jen" koid to" abye:. Lapi: yigi byu yi da" myojid" joem nghoid ago". Nghoid loug we Mangsoo gi nyangnu" ri myo, thoeb too" byid: da:.

ESAIA 44:18

Houg yhang: ti" byu yigi nyangnu" cikoid nyid ziri si' wa shid re" sung koo" bang: nghoid ago". Nyangnu" myojid" ri coem" ci: wigi nyangnu" myid ri deingmain" ziri asi' wa shid re" myhid" ci: da:.

ESAIA 6:9

Houg: yoomo nyang: gi ngoo ri yhi: nhang: wigi mung" byu yiri he: mungdang: byid: kaid da:. Hau zigi «Nanu" khayhi' tam" gyoo: nghoid loug ase' gyoo: goo" wa. Nanu" khayhi' yu" nghoid loug cibue" nyid ziri nanu" amyang goo" wa» ga: zi nghoid.

EZEKIEL 12:2

Nyang: tid zigi «Shid: se' da" byu we" nang gi goemlu to' da" byumyu" yi phung: gung moo nyid nyid da:. Nyangnu" myojid" dab nghoid loug we' ci: amyang nghoid da:. Nukhyab dab nghoid loug we' ci: ashau" gyoo: nghoid da:. Ciwim gari nyangnu" gi goemlu too' nau ago".

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 15:14

Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

MATHE 6:23

Re" da" myojid" age nghoid rigi re" da" gung goin" moug: coid' nghoid nyid. Nang moo bo da" bidbang gi moug: coid bue" byug nghoid rigi hau: moug: coid' gi khayhi' thu: no, jo, wa lha".

LUKA 1:79

Shid: zau: da" bid shoem: yoeb moo zhoung: jo mo, da" tho' moo doug bang loo wa nghoid. Hau: tho' agoo"- Ngoonu" da" myenjham" khyoo: moo shu" vhu" she: loo wa zi nghoid.

LUKA 13:30

Hau: uri akhid" gam thang: moo nyid mo, gi gam shid" khyoo: ju" loo" wa. Gam shid" moo nyid mo, gi gam thang: shau" gyoo" goo" wa ga: tid.

LUKA 2:34

Simun gi nyangnu" ri mainkaid byid: lho: Israela byumyu" moo byo, yoin" joem: thang loo" mo, yo' khyoid yu shau" mo, po" thu' loo wa shid' re" He: zoonu" ri Mangsoo khyen: nyheing too" bye. Nyang: gi Mangso da" thang" cab alhoo: nghoid wigi nyang: ri byu myoo" sho' mo, ngeig se: yooboo foin: khyo" nyangnu" nya: da" nheigloem: mo myid khyoo: ri thoid shug goo" wa.

LUKA 4:18

Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'

LUKA 7:21

Hau: uri Aseing Yesu gi Byu yi da" noophyoo" joem ri ge loo" nhang. Yu join: joem ri khaid thu' pyam byid. Myo, amyang mo, ri myang loo: nhang.

YOHAN 12:31

He: moug myid gi akhid" lang" Tarha" dang: phyed' zi thoung" shau" nyid abye:. Mougmyid ri vhoeb khang" nyid da" su: we' akhid" nyang: keing" pyam zi shau" wam: bye.

YOHAN 12:46

Ngoori loem" mo dangain" gi moug: coid khoug: moo anyid loo: wa shid re" ngoo gi bidbang khyo" nyang: mougmyid moo ri" bye.

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

YOHAN 3:19

Tarha" dang: phyed byid: da" akhyoo" dangkang: gi hid: su" nghoid bidbang zeing gi he: mougmyid moo juri" bye: nghoid loug we' Byu xangsu: yi gi akhyeing" ashoeb mo, nghoid nyid yoomo bidbang tho' moo moug: coid ri daje vho: boem.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

YOHAN 8:15

Nanu" gi byu da" akhyoo" khyo" dang: phyed' boem- Ngoo gi hang" ri we' aca: joeb- dang: aphyed.

YOHAN 9:25

Hau: yug gi he: yug yooboo dab su: nghoid anghoid zi ngoo asi- ngoo gi goonham, mo myo, jed' nghoid loug we' akhid" gi ngoo myo, myang bye:- houg: za: ngoo date: se' ga: tid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

2~KORINTHU 2:16

Hau: da" shoem: gi soem:" joem: loo" shau" mo, shid re" gi shid: loo" nhang: da" shid" gyoem: noo gyoem: bui: lo" lho: Khyoid yu zi shau" bye: bang: da" shid re" gi kangso' dei loo nhang: da" ngei pyo: da" shoem: nghoid nyid. Houg: yoomo houg: yhang: te" moozoo" ri voin wu, wa shid re" gi khayug moin: yi" nyid lha".

Ephesu 5:14

Khasu" wimg gari bidbang gi dangain" ziri pang shug byid: nyid houg: yoomo jhoeom: mungdang: moo tid to" ziri Yhoeb, jo, su: we" too, re'- shid: jo, jang" mo too, re'- houg: lang" Khirstu gi re" tho' moo thoin" pang byid: wa nghoid. ga: wigi tid to.

2 THESALONI 2:10

Hau: tho' moo gootu: byo, yoin" shau" bang: da" atho' moo akhyeing" ashoeb, khyo: mhau' fain" vo da" khyoo: aja: ja: koid wa zi nghoid- nyangnu" gi khyoid yu shau" wa shid re" hau; deingmain" da" khyoo; ri alhoem: yu ziyo' avhoo: angei, boem yoomo nyangnu" nyang: byo, yoin" shid: joem: lo" boem wa zi nghoid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1YOHAN 2:11

Nghoid loug we' nya: mang: nya: nhung" ri anoug angei koid nyid su: koem gi hau: moug: coid moo danyid nyid shi" su: nghoid lho: wigi nyang: gi moug coid' khoug: moo so" loo" yoomo nyang: khakhyoo: lo" nyid zi ashi, Khasu" wim gari hau: moug: coid gi nya: myojid" ri lhu: ced' pyam' byid: bye.