YOHAN 9:30 - Lacid Common Language Bible

³⁰ Myo, amyang led: lo yu" su: gi nyang: gi ngoori myo, myang loo nhang: su: nghoid. loug: nanu" gi hau: yug khayo re" zi asi ga: zigi moug" cang bo nyid nhung: lha"» ga: phoug tu.

YOHAN 9:30 교차 참조

COUNG" NGHEI 119:18

Re" da" tarha" mo mau" pho" deungmain" da" khyoo: joem ri ngoo shau" myang wa shid re" nga" myojid" ri phang byid: we'.

ESAIA 29:14

Houg: lho: ngoo gi amyid to" da" ja: daloem: thang: daloem: wigi nyangnu" ri dain moug" nhang: wa. Phajhi" boo bang: ri koodoug: bui" loo" nhang: wa. Nyangnu" da" se' jhang: nheig bo: khyoo: dangain" gi ajain" bui" wa» ga: tid.

ESAIA 29:18

Hau: bidnyid ju" loo lang" nu: jed bang: gi mougsoug" pug ri thui: gyi: yo' nghab ziri shoug" gyoo: wa. Moug: coid khoug: mo nyid nyid da" myo, jed gi nyangnu" myo, bang" lo wigi myang loo goo" wa.

ESAIA 35:5

Myo, jed su: myo, myang loo wa. Nujed su: nukhyab shau" gyo: loo wa.

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 21:42

Yesu gi «lug yhoem: zhug mo she: lhei" to" da" lugloem: gi yhouggyeing: thang da" yhoem: jhoin mo lugloem: bue" loo bye. He: da" moo" gi Mangsoo koid: da" moo" nghoid. ngoonu" da" shed khoin" moo mau" pho" moo" bue" loo bye: nhung:- ga: lhid" to" jhoem: dang yi ri nanu" anghab' yu" goo" la".

MARKU 6:6

Nyang: gi mung" byu yi loem" jeung" myid - azheung: bo boem yoomo gye" mau" nyid. Houg: lang" Yesu gi hau: ayam aqei: mo voogung joem dangain" jang" khyoo: yhe: lho: meng: byu yi ri jhoug" byid.

LUKA 7:22

Nyang: tid zigi Nanu" myang yu" khyoo:- shau" gyo: da" khyoo: dangain" Yohan ri lo" tid kyoo" ge'. Myo, amyang mo, gi myo, doem myang lo. Khyid: gyoug: mo, gi khyoo: doem yo" so" lo. Manggam: dab mo, gyeungshang: lo. Nujed mo, nukhyab doem shau" gyo:- shid bye mo, doem dei lo. Sho" jhen: mo, lu dang: gi shau" gyo: lo.

YOHAN 12:37

Nyangnu" da" shid' khoin" moo mau" pho" moozoo"- myoo" sho' zei: shug nghoid loug we' nyangnu" gi Yesu ri aloem" jeing" boem.

YOHAN 3:10

Yesu doem phougtu" zigi nang gi Israela amyu" mo Sara: moo" dayug nghoid to" nyid lho: wigi he: da" khyoo: ri nang ase' lo nhung: lha".

YOHAN 9:29

Mangsoo gi Moshe ri dang: tid byid: zi ngoonu" se' nghoid loug - He: yug gi khayo thu' lo zi ngoonu" asi ga: tid boem.

YOHAN 9:31

Mangsoo gi yooboo yoo" mo, da" Kyu" mho' dang: ri atam" gyoo:- Aseing: ri loem: khau: phau" myang: lho: Mangsoo vho: khyo" koid; su: da" thui: ri za: date: tam" gyoo: byid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.