YOHAN 9:24 - Lacid Common Language Bible

²⁴ Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.

YOHAN 9:24 교차 참조

EZRA 10:11

Akhid" thang: ri nanu" phoug" phyid da" Aseing Mangsoo ri nanu" yooboo toungbain: wigi nyang: vho: ziri koid nyid we'. Nyha" mung" moo nyid da" tungbau yi yo' ashoin" nyid goo". Nanu" da" tungbau yhoem: seing: myhi' ri we' kang" pyam ge'» ga: tid bye:.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

MARKU 15:27

Houg: su" wigi-nyangnu" gi nyang yo' dage" khyangtoug: eig yug ri we'-nya: lo, yo shoid khyoo: dayug lo, koung" shoid, khyoo: dayug pyang" zeing moo jen" tab to" boem.

LUKA 15:2

Hparishe yo" tarha" sara: yi gi He: yug gi subi" byu asoin: lo mo, ri kham: yu lho: nyangnu" yo" dage" zo: shug nyid boem nhung lha"» ga: gei sang: go" nyid boem.

LUKA 19:7

Hau: khyoo: ri myang da" byu yi gi «he: yug gi yooboo yoo" su: da" yhoem: moo theing: wa ga: yhe: loo" bye: nhung» ga: kyiyang myeing ago".

LUKA 7:39

Yesu ri khe: da" Pharishe phoo gi myiyi: houg: su" koid: ziri myang lang" He: yug gi Lapi: nghoid rigi lho: nya: khyid: moo zei: da" myiyi: gi hang" nghoid zi we' ce: noem yoobo shoid su: nghoid zi we' si' wam: bye ga: myid nyid.

YOHAN 14:30

Mougmyid da" zoug: phoo gi jure" nyid bye. Houg: yoomo ngoo gi nanu" yo" dang:- myang" sho' shau" tid go" nyid wa da" ayo, ajo, loo. Hau: mougmyid zoug: phoo gi nga" tho' moo ce" amyeing" ajo.

YOHAN 16:2

Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,

YOHAN 18:30

Houg: bang: gi yooboo daja: ja: shoid su: anghoid rigi zoug: pho jang" moo ngoonu" khe: shu" ri" wa zi anghoid ga: tid boem.

YOHAN 19:6

Khainjung agyi yi yo"- no ku" yhoem moo" zung" lhug da" gyizoo: yi gi Aseing: Yesu ri myang lang" nyang: ri pyang" zeing: moo baid jen" said pyam ge' ga: nyho: phau kaid ago". Pilaid khokham" gi Nanu" nyang: nyang: ri khe: shu" lo" lho: pyang" zeing: moo baid jen" said pyam ge' nyang: ri shid: dam byid: wa zigi ngoo ce: yooboo we amyang ga: tid.

YOHAN 5:23

Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.

YOHAN 8:46

Ngoo gi yooboo yoo" su: nghoid ein:- hang" sagsi: yo" shoo go" ngoo gi deung main" da" dang: ri za: da tid ri nanu" ci: wim- aloem" jeing" go".

YOHAN 8:49

Yesu phougtu" zigi ngoo gi yu vang ci: su: anghoid. Ngoo gi nga" phoo ri phau" myang: nghoid loug we' nanu" gi ngoori aphoug" amyang.

YOHAN 9:16

Pharishe dayham" gi hau: yug Dougno: Bidnyid tarha" ri acang yoomo Mangso jang" mo gyoo" loo su: age bui" ga: tid ago". Gootu: dayham" gi Yooboo dashoid vhang: nyid su: gi khasu" wim wigi hid: yhang: ti" tid boem. Hid: su" nghoid yoomo houg: bang: gi myid azhung" goo" loo: nyid boem.

YOHAN 9:25

Hau: yug gi he: yug yooboo dab su: nghoid anghoid zi ngoo asi- ngoo gi goonham, mo myo, jed' nghoid loug we' akhid" gi ngoo myo, myang bye:- houg: za: ngoo date: se' ga: tid.

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

YOSHU 7:19

Yoshu gi nyang: ri «Nga" zoo: we"- Israela byumyu" yi da" Aseing Mangso shidkhoin" he: joyoo moo jo da" khyoo: ri tid wigi yen: yu we'. Nang cikoid bye: ziri akhid" ngoo ri ateing too" loo: tid kyoo" we'. Ngoo ri hau: khyoo: ri azau" too"» ga: tid.

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.