YOHAN 9:22 - Lacid Common Language Bible

²² Hid: su" ga: phoid: kyo" zigi Yuda zoug: myeing" ci: mo, ri gyoug yoomo nghoid. Aseing: ri Meshia nghoid ga: loem" jeing" mo, bain sho' ri Tarha" jung: mo khaid thu' wa ga: Yuda zoug: yi sham: phyid' go" too" bye.

YOHAN 9:22 교차 참조

DANG: ZHOEM 29:25

Subi" gooje, wigi nang ri ciga: goo" wa la"» ga: myid ci: khyoo: gi gyoug ci' ca" nyid. Nghoid loug we' Aseing ri loem khau: nyid nghoid rikoem gi nang gau: nyu: nyid wa nghoid.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

ESAIA 51:7

Jo ziri se' da" bang: nga" jhau" shid khyoo: ri nanu" nheigloem: khoug: moo kaid too" bye: bang: nanu" we"- nga" dang: ri tam" gyoo: ge'. Byu yi nanu" ri juang" lho: rue" boem uri agyug goo".

ESAIA 57:11

Aseing tid zigi «Nanu" ngoo ri mhau' tid wa yo' ngoo ri bain sho' to" myhid pyam' wa shid re" nanu" ri gyoug nhang: da" yu phara" gi khate" zi nghoid boem la". Ngoo gye myang" sho' sam: zoo: nyid nyid yoomo ngoo ri ngi: shab byid: wa ziri nanu" theing: pyam' ago" la".

LUKA 6:22

Byu nya: zoo: yoomo nanu" ri ngheing" lo boem da" uri we' she: lhei" pyam zi shau" boem uri we' nanu" da" myonhoo: ri gyoeb nhang: da" uri nghoid loug- nanu" gi ngi lho bye.

YOHAN 1:19

Yerusalem voo moo nyid da" yuda zoug: yi gi Khainjung agyi yi dayham" yo"- Levi yi dayham" bang: ri Yohan jhang khyoo: nhang: kaid lho: nang gi hang" nghoid ga: myid: nhang: kaid boem.

YOHAN 16:2

Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,

YOHAN 19:38

Hau: da" thang: ri Aramathi voo mo Yoseb gi Yesu da" nghain" doem ri yu shung: wa da" shid' re" Pilaid khokham" jang" moo akhang" yhe: mho'. Yoseb gi Yuda zoug myeing" ci: mo, ri gyoug yoomo boin: abang" da" Yesu cangzoo: dayug nghoid nyid. Pilaid khokham" amyeing" byid: yoomo Yoseb gi nghain" doem ri yhe: yu bye.

YOHAN 20:19

Cangzoo: yi gi Yuda zoug: myeing" ci: mo, ri gyoug yoomo Labain myen, gamgung yoo ri yhoem: khoem" myhed" pyam lho: zeung: foem: nyid boem. Hau: da" uri Yesu gi ju" lo lho: nyangnu" da" mo, phung: gung moo lo yab jo. Nanu" moo myenjham" ngei pyo: khyoo: dajo, nyid baja" ga: tid.

YOHAN 7:13

Nghoidloug we' Yuda zoug: myeing" ci: mo, ri gyoug yoomo Yesu da" khyoo: ri hang" we bang bang avoem" tid.

YOHAN 9:18

Nyhoid' loug we' Yuda zoug: myeing" ci: mo, gi akhang: re hau: yug myo, amyang wim lid: lo da" khyoo: ri we' akhuid myo, myang lo zi: ri nyangnu" aloem" jeing" yoomo nya: myhi' phoo yi ri khe: myid: yu ago".

YOHAN 9:21

Nghoidloug we' khasu: wigi myo, myang lo zi ngoonu" asi. Nyang: ri hang" wigi myo, myang loo: nhang: zi ngoonu" asi. Nyang: gi nheig boo bye. Nyang: ri myid: yu" ge'. nya: khyoo: ri nyang: yo" tid kyoo" wa ga: phoid: kyo" boem.

YOHAN 9:34

Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"» ga: tid boem lho: tarha" jung mo khaid thu' kaid.

YOHAN 9:35

Hid: su" khaid thu' kaid zi: Yesu shaug" gyoo: lang" hau: yug yo" shau" go" lho: nang gi byu da" nya: zoo: ri loem" jeing" la"» ga: myid: yu.

ACTS 4:18

Houg: yoo mo nyangnu" gi lagyo: eig yug ri doem khe: fang yu lho: wigi yesu da" myeing ri, lang: lho: da jhi' we' a jhoug" byid: loo: goo" ga- nya: eig yug ri lhid' nhang: kaid' bye.

ACTS 5:13

Meing: byu yi gi nyangnu" ri gye" coung" dang: sang: boem nghoid loug we' gooji gi hang" we' nyangnu" ri avoem" zoem" nghoid ago".

ACTS 5:40

Nyang: nu" gi lagyoo: ri khe: fang yu lho: nyangnu" ri baid' lho: wigi Yesu da" myeing ri lang: lho: khanham we' akho" kyoo" loo: goo" ga: nyangnu" ri amyeing" byid: kaid' ago". Hau: thang: rigi nyangnu" gi lagyoo: yi ri nhang: kaid' abye: da.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.