YOHAN 9:16 - Lacid Common Language Bible

¹⁶ Pharishe dayham" gi hau: yug Dougno: Bidnyid tarha" ri acang yoomo Mangso jang" mo gyoo" loo su: age bui" ga: tid ago". Gootu: dayham" gi Yooboo dashoid vhang: nyid su: gi khasu" wim wigi hid: yhang: ti" tid boem. Hid: su" nghoid yoomo houg: bang: gi myid azhung" goo" loo: nyid boem.

YOHAN 9:16 교차 참조

MATHE 12:10

Hau: tarha" jung moo lo, dalo, ajoem: shid: da" yuggi dayug nyid. Yesu ri yooboo foin noug mo, gi «Dougno: Bidnyid ri noo phyoo" ze: ge zigi Tarha" ri shoid zi anghoid la"» ga: myid: boem ago".

MATHE 12:2

Pharishe" yi myang lang" «yu" ge' Yesu da" cangzoo: yi gi Dougno: Bidnyid ri akoid: eung: da" moo" re zheung: koid: boem bye» Ga: nyang: ri zheung: tid boem.

LUKA 13:14

Hau: uri Hau: Dougno: Bidnyid moo Aseing Yesu wigi noophyoo" ri ge loo" nhang: yoomo Tarha" jung vhoeb phoo gi nheig yo: zoore"- moo" ge zei: da" bidnyid khyug nyid" bo- hau: bidnyid moo noophyoo" re" ze: yu ge'. Labain nyid" rigi noo are" zi: goo" ga: wigi Byu phung: yi ri tid kaid.

YOHAN 10:19

Hid: su" tid yoomo Yuda byu yi moo nheigloem: aveing" go" boem loo.

YOHAN 14:11

Ngoo gi phoo yo" dadeing: daloem za: nghoid wigi Phoo we' ngoo yo" dadeing: daloem: za: nghoid yoomo ngoo tid ziri loem" jeing" ge'. Houg: su" anghoid lang" gi ngoo koid; da" moozoo" ri yu" lho: loem" jeing" ge' ga: tid.

YOHAN 15:24

Gyeing" nyang: ngoo gi goo" ji hang" we' akoid; da" moo" joem ri nyangnu" da" shid' moo akoid; shug loo: nyid rigi nyangnu" moo yooboo aboo wa zi nghoid. Akhid" koem gi nyangnu" gi ngoo koid; shug da" moo" ri myang boem bye. yoomo ngoori we' nga" phoo ri we' ngheing" boem bye.

YOHAN 2:11

Yesu gi he: xang shid" mau" pho" alhoo: again ri Galile mung" Khana voo moo koid shug zoo" re" nya: myonhoo: phung" yoeb ri toin" shid. Houg: yoomo nya: da" cangzoo: yi gi nyang: ri loem" jeing" loem: khau lo boem.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 5:10

Houg: yoomo Yuda zoug: yi gi noo ge loo su: ri akhid" nyid" gi labain nyid nghoid. re" myhu" lu ri dang lo zigi tung: to" tarha" ri shoid da" zi nghoid. ga: gyikoid boem.

YOHAN 5:36

Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid.

YOHAN 6:52

Hau: da" uri He: yug gi khasu" koid; wigi ngoonu" ri zo: wa shid' re" nya: shoo" yo" byid: wa lha"» ga: byu joem gi nyang: cang" nyang: soo" soo" ngeig byo, go" nyid boem.

YOHAN 7:12

Byu phung: moo" yi gi Yesu yo" sen: lho: so' so' ga: gau" doem go" nyid boem. Byu dayham" bang: gi he: yug gi byu gi nyang: danghoid ga: tid go" nyid boem. Dayham" tid nyid zigi byu gi anghoid mung" byu yi ri khyoo: shu" vhang: loo" su: danghoid ga: tid go" nyid.

YOHAN 7:23

Houg: su" nghoid lang" gi zooshang: dayug yug ri Dougno: Bidnyid moo shooyid thang: yham" byid: ri Moshe da" tarha" ri ashoid ga: nanu" myid: ago". Houg: yo' dakhyoo" ti"-- Ngoo gi labain nyid" ri byu dayug yug ri akhang: yhangti" doem yang" zain: loo nhang: lang" ci: wim wigi ngoori nheig yo: nyid go" lha".

YOHAN 7:43

Houg: nghoid yoomo Yesu yo" sen: lho: wigi Meing: byu yi gi nheigloem: azhung" goo" loo nyid boem ago".

YOHAN 9:24

Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.

ACTS 14:4

Houg: mo mung" byu yi gi eig phung gyo" lo" lho: daphung: gi Yuda byumyu" yi shoid khyoo: bo- gootu: daphung: gi lagyoo: yi thang: khyoo: bo dab, boem ago".