YOHAN 9:10 - Lacid Common Language Bible

¹⁰ Byu yi gi Akhid" nang myo, khasu" wim doem myang lo lha"» ga: myid nyid boem.

YOHAN 9:10 교차 참조

PHAJHI" DANG: 11:5

Mangsoo gi ja: khang" moo" ri phain" so: phug to" da:. Houg: lho: nang gi zoo: voin gung lid: da" myiyi: dayug da" voem: dau: khoug: moo kangso khasu" bue" shid" lo ziri ase' yhang: ti" Mangso wigi koid da" moo" ri we' nang ase' gyoo: wa.

YEREMIA 36:17

Hau: thang: nyangnu" gi nyang: ri «Akhid" he: gu: dangain" ri nang khasu" lhid" lha". Yeremia wigi nang ri cang lhid" wa ga: tid rhe"- Ngoonu" ri tid kyoo" la» ga: tid ago".

MARKU 4:27

Nyang: Myen" ri yhoeb- nyid" ri qi: doem yhoeb doem to soo" yen" koid nyid da" ayo' moo hau: shi" gi boug go' thu' lo wigi youg lo nyid. nghoid loug we hau: ashi" khasu" youg gyi: lo nyid ziri nyang: asi nghoid da:-

YOHAN 3:9

Nikodi gi ‹‹he: da" khyoo: gi khasu" se' ge bue" loo wa lha".» ga: doem myid.

YOHAN 6:1

Hau: thang: ri Yesu gi Galile gyid nung" (Tiberi thoem" we' ga: da" jang" moo gu: led lo.

YOHAN 9:11

Hau: yug gi Yesu ga: su: thoem" boeb' dajhi' koid: yu lho: nga" myojid" moo joid byid: wigi ngoori Silon gyid thoem" moo myo, cid" nhang: kaid. Houg: yoomo ngoo lo" wigi myo, cid" lang" su'- myo, doem myang lo. ga: tid kyo.

YOHAN 9:15

Pharishe yi gi hau: yug myo, myang lo da" khyoo: ri doem: myid: boem. Hau: yug gi nyang: gi nga" myojid" moo thoem" boeb' joid byid. Hau: thang: ri ngoo myo, yhe: cid" lang" akhid" ngoo myang lo ga: tid kyo.

YOHAN 9:21

Nghoidloug we' khasu: wigi myo, myang lo zi ngoonu" asi. Nyang: ri hang" wigi myo, myang loo: nhang: zi ngoonu" asi. Nyang: gi nheig boo bye. Nyang: ri myid: yu" ge'. nya: khyoo: ri nyang: yo" tid kyoo" wa ga: phoid: kyo" boem.

YOHAN 9:26

Houg: bang: gi nyang: gi nang ri khasu" koid re" myojid" ri khasu" doem myang loo nhang: ga: doem myid: boem. Hau: yug gi Nanu" ri ngoo dalheing: tid kyoo" bye:- nanu" atam" gyo: boem.

YOHAN 9:9

Byu dayham" gi nghoid ga: wigi we dayham" gi hau: yug anghoid hau: yug yo' du goo" su: dayug nghoid ga: wigi we tid ago". Houg: loug we' hau: yug nyang: tid zigi ngoo gi hau: yug nyang: nghoid bye›› ga: tid.

1Korinthians 15:35

Shid: bye: bang: ri- kha khyo" wigi: doem dei tu: to' kaid wa lha" khayhang: te" da" gung doem: doem yoo" wa lha" byu dayug yug gi: myid: loo wa zi nghoid.