YOHAN 8:7 - Lacid Common Language Bible

⁷ Houg: bang: gi doem phoug myid myid koid; nyid boem. Houg: lang" Yesu gi to' yu" kaid lho: Nanu" mo ce: yooboo adab su: gi nyang: ri luggo, yo" xang: shed" du" ge' ga: amyeing" byid: kaid.

YOHAN 8:7 교차 참조

DANG: ZHOEM 12:18

Amyid yu" loo: tid thu' kaid da" dang: gi no, sho' jab, kaid da" sham: yhang: ti" dam yo" tab, nyid. Nghoid loug we' phajhi" dang: khyo" ji sang: da" dang: khoin" thui: koem gi yo" nyeung ze: ge loo" nhang: nyid.

YEREMIA 23:29

Nga" mungdang: gi myi: yo' du wigi lug moo" boem ri ajab jab baid mhoin' pyam da" baid du yo' du da:.

YOHAN 7:46

Zung" lhug da" pyada: yi gi He: yug kho" kyo" yhangti"- hang" dayug we' akho" kyo" yu" ga: lo tid boem.

YOHAN 8:10

Yesu gi doem lheing: yu kaid lho: myiyi: myhi nang we"- houg: bang: gi khayoo: lo? Nang ri yooboo dam: byid wa mo, dayug we' anyid loo: rhe" ga: myid.

YOHAN 8:8

Hau: lho: myidjang: moodoem goeb lho: thau" lhid" nyid.

KOLOSE 4:6

Nanu" tid da" dang: khoin" joem gi-khanham we' gyo: da" dang: yo' myid' loem" zi nghoid baja"- nyangnu" doem, myed: da" dang: khoin: joem ri jo da" dang: phuid: yo" byid: sho' xei, too" ge'.

Pang Shug 1:16

Nya: lo, yo lo, moo gi kyi: nyhed cab, zhoeb ci- nya: nhoid mo gi sham: soo" eig shoid tho' da" lhab, sham: thu nyid nya: da" myonhoo: gi nyid" gung bid moo" su: bang nyid.

Pang Shug 19:15

Byumyu" bain sho' bang: ri oung: pyam' wa shid re" nya: da" nhoid mo tho' da" lhab, sham: thu' lo nyid. nyangnu" ri we' joto' lham: doung: wigi vhoeb, khang" nyid wa zi nghoid. Gyi: sheung: myhang: thang Mangsoo nheig gyed" da" - zabyid xoem: zhung: zeing moo nyang: nang: jhoeb, kaid' wa.

Pang Shug 2:16

Houg: yoomo re" yooboo mo nheigloem: myab, htid loo we' nheigloem: athed' lo nghloid rigi amyang" ri ngoo re" wigi nga" da" nhoid mo, thu da" lhab, sham: yo' nyangnu" ri jab, pyam' loo: wa.