YOHAN 8:6 - Lacid Common Language Bible

⁶ Nyangnu" gi Yesu ri yooboo zhug lho: myheig wa shid' re. Pyi: sho: nyid boem. Nghoidloug we' Aseing Yesu gi goeb' ci: lho: myidjang: moo lo, nyhau" wigi thau" lhid" nyid.

YOHAN 8:6 교차 참조

APOEM AYANG: 49:9

Yuda gi khangkhyi dadu: yhang: ti" bue" nyid bye:- Nya: zoo: shoo" ri ngaid said lho: nya: khyung: khyoo: doem tau" lo wigi Gung nyhang: lho: vhoeb nyid bye:. Nyang: ri hang" we' avoem" re" zi" loo.

COUNG" NGHEI 39:1

«Ngoo zei: da" moo" zoo" moo lhed zed" zoore nyid wa nghoid. Nga" yhoo: yo' ngoo yooboo ri: akoid nhang: wa akhyeung" byu yi jhang lo" nyid ri ngoo ciwe' tid kyoo" wa zi anghoid» ein: wigi ngoo tid bye:.

DANG: ZHOEM 26:17

Nyang: yo' asen: da" myeing" myo: ngeig go" jang" moo yhe: bo vang su: gi fu" moo" khyoo: zeing moo: yhe: lho: lakhuid" dadu: da" nukhyab moo: yhe: lang: byid: su: yo' du nyid.

PHAJHI" DANG: 3:7

Lang: ceig pyam da" ayo, yo' khyoeb zhoem: da" ayo,- Sam: zoo: nyid da" ayo, yo' dang: ji da" ayo, ri asoo" to" to" da:.

YEREMIA 17:13

Aseing we"- nang gi Israela da" myid byu jang: nghoid da:. Nang ri she: pyam boem da" bang: gi sho' phu" loo goo" wa. Nyangnu" gi pheilhoug: boem" moo lhid" to" da" myeing joem yhang: ti" bei: byug wa. Ciwim gari nyangnu" gi gyid sain' gyid bug nghoid da" nang Aseing ri she: pyam pyam yoomo nghoid.

DANIELA 5:5

Nyeigdain' tung" byu lo, dalo, thu myang lo wigi myikug joem mo myi: je bang da" joyoo khokham kho" pyiyam' moo mougsoug" lhid" shid" re" da:. Khokham phoo gi hougsu" mougsoug" lhid" nyid ziri myang da:.

AMO 5:10

Nanu" gi atarha" moo" ri koid bang: ri thougtheung pyi: sho: bang: yo' tarha" rung" moo jo, da" dang: tid bang: yugkhang" moo" ri ngheing" nyid ago".

AMO 5:13

Houg: yoomo houg: yhang: te" da" akhyeing" da" ayo, moo ameing loo sam: zoo: tam" to" zigi yeug su: nghoid.

GYUNG: SOO" 14:22

he: byumyu" yi mo dayug we' hau: mung" khyoo: yo" vang yhi: goo" wa zi anghoid ein: ngoo dangsoo" tid wa. Nyangnu" gi nga" bidbang yo' Egutu yo' dain" pyoid yoo moo: koid shug da" mau" pho" moo" joem ri myang boem bye:. Nghoid loug we' nyangnu" gi nga" nheigloem: sheing: zeing: kham ziri lid: pyam pyam koid wigi ngoo tid dang: ri atam" gyoo: goo" nghoid da:.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

MATHE 15:23

Nghoidloug we' Yesu gi dakhoin" we' aphougtu". Nya: cangzoo: yi tain" yhe: lho: «Nyang: ri loo" nhang: kaid we' ngoonu" da" thang: moo cang nyho: nyid da:» ga: tid boem.

MATHE 16:1

Pharishe yo" Saduke gi Yesu jang" moo re" ca, yu" zoore"- Apyaid atoo: mo da" Mangsoo gi Aseing ri nhang: kaid da" khyoo: deung zi si' wa shid re" alhoo: again ri pya shug we" ga: mho' boem.

MATHE 19:3

Pharishe dayham" gi Yesu jang" moo ju" re" lho: «Byu dayug yug gi ce: khyo" nghoid nghoid- nya: yhoem: seing: myhi' yo" ge gang: go" la"» ga: re" lheung myid: boem.

MATHE 22:18

Nghoidloug we' Yesu gi nyangnu" da" age khyo" lheing: myid: da" dang: khoin" nghoid ziri si byid: yoomo nyang gi «ayid void mo we"- nanu" gi ciwim ngoori myheig" wa shid' re" lu: go" la".

MATHE 22:35

Nyangnu" da" phung: mo jhoem: dang: se' da" sara: dayug gi Yesu ri dang: nghui" da" khoin" myid: da nyang: ri myheing wa shid' re" lu: go" nyid. .

MATHE 26:63

Nghoidloug we' Aseing Yesu gi sam" zoo: tam" to" khainjung agyi moo" gi da" dei nyid da" Mangso myeing yo" nang ri myid: yu" ba"- nang Mangso nya: zoo: Meshia nghoid. la". Ngoonu" ri tid kyoo" we' ga: myid: yu.

MARKU 10:2

Pharishe" dayham" gi Yesu jang" moo re" lho: nyang: ri leug yu zoore"- byu dayug yug gi nya: yhoem: seing: myhi: ri Tarha" vang khyo" kang" pyam ge la". Ngoonu" ri" tid kyoo" we"- ga: myid boem.

MARKU 12:15

Ngoonu" byid: wa la". abyid: wa la"» ga: myid: ago". Yesu koem gi - nanu" ngoori cewim leig yu yu" go" nga" jhang" gei dakyab, ci: lo yu" ge' ngoo yu" yu" wa ga: tid.

MARKU 3:2

Meingbyu yi dayham" gi Dougno: Bidnyid moo hau: yug ri nyang: gi, byid: la"- agi byid: la". Yesu ri yooboo zhug wa ga: jang" mo zheung: yu" nyid boem.

MARKU 8:11

Pharishe" dayham" Yesu jang" moo re" wigi nyang: yo' re" ngeug go" nyid.Nyang: ri leug yu yu" nau khyoo:- Mangsoo nyang: ri vho: ngei: khyoo: ri sagsi: toin" shid wa shid re" alhoo: again daja: koid shug we' ga: nyang: ri mho' ago".

LUKA 10:25

Tarha" sara: dayug gi Yesu jang" moo re" lho: Sara: we"- ngoo gi apyaid ato: kangso' khasu" koid ri yoo" wa lha"» ga: Yesu ri phajhi" ca: yu noug yoomo re" myid.

LUKA 11:16

Byu dayham" bang: gi Yesu ri ca: yu nau boem yoomo mau" pho" mo alhoo: again daja: pya shug we"- ga: mho' boem.

YOHAN 8:2

Hau: thang: nab kyoo ri no ku" yhoem moo" moo dalheing: dam ju" lo" da" uri byu myoo" sho' mo, gi Aseing: jang" moo re" lheung khoem byid ago". Yesu gi: zhoung: jo, lho: houg: bang: ri jhoug" byid: nyid.

1Korinthians 10:9

Nyangnu" dayham" gi hau: Aseing ri jham" ca: yu" boem yoomo- lhang: myu, thei" said' pyam zi shau" boem yhang: ti" ngoonu" gi hau: Aseing ri ge' jham" ca: yu boem wa zi anghoid.