YOHAN 8:56 - Lacid Common Language Bible

⁵⁶ Nanu" da" nya: phoo Abraham gi ngoo ju" ri" wa da" ayo, ri shau" myang wa ziri myed nyid. Hau: ziri nyang: shau" myang yoomo tid loo a ung: gau yi nyid bye.

YOHAN 8:56 교차 참조

APOEM AYANG: 22:18

Ngoo gi re" amyed ashen yiri mainkaid byid: yhang: ti" byumyu" bain sho' bang: we' nyangnu" ri mainkaid byid: wa shid re" ngoo ri mho' loo wa nghoid. Khasu" wim gari nang gi dang: ri tam" gyoo: yoomo nghoid bye:» ga: tid.

MATHE 13:17

Nanu" ri ngoo gyeing" nyang: tid ba:- nanu" yo" myang da" zi joem ri Lapi: yi yo" deung: byeung" da" byu yi myoo" sho' myang noug goo" nghoid loug ashau" myang boem. Nanu" shau" gyo: da" khyoo: ri we' nyangnu" gi ashau" gyoo: nghoid ago".

LUKA 10:24

Nanu" ri ngoo tid zigi nanu" shau" myang da" khyoo: yi ri Lapi: yi khokham" yi gi myang noug nghoid loug we' ashau" myang boem. Nanu" shau" gyo: da" khyoo: ri gyoo: noug goo" nghoid loug we' ashug" gyo: boem.

YOHAN 10:25

Yesu gi nanu" ri ngoo tid kyoo" gu, nghoid bye:- nghoid loug we' nanu" gi aloem" jeung" boem. Phoo byid: da" amyeing" akhang" yo' dakhyoo ti"-- ngoo koid; shug da" moo" dangain" gi nga" da" khyoo: ri sagsi: kham: nyid zi nghoid.

YOHAN 8:37

Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.

YOHAN 8:39

Nyang: nu" phougtu zigi ngoonu" dangain" mo, nya: phoo gi Abraham nghoid ga: tid boem. Aseing Yesu gi Nanu" gi Abraham da" nya: myid nya: zoo: yi nghoid boem rigi Abraham yhangti" koid; boem zi nghoid.

HEBRE 11:13

He: da" byumyu" yi dangain" bang: gi hau: loem" jeung" khyoo: moo shid: lo" boem abye: go. Nyangnu" gi Mangsoo byid: da" dang: soo" khoin" yo' sen: da" agyid asoo: ri ashau" kham: yu boem- nghoid loug we' nyangnu" gi hau: khyoo: ri vi" vi: mo yo" yu" myang boem bye: ziyo' lhoem: yo" tau, yu nyid boem bye. Nyangnu" gi he: moug: myid tho' moo lam" yen" da" tungbau, being" voo joem yhang: ti"- te: nghe: khau: nyid mo, date: nghoid nyid boem ziri bang bang za: yhen: yu khare" boem bye.

HEBRE 11:39

Houg: bang: dangain" mo, gi nyangnu" da" loem" jeung" khyoo: yoomo coung" byid: nghei byid xoin" to' zi shau" yu boem ago". Nghoid loug we' Mangsoo byid: to" da" dang: soo" khoin" mo agyid asoo: gi ashau" kham: yu boem shi" nghoid ago".