YOHAN 8:47 - Lacid Common Language Bible

⁴⁷ Mangso jhang" mo ju" ri" su: gi Mangso da" dang: ri tam" gyo: nyid nghoid loug nanu" gi Mangso jang" mo anghoid boem yoomo atam" gyo: zi nghoid ago".

YOHAN 8:47 교차 참조

DANIELA 12:10

Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

YOHAN 12:48

Ngoori alhoem yu lho: nga" mungdang: akham: yu su: ri dang: phyed' wa dayug nyid. Houg: nga" Mungdang: wigi nyang:- hau: yug ri lo" thang da" bidnyid moo Tarha" agyi khyo" dang: phyed' wa zi nghoid.

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 5:25

Deing" deing Nanu" ri ngoo tid ba"- shid: jo, mo, gi Mangso nya: zoo: da" thui: ri shaug" gyoo: lang" Kangso' doem dei loo wa. Hau: ayo, gi akhid" nyang: ju" jo, bye.

YOHAN 6:65

Houg: su" nghoid yoomo Yesu gi Nga" jang" moo ayo" juri"- ein: ngoo nanu" ri tid lid: loo bye ga: tid.

YOHAN 8:37

Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.

YOHAN 8:43

Ngoo tid ziri nanu" ci: wim ase' gyoo: go. Nanu" moo nga" da" mungdang: ri gyo: yu wa nheigloem: nyang: aboo yoomo nghoid boem ago".

YOHAN 8:45

Nghoid loug Ngoo gi deung main" da" dang: ri za: tid ri ngoori ci: wim aloem" jeing" go"-

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.

2 Yohan 1:9

Nyang: tu: nya: gung ri lhed' zed' nyid ge'. Khristu da" jhau" mho' khyoo: moo acang da" hau: ziri rue lid lo" bang: hang" nghoid loug we' Mangsoo yo' asen: loo:- hau: da" jhau" mho' khyoo: ri khanham we' d acang nyid bang: hang" nghoid loug we' nya: phoo yo' we' nya: zoo: yo" we' sen: su: nghoid nyid.

3 Yohan 1:11

Nga" da" jheddab bidnoem, phoo we"- age khyoo: ri anghoid loo: za: ge da" khyoo" ri khoo" shid' yu lho: cang nyid we' ge da" moo" ri zei: su: gi Mangsoo ri amyang asi shi" su: nghoid nyid. .