YOHAN 8:32 - Lacid Common Language Bible

³² Nanu" gi deungmain" da" zi ri we' ci: wa. Hau: deungmain" da" zi gi nanu" ri lhoid pyoin kaid wa zi nghoid ga: tid.

YOHAN 8:32 교차 참조

COUNG" NGHEI 119:45

Re" da" jhoug" myeing" jhoug" thui: joem ri ngoo tam" gyo: lho: yoem: kaid nyid yoomo joeb, byeung" da" loid byoin akhang" moo ngoo shoug" nyid wa zi nghoid.

COUNG" NGHEI 25:5

Re" da" deingmain" khyoo: khyo" se' nyid sho' ngoo ri jhau" byid: we'. Khasu" wim gari nang gi ngoo ri khyoid yu da" nga" Mangsoo nghoid. Ngoo gi khanham we' nang ri za: daloem khau nyid.

DANG: ZHOEM 1:23

Nang ri ngoo gyi koid jhau" mho' da" uri tam" gyo: yu we gyo yu ge'. Ngoo nanu" ri phajhi" byid: lho: lasi laleug gam, byid: wa.

DANG: ZHOEM 1:29

Nanu" gi lasi phajhi" dajhi' rilang" khanham we' ase' yhoung: yu" ziyo' Aseing ri gyoug phau" myang: wa shid re" we' khanham we' atam" gyoo: nghoid ago".

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

ESAIA 2:3

nyangnu" da" mung" byu yigi «Ngoonu" gi Aseing da" bouggung khyoo: do, lo" lho: Israela Mangso da" Noku Yhoem: Moo" khyoo: do loo" shang Nyang: ngoonu" ri jhau" shed loo wa. Nyang: khyen: to" da" khyoo: moo ngoonu" so" loo wa. Ciwim gari Aseing da" jhau" shid khyoo: gi Yerusalem moo ju" re" lho: Nyang: gi nya: byumyu" yiri Ziun mo dang: tid nyid.

ESAIA 30:21

Nanu" lo, yoo lo, kung" shoid khyoo: khyoo: vhang: vhang: lo" boem ri nanu" nungthang mo «Khyoo: moo" hid khyoo: nghoid. He: khyoo: khyo" cang ge'» ga: tid da" nya: thui: ri nanu" shau" gyo: loo goo” wa.

ESAIA 35:8

Hougmo «Gyeung" shang: da" khyoo:» ga: myheing da" fu" moo" khyoo: dakhaid jo, wa. Hau: khyoomoo" moo yooboo yoo" bang: dayug we' khanham we' gyung: yo" soo" wa zi anghoid. Hang" koo" su: we' hau khyoomoo" ri cang da" bang: ri khyoo: vhang: ashu" vhang: wa.

ESAIA 54:13

Re" voobyu yiri ngoo nyang: jhau" shid wa. Nyangnu" ri yoo" zoo: yoo" shug khyoo: yo' ngei pyo: yug yo khyoo: ri byid: wa.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

YEREMIA 6:16

Aseing gi nya: byumyu" yiri «Khyoo: kang" moo yab jo, wigi yu" kaid we'. Goonham' mo khyoo: ri myid: yu" wigi khyoo: khakhaid je ge thang ziri myid: yu" we'. Hau: khyoo: khyo" soo" ge' houg: lang" nanu" gi yug yo myenjham" ziyo yo" nyid goo" wa» ga: tid da:. Nghoid loug we' nyangnu" gi «Anghoid- ngoonu" asoo"» ga: tid boem.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

XOIN" NGEI" 25:41

Hau: ayo, ri nyang: yo' nya: zoo: yi re" jang" mo thu lo" lho: nya: da" yhoem: byu yi jang" khyoo: yo' nya: phoug" phyid" yi da" mougmyid khyoo: doem tau" loo" wa zi nghoid.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 16:13

Nghoidloug we' Mangso da" khyoo:- deing byeung" da" tarha" ri phang shug da" gyeungshang: Venyi: ju" gyoo" loo lang" gi nanu" ri deung main" da" tarha" bain sho' re" phang shug wam bye. Hau: da" gyeungshang: Venyi: gi nyang: vho: da" khyoo: tid kyoo" wa zi anghoid. Nyang: shaug" gyoo: ci: gu: ri tid kyo" lho: thang: phyang" bue" loo wa khyoo: ri tid wa nghoid.

YOHAN 17:17

Houg: bang: ri deingmain" mungdang: khyo" wigi re" da" shid' re" goo" zu: xen, nyheing too" we' re" da" mungdang: gi deung main" da" khyoo, nghoid nyid.

YOHAN 6:45

Lapi: yi da" jhoem: dang: moo Houg: bang: dangain" gi Mangso da" jhoug" myeing" jhoug" thui: ri kham: yu boem wa ga: bo. Houg: su" nghoid yoomo Phoo Mangso da" jhoug" myeing" ri shau" gyo: lho: phoo jang" mo, thung" lid kham: yu mo, dangain" gi nga" jang" moo jure" boem bye.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

YOHAN 8:36

Houg: su" nghoid yoomo nya: zoo: gi nanu" ri loid byoin nhang: nghoid rigi nanu" deing" deing loid byoin loo" wa.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Roma 8:15

Mangso: jang" mo nanu" yo" kham yu da" young" gyeing" da" venyi nanu" ri join, doid loo" nhang: zi anghoid. Gyoug da" nheigloem: ri kaid' bye: zi we' anghoid. Young" gyeing" venyi gi ngoonu" ri Mangso: da nya: zoo: yi yo" bui" nhang: yoomo ngoonu" gi Mangsoo: ri - Phoo we" - nga" phoo we" ein: yo" yoid da" akhang" yo" yu boem bye.

Roma 8:2

Khasu" wim gari - Khristu Yesu yo' dadeing: daloem: za nyid nhang: da" venyi: yo" tarha" gi shid: lo" khyoo: yo" yoobo da tarha" mo ngoori lhoid pyoin' kaid' bye.

1Korinthians 7:22

Khasu" wim gari- join danghoid nyid uri:- hau: Aseing wigi: khe: yu zi shoug" su: gi Aseing da" loid byoin byu nghoid bye. Houg: yo' dakhyoo" loid byoin bye: byu dayug nghoid uri:- Aseing khe: yu zi shoug" su: gi Khirstu da" join bue" loo bye.

GALATI 5:1

Khristu gi ngoonu" ri join, bue" jo, jang" mo lhoid, kaid' bye: nghoid yoomo nyhang" gi loid byoin yoo" bang: nghoid boem bye houg: yoomo loid byoin, yoo" bye: bang: yhang: ti" yab, jo, ge'- join, da" dabu" khoug: moo adoem vang loo" goo".

GALATI 5:13

Nanu" koem gi mang nhung" yi we"- loid byoin, da" akhang" yoo" goo" baja" ga: khe: yu zi shau" boem bye- nghoid loug we' hau: loid byoin, da" akhang" ri goo koid lho: wigi gung sho" da" vhoo: boo: loug gyi: nheigloem: ri nheig shid: said' wa shid re" agoo, ashoo: goo"- hougsu" koid wa gung khoo:- nanu" gi jheddab ziyo' nyang: cang" nyang: pang" thoug go" nyid ge'.

2 TIMOTHI 3:7

Jhau" mho' khyoo: ri kham: yu wa shid re" kha: nham, we' vhongei yoem: kaid' nyid boem nghoid loug we' nyangnu" gi hau" deingmain" da" khyoo: ri se' jhang: jang" khyoo: kha: nham, we' ayo" ju" loo, lo: boem.

YAKU 1:25

Nghoid loug we' byu yi ri yoobo wigi tei" to" da: jang" mo loid byoin loo" nhang: da" joeb byeung" da" tarha" ri goolhoo: jhau" yu yu" su: gi mungdang: ri gyoo: za: te: tam" gyo: lho: to" myhed' pyam su: anghoid loo: za: xo' zei: cang loo" su: nghoid nyid yoomo nyang: gi ce: ja: moozoo" ri zei: nyid nghoid loug we' Mangso mainkaid da" jeju" ri shau" kham: zoo: wa zi nghoid nyid.

YAKU 2:12

Hougsu" nghoid yoomo lhoid pyoin kaid da" tarha" yo' dakhyoo" ti"- dang: phyed zi shau" wa bang: yhang: ti"- tid sang: voin, vu, yhe: loo" ge'.

1PETERU 2:16

Nanu" gi loid byoin, loo" mo, khyo" zei: so' nyid yab ge'- nghoid loug we' akhyeing" ashoeb, khyoo: ri nghoeb, too" wa shid' re" nanu" da" loid byoin, akhang" ri aci: goo"- nghoid loug we' nanu" gi Mangso da" join, yi yhang: ti" zei: so' nyid ge'.

2 Yohan 1:1

Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.