YOHAN 8:31 - Lacid Common Language Bible

³¹ Aseing Yesu gi nyang ri loem" jeing" loo mo, ri Nanu" gi ngoo jhoug" byid: khyo" cang zei: loo" lang" gi nga" da" cangzoo: agyeing" yi nghoid bye.

YOHAN 8:31 교차 참조

MATHE 24:13

Nghoidloug we' lo" thang bidnyid ju" sho' zeung: kham: nyid su: gi khyoid yu zi shau" wa nghoid.

YOHAN 1:47

Nathanela re" nyid zi Yesu myang lang" nya: khyoo: Yesu tid zigi fain" da" nheigloem: abo da" Israela Byu gyeing" dayug hid: moo ju" bye: ga: wigi tid.

YOHAN 2:2

Yesu yo' nya: cangzoo: yi ri we' hau: pui" moo khe: to.

YOHAN 6:55

Nga" da" shoo" gi zoo: noem agyeing" nyang: nghoid bye. Nga" da" suid" we' shug phoo" agyeing" nyang: nghoid bye.

YOHAN 8:36

Houg: su" nghoid yoomo nya: zoo: gi nanu" ri loid byoin nhang: nghoid rigi nanu" deing" deing loid byoin loo" wa.

ACTS 13:43

Hau" zoeb, phung mo, mung" byu yi byo, lo" boem thang: ri Yuda byu yi myoo" sho' mo, gi Yuda noku thung" khyoo: phoug vang loo bye: da- tungbau byu yi myoo" sho' mo, gi Polu yo' Barnaba thang: cang lo" ago". Polu yo' Barnaba eig yug gi Mangsoo nheig khyeug da" akhoug: moo xo' lho: kangso' yo" dei nyid wa shid re" nyangnu" ri yoem: byid: da" dang: ri tid ago".

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

ACTS 26:22

Nghoid loug we' akhid" nyid" ju" sho' Mangsoo gi ngoori pang" thung byid: nyid yoomo hid: moo yab, jo, lho: - gyi: su: ngisu: a ein: loo: yug khang" moo" ri sagsi: yo" kham, byid: nyid zi nghoid.

Roma 11:22

He jang" moo Mangsoo: gi - khayhi' gyeing" nheig khyeug shoo" se' myen: da" khyoo: yo' khayhi' gyeing" noo sho' yooboo dang: se' kho: da" khyoo: ri ngoonu" shau" myang boem. Mangsoo: gi yooboo shoid' mo ri gye thain: sho' yooboo dam yo" byid nyid da" khyo" ein: ri nanu" gi Mangso: nheig khyeug khyoo: ri yo" xo kham: yu sho' cang koid' zei: so' ri gi Mangsoo: gi nanu" da" tho' moo nheig khyeug nheig myen: nyid wa zi za nghoid. Hau: nheig khyeug myen: da" khyoo: ri shau" kham yu sho' akoid' acang loem boem ri koem' gi nanu" ri we' Mangsoo: gi cu: khyo' pyam' wa.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

1 TIMOTHI 2:15

Nghoid loug we' myiyi: zoo: gi asam" a void, ge lho: loem" jeung" khyoo: jheddab khyoo: moo gyeungshang: khyoo: moo xo' lho: yoem: kaid' lo nghoid rigi myiyi: gi zoo: ri khu: kaid' su: nghoid yoomo nyang: gi khyoid yu zi shau" wa nghoid.

1 TIMOTHI 4:16

Nanya: gung ri we' re" da" jhoug" myeing" jhoug" thui: ri we' lhed zed" zoore" goin, coung: nyid we' nang gi he: d a" khyoo: joem ri d acang zei: nyid we' Khasu" wim gari hougsu" koid nyid nghoid rigi nanya: da" gung du: ri we' nang kho" da" mungdang: ri shaug" gyoo: mo, ri we' yo" khyoid yu wa zi nghoid.

2 TIMOTHI 3:14

Nghoid loug we' nang koem gi jhau" mho' da" khyoo: ri kham: yu wigi geing: geing: teing teing loem" jeung" nyid bye: da" hau: deingmain" da" khyoo: moo xo' lho: d acang yhe: loo" we'. Re" sara: gi hang" nghoid ziri nang se' nyid gu nhgoid bye.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

HEBRE 8:9

He: da" dang: thang" cab, gi Nyang: nu" ri nga" lo, yo' she: yu wigi Egutu meing: mo shu" thu' lo da" uri nya: phoug" nya: pho, yo' too" go" da" dang: soo" khoin" yo' du, goo" loo: wa zi anghoid. Nyang: nu" gi ngoo nyangnu" yo' too" go" da" dang: soo" ri lhed: pyam' yoomoo- ngoo nyangnu" ri ayu" acoung: loo wa, ga: hau: Aseing: gi tid nyid.

YAKU 1:25

Nghoid loug we' byu yi ri yoobo wigi tei" to" da: jang" mo loid byoin loo" nhang: da" joeb byeung" da" tarha" ri goolhoo: jhau" yu yu" su: gi mungdang: ri gyoo: za: te: tam" gyo: lho: to" myhed' pyam su: anghoid loo: za: xo' zei: cang loo" su: nghoid nyid yoomo nyang: gi ce: ja: moozoo" ri zei: nyid nghoid loug we' Mangso mainkaid da" jeju" ri shau" kham: zoo: wa zi nghoid nyid.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

1YOHAN 2:24

Nanu" gi xang: shed" mo nyang:- shaug" gyoo: bye: da" mungdang: ri nanu" da" nheig: loem: khoug: moo kaid too" loo: ge'- hau: mungdang: nanu" moo bo jo, nghoid rigi nanu" gi nya: zoo: yo' we' nya: phoo yo' daeung: daloem: za: khanham" we' bue" nyid goo" wam: bye.

2 Yohan 1:9

Nyang: tu: nya: gung ri lhed' zed' nyid ge'. Khristu da" jhau" mho' khyoo: moo acang da" hau: ziri rue lid lo" bang: hang" nghoid loug we' Mangsoo yo' asen: loo:- hau: da" jhau" mho' khyoo: ri khanham we' d acang nyid bang: hang" nghoid loug we' nya: phoo yo' we' nya: zoo: yo" we' sen: su: nghoid nyid.

1 SAMUELA 12:14

Nanu" we' nanu" da" khokham we' nya: thang: mo cang wigi nanu" da" Aseing Mangso moo" ri voin vu lho: nya: dang: ri gyo: wigi nyang: theung to" da" dang: thang" cab ri cang yhe: wigi nyang: ri coung" nghei boem nghoid rigi nanu" gi khyoo: khaid khang" moo" moo nyid pyoo: yab pyo: lo boem wa zi nghoid.