YOHAN 8:23 - Lacid Common Language Bible

²³ Yesu phougtu" zigi nanu" gi mougmyid mo byu yi nghoid. Nghoidloug we' ngoo gi mougkhung: khyo" ri" su: nghoid. Nanu" gi he: mougmyid mo byu nu" yi nghoid boem. Ngoo koem gi he: mougmyid mo byu anghoid.

YOHAN 8:23 교차 참조

COUNG" NGHEI 17:4

Ngoo gi byu gooji yhang: ti" akhyeung" da" dang: atid. Ngoo gi re" mungdang: ri tam" gyo: lho: athoug" akhyoug: gyi koid nyid khyoo: ri ngoo acang.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 17:14

Re" da" mungdang: khoin" nyangnu" ri ngoo byid: bye. Moug: myid byu yi gi nyangnu" ri avho: angei boem. Khasu" wim gari ngoo gi mougmyid yo" asen: ziyo' dakhyoo" ti"-- nyangnu" we' mougmyid yo" asen: nyid.

YOHAN 17:16

Ngoo gi he: mougmyid yo" asen: ziyo' dakhyoo ti"-- houg: bang: we' asen.

YOHAN 3:13

Mougkhung: mo gyoo" lo da" byu nya: zoo: mo gootu: hang" we' Mougkhung: khyoo: ado, lo" yu.

YOHAN 3:31

Mougkhung: tho' mo gyoo" lo da" su: gi dangain" tho' moo je gyi. Mougmyid: mo nyid ri" su: gi mougmyid: byu te: nghoid yoomo mougmyid yo" sen: da" khyoo: ri te: se' tid. Nghoidloug we' mougkhung: tho' mo gyoo" lo da" su gi dangain" tho' moo nyid: su: nghoid.

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.