YOHAN 8:2 - Lacid Common Language Bible

² Hau: thang: nab kyoo ri no ku" yhoem moo" moo dalheing: dam ju" lo" da" uri byu myoo" sho' mo, gi Aseing: jang" moo re" lheung khoem byid ago". Yesu gi: zhoung: jo, lho: houg: bang: ri jhoug" byid: nyid.

YOHAN 8:2 교차 참조

PHAJHI" DANG: 9:10

Nang zei: da" moo" zoo" ci moo nghoid loug we' yoem: kaid wigi koid we'. Ciwim gari moovo moug: moo gi moo" zei: zi ajo, wa. Myid yu" zi ajo, wa lasi phajhi" ajo, wa Phajhi" juyhi: ajo, wa. Houg: lho: hau: joyoo gi nang yhe: loo" wa joyoo nghoid da:.

YEREMIA 25:3

«Amon da" yuggi zoo: Yoshia Yuda khokham bue" zi daxe: soem" zain ein: zain mo he: akhid" nyid" bidnyid ju" sho' eig xe: soem" zain nyang: Aseing tid ziri nanu" ri khanham we' athid pyam loo: tid kyoo" bye:. Nghoid loug we' nanu" atam" gyoo: nghoid da:.

YEREMIA 32:33

Nyangnu" gi ngoo ri nungthang phug pyam boem bye:. Ngoo nyangnu" ri xo' wigi jhau" shid nghoid loug we' anau tam" gyoo: anau jhau" yu nghoid ago".

YEREMIA 44:4

Ngoo ngheing" da" he: gyoug dain tung" da" moo" ri akoid wa shid re" nanu" ri tid kyo" da" nga" dei zoo: Lapi: yiri nanu" jhang ngoo xo' wigi nhang: kaid byid: bye:.

MATHE 26:55

Hau: thang: ri Yesu gi hau byu phung: yi ri «nanu" gi khyang toug ri myheing yhangti"- ngoori myheig wa shid re" thung" keing: we' sham: lham: we dari" go" la". ngoo ginyid khang" moo" noku yhoem: moo" moo zhoung: jo, lho: jhau" mho' nyid da" uri nanu" ngoori ci: wim amyheig atei go.

LUKA 21:37

Yesu gi hau: danyid" goin" noku yhoem: moo" moo jhau" mho' byid: nyid lho: myenthang: zoo" rigi zhainlun ga: da" boug khyoo: do, lo" lho: damyen goin houg: moo lo" nyid.

LUKA 21:38

Byu myoo" sho' mo, gi nya: dang: ri tam" gyoo: wa shid' re" No' ku" yhoem: moo" moo nab kyoo no" re" lo boem.

LUKA 4:20

Hau: thang: ri Jhoem: mougsoug" ri doem deing: lho: Tarha" jung vhoeb phoo ri byid: wigi doem zhoung. Tarha" jung khoug: moo nyid da" byu dangain" mo, gi Yesu ri soo" soo" yu" zhoug: to" ago".

LUKA 5:3

Yesu gi hau: lhid' eig khyab, mo Simun da" lhid' moo do, lo" lho: lhid' ri gyid yam mo dajhi ku" kang" kaid wa shid' re" Simun ri tid. Hau: thang: ri zhoung: lho: byu phung: moo" ri tarha" kho" kyo.

YOHAN 4:34

Yesu gi ‹‹Nga" da" zoo: noem gi Ngoo ri nhang: kaid' su: vho: khyo" cang pyeing lho: Hau: Aseing: byid: to" da" moozoo" ri bain sho' voin vu, khyoo: gi nga" zoo: noem nghoid bye:» ga: tid.

YOHAN 8:20

Yesu gi He: da" Mungdang: ri-no ku" yhoem: moo" khoug: Alu: kham: da" sadeig to" yab moo kho" kyo" jhoug" byid: uri tid da" mungdang: nghoid nyid. Nghoidsho' loug we' Yesu da" ayo, aju" shi" yoomo hang" we' Yesu ri amyheig atei" shi.

YOHAN 8:3

Tarha" sara: yi yo"- Pharishe bi: gi myiyi: dayug ri Yesu jang" moo khe: shu" re. Hau: yug gi soem" lid shoo: go" nyid jang" mo shau" myheug da" myiyi: nghoid. Tarha" sara: yi yo"- Pharishe gi-hau: myiyi: ridangain" mo, da" shid' khoin" moo yab jo, nhang: lho:

ACTS 5:21

Lagyoo: yi we' tid da" dang: ri tam" gyoo: yoomo nyangnu" gi nabsoin: myo myang yid' moo noku yhoem: moo" khoug: moo vang yhe: lho: jhoug" byid: nyid boem ago". Hau: khainjung zeing gi nya: byen, cang" yi yo' Yuda tarha" yabdo zoeb phung koid wa shid re" Yuda ludaid' Vhu" jhung: yi ri khe: zheung" to" ago". Hau: thang: ri nyangnu" gi lagyoo: yi ri nyangnu" da" shid' khoin" moo shu" vang ri" wa amyeing" byid: lho: thung: yhoem: mo, shu" nhang: kaid ago".