YOHAN 8:18 - Lacid Common Language Bible

¹⁸ Ngoo gi ngoo nya: khyoo: ri sagsi: kham lho:. Ngoo ri nhang: kaid da" Pho we' nga" da" khyoo: ri sagsi: kham: byid: nyid ga: tid.

YOHAN 8:18 교차 참조

GYUNG: SOO" 35:30

Byu said ga: yooboo zhug da" su: yooboo shoug" bye: ziri myang lang" sagse: eig yug yo' hau: tho' je myo: da" sagse: atho' moo: nghe: wigi za: ge said da:. Nghoid loug we' nyang: ri sagse: dayug da" dang: yo' za: gi ayo" said pyam nghoid da:.

YOHAN 10:11

Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 10:9

Ngoo gi khoem" duang: nghoid. Nga" jhang khyo" vang ri" su: gi goem loem joyoo shau" bye. Nyang: gi thu' thu' vang vang yo" koid; wigi mhain" nu" jang: ri shau" myang wa zi nghoid.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

YOHAN 8:25

Houg: bang: gi nang gi hang" nghoid ga: myid: boem. Yesu gi Ngoo hang" nghoid zi xang: shid" mo nyang: ngoo tid kyoo" bye.

YOHAN 8:38

Ngoo gi nga" pho, jang" mo, yo" se' yu gu: dangain"- nanu" ri tid kyoo" bye: houg: nghoid loug we' nanu" gi nanu" da" nya: phoo tid ziri za: da cang nyid ago".

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

YOHAN 8:58

Yesu doem phougtu" zigi Deing" deing nanu" ri ngoo tid ba- Abraham akhu: ri" shi" mo ngoo nyid nyid bye: ga: tid.

HEBRE 2:4

Houg: mo xo' lho: Mangsoo gi nyang: nya: alhoo: again joem- mau" pho" moozoo" aja: ja: toin" shid khyo" we' gyeungshang: da" venyi yo' sen: da" jeju" jhung: shug joem ri nyang: vho: ngei ziyo' dakhyoo" ti"- gam byid: khyo" we' nyangnu" da" sagsi: joem moo poug lung: byid: khyo" we' toin" shid nyid.