YOHAN 8:15 - Lacid Common Language Bible

¹⁵ Nanu" gi byu da" akhyoo" khyo" dang: phyed' boem- Ngoo gi hang" ri we' aca: joeb- dang: aphyed.

YOHAN 8:15 교차 참조

AMO 5:7

Deingmain" da" khyoo: ri phug se: pyam lho: mung" byu yi nyangnu" da" amyeing" akhang" ri mhoid" jhoem" pyam mo, we" nanu" gi joem: lo" zi shau" boem abye: go".

AMO 6:12

Lug moo" boem tho' moo myang: joem gi yo" peug byam yen" wa la". Byu yigi panglai: gyid thoem" ri nujung loo: joem yo' yoothung" su" yo" phug wa la". Nghoid loug we' nanu" gi nyeung veung" tarha" ri myino, bui" nhang: pyam lho: jo, khyoo: rigi shoid khyoo: bui" nhang: pyam boem ago".

HABAKU 1:4

Tarha" gi yoem: yoem" ziyo' akyu" aboo nghoid da:. Nyeung veung" khyoo: gi Khanham we' abue" loo. Tarha" dang: phyed go" uri akhyeing" ashoeb da" byu yigi deing: byeung" mo, ri ung: yoomo nyeung veung" khyoo: gi atau" ashu: bue" loo bye:.

LUKA 12:14

Yesu gi Byu nang we"- Re" shid' re" hang" su: wigi ngoori tarha" agyi khyo" we' moid gam byid: wa su: khyo" we' nyheing to" lha"» ga: doem myid.

YOHAN 12:47

Nga" Mungdang: ri alhoem: yu su: ri ngoo gi dang: aphyed'- Mougmyid: byu yi ri dang: phyed' wa da" shid' re" ngoo gyoo" re" zi anghoid. Mougmyid byu yi ri khyoid yu wa shid' re" ngoo gyoo" re: lo zi danghoid.

YOHAN 18:36

Aseing Yesu tid zigi Nga" mungdain: gi he: mougmyid yo" asen: nghoid rigi ngoo gi Yuda byumyu" da" lo, moo avang loo" sho' nga" da" cangzoo: yi gi Meing: zain wa zi nghoid. Nga" da" mungdain gyeing" gi he: mougmyid yo" asen: ga: wigi tid.

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

YOHAN 7:24

Atho' pyam: mo da" akhyoo" again ri za: yu" lho: dang: aphyed goo. Deung main" da" khyoo" khyo" dang: daphyed ge ga: tid.

YOHAN 8:11

Houg: lang" hau: da" myiyi: gi Aseing: we" dayug we' azheung: nyid khari" loo:- ga: phougtu. ‹‹Yesu gi Ngoo we' nang ri yooboo dam abyid: loo" we' yooboo adoem koid loo: lhe" ga: tid kaid.»

Roma 2:1

Haugsu" nghoid yoomo - byu gooji ri tarha" dang: phyed' su we' re" yooboo khyoid' byid wa khyoo: thang bye. Khasu" wim ga ri - nanyang: subi" ri - dang: phyed' nyid uri - nang nyang: hau: da: tarha" ri shoid' nyid. Nga" bidnoem nang tarha" dang: phyed' nyid uri nyang: nanya: gung ri nang dang: phyed' nyid zi nghoid bye.

1Korinthians 2:15

Venyi boo su: koem gi ziyoo jo, moo: jo, da" aphoug" ri yo" phyed' byid: nyid. Nyang: ri koem gi hang" we' aphoug" yo" phyed' byid: zi anghoid.

2~KORINTHU 5:16

Hougsu" nghoid yoomo ngoonu" gi akhid" mo wigi hang" ri we' byu da" aklhyoo" laki khyo" cang lho: tarha" dang: phyed khyoo: akoid boem loo. Xang: shid" ayo, moo Khristu ri byu da" akhyoo" alai khyo" cang lho -soin: dang: phyed da" khyoo: koid lailo lboem bye. Nghoid loug we' akhid" hougsu" akoid lo: boem.

YAKU 2:4

Nanu" da" akhoug: moo nyang: cang" nyang: myonhoo: khyen: go" lho: age khyo" zei: so' nyid zi anghoid goo" la".

1 SAMUELA 16:7

Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid» ga: tid bye:.