YOHAN 8:12 - Lacid Common Language Bible

¹² Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

YOHAN 8:12 교차 참조

YOBA 33:28

Nyang: gi ngoo ri moovo moug: khyoo: aloo" sho' khoem ci: da:. Houg: lho: ngoo akhid" dei nyid shi"» ga: tid.

COUNG" NGHEI 18:28

O" Aseing we" nang gi ngoo ri bidbang byid: nyid. Nga" da" moug: coid ri bei: loo" nhang: nyid.

COUNG" NGHEI 49:19

Nyang: shid: lo' da" ayo, moo: gi nya: phoug" phyid" yi dangain" mo, nyid da- apyaid atoo: mo moug: coid" khoug: moo: dage" lo" shoug" nyid boem wa zi nghoid.

COUNG" NGHEI 97:11

Deingmain" su: da" tho' moo bidbang bang nyid wigi nheigloem: gi mo, da" atho' moo gau yi ngei bu: khyoo: jo, jo.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

ESAIA 9:2

Moug: coid khoug: moo so" yen" da" byumyu" yigi gyi: sheung: da" bidbang ri shau" myang abye: goo". Nyangnu" gi bid yoeb mungdain: moo nyid loo bang: nghoid ago". Nghoid loug we' akhid" gi nyangnu" ri bid zhoo: byid: abye:.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

MATHE 5:14

«Nanu" gi mougmyid bidbang yo' du ago"- boem tho' moo tam: to" da" voogung ri ce: zewe' ayo" go too.

LUKA 2:32

Aseing: soin jen" to" da" khyoid yu jeju" ri ngoo gi myang nyang: myang kho" bye- ga: coung" byid.

YOHAN 12:35

Yesu phougtu" da" zigi Bid' bang gi nanu" moo daso date: jo, loo- wa. Nanu" ri moug coid alo nghoeb' pyam wa da" shid' re" bidbang jo shi" da" uri so" yen" ge'. Moug coid khoug: moo so" yen" mo gi nyang: nyang: kha: khyoo: so" lo" zi asi nghoid ago".

YOHAN 12:36

Houg: su" nghoid yoomo bidbang jo, shi" da" uri hau: bidbang ri loem" jeing" ge'. Houg: su" nghoid ri za: nanu" gi bidbang da" byu yi bui" wa nghoid ga: tid. Hid: su" ga: bain tid thang: ri Yesu gi nyangnu" jang" mo phang: gau" loo bye.

YOHAN 12:46

Ngoori loem" mo dangain" gi moug: coid khoug: moo anyid loo: wa shid re" ngoo gi bidbang khyo" nyang: mougmyid moo ri" bye.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 3:19

Tarha" dang: phyed byid: da" akhyoo" dangkang: gi hid: su" nghoid bidbang zeing gi he: mougmyid moo juri" bye: nghoid loug we' Byu xangsu: yi gi akhyeing" ashoeb mo, nghoid nyid yoomo bidbang tho' moo moug: coid ri daje vho: boem.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

YOHAN 9:5

Ngoo gi he: mougmyid moo nyid shi" uri mougmyid shid' mo bidbang nghoid ga: tid.

ACTS 13:47

Khasu" wim gari Aseing: gi ngoonu" ri amyeing" byid: to" zigi Moug: myed tho' moo nyid mo, dangain" ri khyoid yu zi shau" boem wa shid mo ngoo gi nang ri tungbau, yi shid' mo bidbang bui" nhang: bye- ga: tid too" bye- ga: tid ago".

ACTS 26:23

Meshia gi dayam, dayoo: kham, zo: wigi nyang: gi shid: jang" mo xang: shed" doem dei to' loo su: nghoid ziyo' - Yuda byumyu" yi yo' tungbau byumyu" yi ri khyoid yu khyoo: ri tid fu" loo" goo" wa ga: Meshia yo' lapi: yi tid too" khare" ziyo' dakhyoo" ti" ngoo kho" kyo"- ga: tid.

2PETRU 2:17

He: da" byu gi kyoug kain" byug bye: gyid bug yo" we' ug lid wigi houg tang" yen" da" jhoem: moug" yo" we' du nyid boem. Mangsoo gi nyangnu" shid' re" moug: coid' no, thang da" jang" moo joyoo daloem: nyheung too" byid: bye.

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

1YOHAN 1:6

Ngoonu" gi nyang: yo' shau" zoem" khau: nyid bye- ga: lho: wigi moug: coid khoug: moo kangso' dadei so" yen" shi" nghoid boem rigi ngoonu" tid da" dang: moo we' ngoonu" zei nyid da" moozoo" moo we' mhoug mo, ngoonu" danghoid nyid boem shi.

YUDA 1:13

Nyang: nu" gi gye" thain: da" panglai being: mhoid' yhang: ti" du nyid wigi nyangnu" koid da" asho, ashid: moozoo" we' panglai gyid nyoeb, yang: ti" thu' nyid. Nyang: nu" gi akhyoo" acang da" kyimeing: lam" kyi: joem yo' we' du nyid nyangnu" shid' re" Mangsoo gi apyaid' ato: joyoo daloem: ri no, athang da" moug: coid' khoug: moo nyheung too" bye.

YUDA 1:6

Nyang: nyang: yo" jo, da" amyeing" akhang" ri ci: lid' lo" lho: wigi nyang: nya: da" joyoo ri she: pyam' kho' da" moug: lagyoo: yi da" khyoo: ri we' myid' boin: yu" ge'. Mangsoo gi nya: tarha" dang: phyed' wa da" bidnyid zeing moo houg: bang: ri yoobo dam kaid' wa shid re" moug: coid' thung: khoug: moo apyaid' ato: da" joto' jangcoo" yo' datei" to.

Pang Shug 21:24

Byumyu" yi gi hau: voogung mo bidbang moo yo" so" yen" lho: moug: myed tho' mo Khokham" yi we' hau: voogung khyoo: nyang: nya: da" soidgain joem ri ci: vang lo" boem wa zi nghoid.