YOHAN 7:37 - Lacid Common Language Bible

³⁷ Hau: pui" zeing: da" lo" thang ziyo'- yhoug gyen: tang da" bidnyid moo Aseing: Yesu gi yab jo, lho: nyang tid zigi Gyid shed' su: hang" nghoid loug we' nga" jang" mo re" shug yu ge'.

YOHAN 7:37 교차 참조

NEHEMIA 8:18

Pui" xang: shi" nyid" mo lo" thang nyid" ju" sho' Mangso da" tarha" mo dadu du ri nyid" khang" nyid" nghab ago". Nyangnu" gi nyhed nyid" pui" koid lho: shed nyid" ein: nyid" moo tarha" moo bo ziyo' dakhyo" pui" pain' khyoo: koid ago".

COUNG" NGHEI 143:6

Ngoo gi nga" lo, ri re" jhang khyoo: yhoin" to" lho: akyu" damho' nyid. Moug: kyug gang: yhang: ti"- nga" soozoo: gi nang ri gyid su: dashed nyid.

COUNG" NGHEI 42:2

Dadei nyid da" Mangsoo we"- ngoo nang ri gyid su' shed nyid. Ngoo gi re" da" shidkhoin" moo khanham ri she' yo" ju" re" wigi yo" coung" pid nyid wa lha".

COUNG" NGHEI 63:1

Mangsoo we"- nang gi nga" Mangsoo nghoid nyid wigi ngoo nang ri nheug nge nyid. Nga" gung goin" nang ri vho: ngei so, kho' nyid. Kyoug kain" byoug lho: ce" akyu" aboo lo: ziyo' gyid aboo lo: moug: kyug yhang: ti" nga" nheigloem: soozoo: gi nang ri gyid su" shed nyid.

DANG: ZHOEM 1:20

Tam" gyoo: we'-phajhi" juyhi: ga: zigi fu" moo" khyoo: joem yo'-kid" vang" cang nyho: yoid yen" zi nghoid.

DANG: ZHOEM 8:1

Tam" gyoo: ge' phajhi" juyhi: gi zheug yoid nyid se' myid se' soin: khyoo: gi nyang: gung nyang: shoug" gyoo: sho' yoid nyid.

DANG: ZHOEM 8:17

Ngoo ri jheddab bang: ri ngoo jheddab nyid ngoo ri shoo: bang: hang" we' ngoo ri shoug" sho: myang ago".

DANG: ZHOEM 8:3

Voomoo" vang khoem" moo" duang: moo: we' khoem: duang: joem ayam, moo: we' nyang: yoid nyid.

DANG: ZHOEM 9:3

Voogung da" myhang: thang joyoo mo yhe: yoid khe: kaid wa shid re" nyang: gi nya: da" join' myhi' joem ri nhang: kaid wigi

SHOLUMON JIKHOIN" 5:1

Nga" nheig tei" nga" myhiseig we"- nga" khyam: khyoo: ngoo vang yhi: bye:. Nga" da" Mura yo' nam pyo: ja: ngoo khyau" zheing" too" bye:. Ngoo gi nga" byoo: yhid: yo' byoo: yho' ri zo: nyid bye:. ngoo gi nga" zabyid yhid: yo' nunoug" ri shoug nyid bye: zi nghoid. Jheddab bang: we" zoo: ge'. Nanu" gi jhed myid yo' yed: sho' shug nyid ge'.

ESAIA 12:3

Gyid jham" gi gyid shed yug ri ngei pyoo: nhang: ziyo' dayhang: ti" Mangso wigi nyangnu" ri khyoid yu da" uri nya: byumyu" yi we' ngei pyo: ago"» ga: jikhoin" khoin" wa.

ESAIA 40:2

Yerusalem byu yiri yoem: byid: we'. Nyangnu" kyi" khyeug kham zo: zigi gi" bye:. nyangnu" yooboo joem ri khyoid pyam byid: we'. Ngoo gi nyangnu" da" yooboo dangain" shid re" yooboo dam byeung" sho' nyangnu" ri byid: bye:» ga: tid da:.

ESAIA 40:6

Thui: dathui gi «Mungdang: ri tid fu" ge'» ga: nyho: da:. Ngoo gi «Ce: ja: mungdang: ri tid fu" wa la"» ein: myid. «Xangsu: byu dangain" gi myo, gam yo' du khyoo: ri tid fu" we'. Nyangnu" gi siyoo bain joem tho' myang" sho' ayo" myang" jo,.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

ESAIA 55:1

Aseing tid zigi «Gyid shid bang: yugkhang" moo" we' ri" ge' gyid hid: moo: jo,. Ngei ayoo" bang: we"- ri" ge'. Shivoo: qei wigi zoo: ge'. Ri" ge'. zabyid yhid: yo' nunoug" re" qei shug ge'. Hau: zigi nanu" shid re" ce: aphoug" aca" nghoid da:.

ESAIA 55:3

«Nga" byumyu" we"- akhid" tam" gyoo: ge' nga" jhang loo ge'. Nga" jhang loo we'. Nanu" kangso' yo" yu wa. Ngoo gi nanu" yo' dang: theing myang" sho' koid wa. David ri ngoo dangsoo" byid: to" da" mainkaid jeju joem ngoo nanu" ri byid: wa.

ESAIA 58:1

Aseing tid zigi «Nang yo" nyho: yhi' thui: zeing yo' nyhoo: we'. Nga" byumyu" Israela ri nyangnu" yooboo khyoo: ri tid kyoo" we'.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 2:2

Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.

EZEKIEL 47:9

Hau: gyid zoo: gyung: yau lo" da" joyoo khyi' khang" moo" moo gougnyhoug acang: joeb yo' wim: do' acang: joeb nyid loo wa. Hau: gyid zoo: gyung: gi xoo" thoem" mo gyid ri gyeing: nhang: wa. Hau: gyid yau lo" da" khyi' khang" moo" moo hau: zigi kangso' ri byid: wa.

XOIN" NGEI" 23:36

Hau: nyhed nyid" moo nanu" gi nyid" khang" nyid" zoo: noem xoin" ri shugbyid: wa zi nghoid. Shed nyid" ein: nyid" ri noku wa shid re" dalheing: doem zeing: foem: wigi zoo: noem xoin" ri shugbyid: wa zi nghoid. Hau: bidnyid gi noku wa shid re" nghoid wigi nanu" gi moo" age zei: wa zi nghoid.

XOIN" NGEI" 23:39

Nanu" yoo moo: bain yhoem" yu lang" lhammoo" nyhed khyab ein: khyab daxe: wim: nyid" ein: nyid" mo shid" lho: he: pui" ri nyhed nyid" byeung" sho' koid ge'. Xang: shi" nyid" gi gooki lid da" dougno: yu da" bidnyid nghoid.

MIKHA 6:9

Aseing ri gyoug phau" zigi phajhi" da" apoem: nyang: nghoid. Nyang: voomoo" ri tid zigi «Voomoo" khoug: moo zheung: foem nyid da" mung" byu yi tam" gyoo: ge'.

ZEKHARIA 9:15

Yoem: moo" bo da" Aseing Mangsoo gi nya: mung" byu yiri goem loem byid: nyid yoomo nyangnu" gi gyivoo joem ri yo" phyo' pyam' boem wa zi nghoid. Nyangnu" gi yhid: yed mo, yhang: ti" meing: zain: jang: moo nyho: lo wigi nyangnu" da" gyivoo joem da" suid" ri jarung: mo phoin: khyoo: foid sain" da" xoin" du: suid" yhang: ti" gyivoo joem da" suid" yau loo" wa nghoid.

GYUNG: SOO" 29:35

Shed nyid" ein: nyid" ri noku wa shid re" zeing: foem: nyid ge'. Moo" azei: goo".

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

MATHE 3:3

Lapi: Esaia tid da" dang: gi «dain" pyoid yoo moo nyho: da" thui: gi hau: Aseing khyoo: ri soin' nyheing too" ge' guid" da" khyoo: ri soin' nyheing koid ge'»› ga: wigi tid to" yug nyang: nghoid bye.

MATHE 5:6

«Mangsoo vho: da" khyoo: ri vho: ngei nyid mo, gi ngilho' boem wa. Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.

YOHAN 1:23

Yohan gi lapi: Esaia tid kyo" to" zi ' dakhyoo" ti"-- ngoo gi Aseing: ri" wa da" khyoo: ri dain: dain: nyheing ge' ga: dain" pyoid yoo moo nyho: nyid su: da" thui: nghoid ga: tid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

YOHAN 4:11

Hau: myiyi: gi ‹‹Aseing: we" gyid thung" gi gye no,- Aseing: nang gyid pung" we' aci:- nang khayo kangso' gyid se' yoo" wa lha".»

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

YOHAN 5:40

Nghoidloug we' nanu" gi apyaid' ato: kangso' yoo" sho' ga: nga" jhang khyoo: anau re" boem.

YOHAN 6:35

Yesu gi ngoo gi Kangso' zooyho' nghoid. Nga" jhang ri" su: gi Khanham we' zooyoid zi shau" loo wa anghoid. Ngoori loem" jeing" su: we' khanham we' gyid shed' zi shau" loo: wa anghoid ga: wigi tid.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

YOHAN 6:55

Nga" da" shoo" gi zoo: noem agyeing" nyang: nghoid bye. Nga" da" suid" we' shug phoo" agyeing" nyang: nghoid bye.

YOHAN 7:28

Yesu gi no ku" yhoem moo" moo tid zigi Nanu" ngoori se' boem go" la". Ngoo khayo, re" ziri we' se' boem bye. Nghoidloug we' ngoo gi ngoo nyang: vho: khyo" re" zi anghoid. Ngoori nhang: kaid su: gi deung main" ziyo' joeb byeung" su: nghoid. Hau: Aseing: ri nanu" gi ase' boem nghoid da.

1Korinthians 10:21

Nanu" gi hau: Aseing da" goem mo shoug lho: wigi- yu joem da" goem' mo doem ge shug wa zi anghoid. Hau: Aseing da": zoo: bui" mo we' yu joem da" zoo: bui" mo we' dage" age shoin" zoo.

1Korinthians 10:4

Nyangnu" gi nyangnu" yo' dage" so" lo da"- Venyi lung moo" boem' mo gyid ri shoug" shoug ago". Hau: Venyi: lung: moo" boem gi Khristu nyang: nghoid bye.

1Korinthians 11:25

Houg: yo' dakhyoo" ti"- myen" xoin: bain, zoo: lang"- goem ri we' yu wigi- he: da" goem gi nga" suid" yo' zhoug to" da" Mangso dang: thang cab, seig nghoid- he: ziri: shug khang" moo" nanu" ngoori: daboin: nyid wa shid re" hidsu" koid nyid ge" ga: tid.

1Korinthians 12:13

Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.

Ephesu 5:18

Yhid: ashug yed, nyid goo"- hau: zigi nanyang: ri lhu: phyo' shoin pyam wa zi nghoid nyid. Hau: gung khoo: venyi: yo' joeb byeung" nyid ge'.

Pang Shug 21:6

Hau: lho: nyang: doem, tid zigi Hau: gu: gi bain koid bye"- ngoo gi xang: shed" mo su: yo' thang: thang mo su- gam shid" shi: su: yo' gam thang: theing su: we' nghoid- gyid shed' su: ri hau" kangso' gyid ' bug moo shug gyid ri aphoug" amho, loo: za: ngoo byid: wa zi nghoid.

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.