YOHAN 7:30 - Lacid Common Language Bible

³⁰ Byu yi gi Yesu ri myheig tei" wa da" akhyoo" ri sho: nyid nghoid loug we' ayo, aju" shi" yoomo Yesu ri hang" lo, we' ayo" toin" shid' boem shi.

YOHAN 7:30 교차 참조

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

ESAIA 46:10

Bue" loo wa khyoo: ri xang: shi" mo ngoo Lapi: pe: to" wigi cibui wa ein: ziri goonham' mo tid shid" too" bye:. Ngoo soin to" da" moo" joem gi khanham we' asoem" pyam- ngoo koid wa myid soin' to" zi ja: khang" moo" ri ngoo koid su: nghoid ein: ngoo tid.

MATHE 12:14

Hau: thang ri Pharishe" zheung: thu' lo" wigi Yesu ri khasu" koid: said pyam wa khyoo: phajhi" khyoug" go" nyid boem.

MATHE 21:46

Houg: yoomo nyangnu" gi Yesu ri myheig tei" wa da" khyoo: sho: lo" nyid ago". Nghoidloug we' nyangnu" gi mung" byu yi ri gyoug boem ago". Khasu" wim gari Meing: byu yi gi Yesu ri Lapi: nghoid ga: loem" jeung" nyid boem yoomo nghoid.

MARKU 11:18

Hau: khyoo: ri khainjung agyi moo" yo' tarha" sara yi shaug" gyoo: lang" Yesu ri said pyam wa khyoo: sho: lo boem- Khasu" wim ga: ri mung" byu yi dangain" nyang jhoug" byid: da" khyoo: ri mau" nyid boem yoomo-nyang: ri gyoug ago".

LUKA 20:19

Tarha" sara: yi yo" khainjung agyi moo": yi gi nyangnu" ri yeing lho: he: da" dangtu' tid ziri se' gyoo: yoomo Yesu ri myab myheig pyam wa shid' re" yoem: kaid nyid boem bye. Nghoidloug we' ayang nu" gi byu phung: yi ri gyoug nyid ashi" go.

LUKA 22:53

Ngoo nyid" khang" moo"- No' ku" yhoem: moo" khoug: moo nanu" yo' dage" nyid da" uri nanu" gi ciwim ngoo riamyheig go" Nghoidloug we' he: da" ayo, gi nanu" da" ayo,- moug coid da" phung yoeb nghoeb ci: da" ayo, nghoid ga: tid.

YOHAN 10:31

Houg: lang" mung" byu yi gi Asing: ri du" wa da" luggo, doem koid: ci: boem bye.

YOHAN 10:39

Houg: lang" nyangnu" gi Yesu ri myheig wa zi doem yoem: kaid go" lo" boem bye. Nghoidloug we' Yesu gi nyangnu" jang" mo, gau" jang" phang: thu' lo" byug.

YOHAN 11:57

Khainjung agyi zoug: moo" yi yo"- Pharishe yi gi hang" nghoid loug Yesu nyid da" joyoo se' ri Nyang: ri yo" myheig tei" wa shid' re" lo tid kyoo" ca" ga: wigi amyeung" khyo, too" gu nghoid.

YOHAN 7:19

Moshe gi nanu" ri tarha" byid: to" anghoid goo" la". Nghoidloug nanu" dayug we' hau: tarha" ri acang boem. Nanu" gi ngoori said pyam wa shid' re" cikoid; sho: nyid go"- ga: myid.

YOHAN 7:32

Houg: su" Yesu da" khyoo: ri Meing: byu yi so' so' ga: doem go" nyid khyoo: ri Pharishe shau" gyo: boem. Houg: yoomo nyangnu" yo" khainjung agyi yi gi zung" lhug: nyid da" pyada: yi dayham" ri Yesu ri myheig wa shid' re" nhang: kaid boem.

YOHAN 7:6

Aseing Yesu nyangnu" ri doem tid zigi «Nga" ayo, aju" shi"- nanu" da" ayo, gi khanham we' ju" nyid.

YOHAN 7:8

Hau: da" pui" khyoo: nanu" dangain" mo, yhi: ge'. ngoo gi nga" ayo, aju" shi" yoomo yhi: wa zi anghoid» ga: wigi doem tid.

YOHAN 8:20

Yesu gi He: da" Mungdang: ri-no ku" yhoem: moo" khoug: Alu: kham: da" sadeig to" yab moo kho" kyo" jhoug" byid: uri tid da" mungdang: nghoid nyid. Nghoidsho' loug we' Yesu da" ayo, aju" shi" yoomo hang" we' Yesu ri amyheig atei" shi.

YOHAN 8:37

Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.

YOHAN 8:59

Houg: lang" nyangnu" gi Yesu ri du" wa ga: luggo, joem: ri koid: zei: ci: boem. Nghoidloug we' Yesu gi no ku" yhoem moo" khoug: mo gau" lheing thu' lo" byug.

YOHAN 9:4

Ngoori nhang: kaid su: da" moo" ri nyid" ayo nghoid shi" ri ngoonu" koid; wa zi nghoid. Hang" we ce" moo" we' ayo" zei: lo da" myen" ayo, gi ju" loo wa.