YOHAN 7:28 - Lacid Common Language Bible

²⁸ Yesu gi no ku" yhoem moo" moo tid zigi Nanu" ngoori se' boem go" la". Ngoo khayo, re" ziri we' se' boem bye. Nghoidloug we' ngoo gi ngoo nyang: vho: khyo" re" zi anghoid. Ngoori nhang: kaid su: gi deung main" ziyo' joeb byeung" su: nghoid. Hau: Aseing: ri nanu" gi ase' boem nghoid da.

YOHAN 7:28 교차 참조

COUNG" NGHEI 9:10

Aseing we" nang ri si bang: gi nang ri loem" jeung" loem khau: lo boem wa zi nghoid. nang gi re" jhang khyoo: tain" tab, loo bang: hang" ri we' alhoem: khaid pyam.

YEREMIA 31:34

Nyangnu" mo hang" dayug we' nyangnu" da" yhoem: kyoo" cang" yiri Aseing ri si' wa shid re" jhau" shid byid: aca" loo wa. Ciwim gari: nge thang yug mo gyi: thang yug ju" sho' dangain" bang: ngoo ri se' loo goo" wa. Nyangnu" yooboo joem ri ngoo khyoid pyam byid: wigi nyangnu" shoid da" lo, moo" joem ri khanham ngoo amyid boin: loo wa. Ngoo Aseing tid too" bye:.

HOSEA 4:1

Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

MATHE 2:23

Houg: su" wigi Yesu ri «Nazared phoo ga: myheing boem wa» ga: lapi: yi tid to" dang: gi byeung" loo bye.

MATHE 26:55

Hau: thang: ri Yesu gi hau byu phung: yi ri «nanu" gi khyang toug ri myheing yhangti"- ngoori myheig wa shid re" thung" keing: we' sham: lham: we dari" go" la". ngoo ginyid khang" moo" noku yhoem: moo" moo zhoung: jo, lho: jhau" mho' nyid da" uri nanu" ngoori ci: wim amyheig atei go.

LUKA 10:22

Nga" phoo gi ziyoo bain sho' ngoori ab byid: too" bye. Zooshang: kha: yug nghoid zigi Nya: phoo mo led: lho: gootu: hang" we' asi. Nya: phoo gi kha: yug nghoid zi we' nya: zoo: yo' nya: zoo:- khyen: yu lho: toin" shid noug su: mo lid: wigi hang" we' asi ga: tid.

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

LUKA 2:39

Nya: myhi' yo' nya: phoo gi Mangso da" tarha" dangain" ziri bain zei: kho' lho: Galile mung" mo Nazared voo ga: da" nyang: nya: mung" khyoo: doem lo" boem.

LUKA 2:4

Yoseb we nyang: loxo' wa ga: dang: myed: to" da" Mari yo" dage" Galile mung" Nazared voogung mo wigi Yuda mung" Bedlehem ga: da" David khokham" da" voogung khyoo: yhe: lo" ago". Mari gi zoo: khu: wa jen" jen" nghoid bye. Yoseb gi David khokham" da" nya: myid: nya: zoo: nghoid yoomo Bedlehem voogung khyoo: yhe: lo" zi nghoid.

LUKA 2:51

Hau: thang: ri zooshang: Yesu gi nya: yhed yo' nya: ba" tang: jang" moo cang lo" lho: Nazared voo moo ju" loo" lang" gi myhi, pho tang: da" dang: ri tam" gyo: nyid. Nya: myhi' Mari koem gi hid: su" bue" da" khyoo: dangain" ziri nya: nheigloem: moo xoem" to.

YOHAN 1:46

Nathanela gi Nazared voo mo zi gi daja: ja: thu' yu" la"» ga: myid. ‹‹Philib gi re" we' yu" we' ga: tid.»

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 12:49

Khasu" wim gari Ngoo gi ngoo nya: amyeing" khyo" kho" kyo" da" khyoo: anghoid. Ngoori nhang: kaid da" phoo Mangso da" amyeing" yo' dakhyoo" ti"-- kho" kyo" khyoo: danghoid.

YOHAN 14:10

Ngoo gi phoo moo nyid phoo we' ngoo moo nyid. Phoo nyid zi nang aloem" rhe. Ngoo tid da" dang: dangain" gi nga" da" dang: anghoid. Ngoo koid; da" moozoo" we' Ngoo yo" dage" nyid da" phoo Mangsoo: nyang: koid; da" moozoo" nghoid bye.

YOHAN 14:31

Nghoidloug we' ngoo gi phoo rijheddab nyid da" khyoo:- mougmyid gi si' ca" nyid. Ngoo gi phoo ri jheddab yoomo ngoori tid kyo" da" khyoo: dangain" ri ngoo cang pyeing bye. He: joyoo mo to' lho: ngoonu" thu' lo" boem loo: shang ga: tid.

YOHAN 16:3

Nyangnu" gi phoo ri ase' boem ngoori we' azheing: se' boem. Houg: yoomo hid: su" nanu" ri we' koid; lo boem wa.

YOHAN 17:25

Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 3:33

Nghoid loug we' nya: da" mungdang: ri kham: yu su: koem gi Mangsoo gideing main" su: nghoid khyoo: ri lhoem: kham: yu khyo" geing: teing nhang: su nghoid.

YOHAN 5:32

Nghoidloug we' nga" da" khyoo: sagsi: kham: su: dayug nyid. Nyang: nga" da" khyoo: sagsi: kham: da" zi gi deingmain" nyid zi ngoo se.

YOHAN 5:43

Ngoo gi Phoo Mangso da" zoug: myeing" zoug: thui: yo" juri" nghoid loug Nanu" gi ngoori alhoem: kham: yu boem. Gootu: dayug yug khyoo: nyang: nya: da" myid khyo" jure" nghoid rigi nanu" lhoem: kham: yu boem wa.

YOHAN 6:42

Nyangnu" tid da" zigi He: yug gi Yoseb da" nya: zoo: Yesu anghoid la". Nya: myhi' yo' nya: phoo ri ngoonu" se'- anghoid goo" la". Houg: su" nghoid ri ci: yoomo ngoo gi mougkhung: mo gyoo" lo ga: tid nyid lha"» ga: tid go" nyid boem.

YOHAN 7:14

Pui" koid; nyid da" bidnyid dago" yi" koo: led' lo" nyid lang" Yesu gi noku Yhoem: moo" moo vang yhe: lho: Tarha" kho" kyo" jhau" mhoo, byid: nyid.

YOHAN 8:14

Yesu phougtu" zigi ngoo nya: khyoo: ri ngoo sagsi: kham: nghoid loug we' nga" sagsi: dang: gi deung main" nyid. Khasu" wim ga: ri ngoo gi khayo, re" lho: kha: khyoo: doem yhe: lo" nyid zi ngoo se' nyid. Nanu" gi ngoo khayo, re" ziri we' kha: joyoo khyoo: doem yhe: lo" nyid ziri we' ase' boem.

YOHAN 8:16

Nghoid loug ngoo gyeing" nyang: dato' jeyang: dang: phyed' nghoid rigi ngoo dayug kyeing dang: phyed' zi anghoid. Ngoori nhang: kaid da" phoo Mangsoo gi ngoo yo" dage" nyid yoomo ngoo je: yang: dang: phyed' khyoo: gi deung main" nyid.

YOHAN 8:19

Houg: bang: gi Re" Phoo khayoo: nyid ga: myid: boem. ‹‹Nanu" gi ngoori we' nga" Phoo ri we' ase' boem. gyeing" nyang: nanu" ngoori se' nghoid rigi nga" phoo ri we' si' goo" zi nghoid ga: doem sho' kyoo.»

YOHAN 8:26

Nanu" da" khyoo: yo" sen: lho: ngoo tid kyoo" ca" da" khyoo: soo" soo" bo. Nanu" ri yooboo foin: wa khyoo: we' myoo" sho' bo. Ngoori nhang: kaid da" Aseing: gi dang main" da" Aseing: danghoid. Hau: Aseing: jang" mo ngoo shau" gyo: da" khyoo: ri za: he: mougmyid byu yi ri ngoo tid kyo.

YOHAN 8:42

Yesu nyangnu" ri doem tid zigi Mangsoo gi nanu" da" nya: phoo gyeing" nghoid rigi nanu" ngoori jheddab goo" wa. Khasu" wimgari ngoo gi Mangso jang" mo gyoo" lo lho: akhid" hid: moo re" ju" nyid. Ngoo nyang: vho: khyo" re" zi anghoid. Phoo Mangsoo gi ngoori nhang: kaid.

YOHAN 9:29

Mangsoo gi Moshe ri dang: tid byid: zi ngoonu" se' nghoid loug - He: yug gi khayo thu' lo zi ngoonu" asi ga: tid boem.

ACTS 17:23

Khasu" wim gari ngoo nanu" da" voogung khoug: moo so" yen" ri nanu" da" coung" pid' joyoo joem ri cang yu" yen" ri" Ngoonu" ase' da" Mangso shid mo, , ga: lhid" tab to" da" phoin: daloem: ri ngoo myang. Hau: nanu" asi looza: noku nyid da" Mangso khyoo: ri akhid" ngoo tid khyo" nyid zi nghoid.

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

Roma 3:4

Gyeing" ga: rigi houg: su" ayo" tid. Byu yug khang" moo" mhoug nghoid loug we' - Mangsoo: gi deingmain" wa zi nghoid. Jhoem: mungdang: moo- nang tid to" dang: gi deing byeung" loo wa. Tarha" dang: phyed nyid" ri nang za: oung: loo" wa.- ga: lhid" to" ziyo' dakhyoo" ti" nghoid.

2~KORINTHU 1:18

Gyeung" nyang: Mangsoo gi deungmain" khyoo: ri tid nyid ziyo' dakhyoo" ti"- ngoo nanu" ri byid: da" dang: theung khoin" we'-nghoid zi' anghoid zi lhu: lheug da" dang: bya: gi anghoid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

HEBRE 6:18

Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

1YOHAN 5:10

Houg: su" nghoid yoomo Mangso nya: zoo: ri loem" jeing" bang: hang" Nghoid loug we' he: da" sagsi: kham, dang: ri nya: nheugloem: ung: khoug: moo xoem" to. Nghoid loug mangsoo ri aloem" ajeung" bang: hang" nghoid loug we' nya: zo: khyoo: mangsoo nyang: sag si: kham, byid: ziri aloem" jeing" yoomo Mangsoo gi mhoug su nghoid ga: jho: boem ago".

1 SAMUELA 2:12

Eli da" nya: zoo: yigi akhyeing" ashoeb boem nghoid da:. Nyangnu" gi Aseing ri we' cishu: anhang: nghoid boem wigi