YOHAN 6:40 - Lacid Common Language Bible

⁴⁰ Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

YOHAN 6:40 교차 참조

ESAIA 52:10

Aseing gi nya: gyeung" shang: yoem: so' ri ci: wa. Nyang: gi nya: byu yiri khyoid yu wigi Mougmyid byu xangsu: dangain" gi hau: ziri myang boem wa.

ESAIA 53:2

Nya: dei zoo: gi kyug hei' da" myidgung moo agyi: cen' da" agam yo' dakhyoo" ti" nghoid wa ziri Aseing da" myid vho: khyoo: nghoid. Nyang: gi ngoonu" wigi yu" xoem" wa da" langi: yo' yung" gyeing" avoid ayoo" nghoid da:. Nyang: ri yu" nheig dab pho" zi ci: aboo. Ngoonu" ri nya: jhang she: yu wa ci: aboo nghoid da:.

GYUNG: SOO" 21:9

Houg: yoomo Moshe gi gyid: mid" lhangmyu koid wigi zeing phyoo" moo hau: ziri tab too" bye:. Lhangmyu thei" byid: da" yugkhang" moo" hau: gyid: mid" lhangmyu lhoo: ri yu" wigi ge lo" boem ago".

MATHE 10:15

Ngoo jhug" jhug tid ba- Tarha" dang: kho' da" bidnyid ri Sodom yo" Gomora voogoung tho' moo je kham: zoo: youg goo" wa.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

MARKU 16:16

Loem" jeung" lho:- Babtisma kham: su: hang" nghoid loug we' khyoid yu zi shau" goo" wa nghoid loug aloem" ajeung" su: gi hang" we' tarha" dang: phyed zi shug goo" wa.

LUKA 2:30

Tungbau Byumyu" yi ri Aseing: vho: da" khyoo: yo" toin" shid wa yoeb bang bui" nhang: wa ziyo'-

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 10:28

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 11:24

Marhta gi Mougmyid thang lo" da" bidnyid ri nyang: doem dei to'' loo wa ziri ngoo se' ga: tid.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

YOHAN 12:45

Ngoori myang su: gi ngoori za: anghoid. Ngoori nhang: kaid da" Aseing: ri we' myang zi nghoid bye.

YOHAN 12:50

Phoo Mangso da" amyeing" zeing: gi Apyaid' ato: da" kangso' yo" byid: da" zi ngoo se. Houg: yoomo ngoo kho" kyo" da" khyoo: dangain" gi pho da" amyeing" yo' dakhyoo" ti"- za: date: tid zi nghoid.

YOHAN 14:17

Hau: da" Aseing: gi Mangso da" deung main" khyoo: ri toin" shid' wa da" Venyi: nghoid. Mougmyid gi hau: Venyi: ri myang we' amyang- si' we' asi yoomo ayo" kham: yu boem. Nghoidloug we' Hau: Venyi gi nanu" yo" dage" nyid lho: nanu" da" khoug: moo loung" jo.Hau: Aseing: ri nanu" se' boem bye.

YOHAN 14:19

Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

YOHAN 5:24

Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 6:39

Ngoori nhang: kaid da" Aseing: vho: da" khyoo: gi nyang: ab byid: to" da" xangsu: byu yi bain sho' gi dayug we' asoem" joem: loo" sho' lo" thang da" bidnyid rishid: jang" mo- Ngoo doem dei to'' loo nhang: wa khyoo: nghoid.

YOHAN 6:44

Ngoori nhang: kaid da" phoo Mangso wigi amhoid" shu" lo rigi hang" we' nga" jang" moo ayo" loo. Nga" jhang ju" loo su: ri ngoo gi lo" thang da" bidnyid moo shid: jang" mo doem dei to'' loo nhang: wa.

YOHAN 6:54

Nga" da shoo" rizo: lho: nga" da suid" ri shug su: gi-apyaid ato: kang: so' yoo" bye. Ngoo we lo" thang da bidnyid moo-hau: yug ri shid: jo, jang" mo doem dei loo nhang: wa.

YOHAN 8:56

Nanu" da" nya: phoo Abraham gi ngoo ju" ri" wa da" ayo, ri shau" myang wa ziri myed nyid. Hau: ziri nyang: shau" myang yoomo tid loo a ung: gau yi nyid bye.

Roma 5:21

Yooboo gi byu ri yo" shid nhang: da" dangkang: nghoid ziyo' dakhyoo" ti" ngoonu" Aseing Yesu Khristu khyo" wigi Mangso: da" jeju" akhyoo" again gi ngoonu" ri apyaid' ato: kangso' khyoo: shu" yhe: lo" lho: deingbyeing" mo yo" bue" loo nhang: da" dangkang: nghoid.

Roma 6:23

Yooboo da aphoug" gi shid: lo" khyoo: nghoid. Nghoidloug we' Mangsoo: da" phoug" asang: jeju" jhungshug koem' gi - ngoonu" da Aseing Yesu Khristu yo" dadeing: daloem khoug mo yo" da" apyaid' ato: kangso' nghoid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

HEBRE 11:1

Loem" jeung" khyoo: ein: zigi ngoonu" nheig byu to" da" zi joem ri gyeing" nyang: bue" loo wa" ein: da" khyoo: ri nheig shid: nheig deug nyid ziyo' amyang yu" shi" da" zi joem ri gyeing" nyang: jo, bye" ein: se' gyo: loem" yu khyoo: ri loem" jeung" khyoo: ga: zi nghoid.

HEBRE 11:27

Loem" jeung" ziyo' Moshe gi Khokham" phoo nheig yoo: wa ziri agyug loo: za: Egutu meing: mo thu lo" abye:- Nyang: gi myojid" yo' amyang da" Mangsoo ri myang yhang: ti" nyang- Egutu meing: khyoo: doem tau" loo" khyoo: ri ngeug pyam bye.

1PETERU 1:8

Nanu" gi Khristu ri amyang yu" boem nghoid loug we' jheddab nyid-akhuid" amyang shi" nghoid loug we' nanu" gi Aseing: ri loem" jeung" nyid bye- hougsu" nghoid yoomo nanu" gi nhoid, yo' tid loo, a-oung: loo: sho' gau yi ngei pyo: ziyo' ngei pyo: nyid boem bye.

1YOHAN 2:25

He: khyoo: gi Khristu nyang: ngoonu" ri dang: soo" khoin" byid: too" khare" da" atoo: moo kang: so' ri yo" yu khyoo: nyang: nghoid bye.

YUDA 1:21

Mangso da" jheddab khoug: moo daloung" jo, ge'- Hougsu" Aseing Yesu Khristu gi-nya: nheig khyeig shoo" myen: da" khoug: moo nanu" ri byid: wa da" apyaid' ato: kangso' ri dalang" nyid ge'.