YOHAN 6:2 - Lacid Common Language Bible

² Noo phyoo" shau" nyid da" byu yi ri ge loo" nhang: ziri zheing: myang boem yoomo byu phung: moo" gi thang: moo cang lo nyid boem.

YOHAN 6:2 교차 참조

MATHE 12:15

Nyang: ri said pyam wa phajhi" khyau" nyid ziri Yesu se' wigi joyoo gootu: khyoo: lo" ri Byu ajoem' ayo mo, gi nya: thang: moo cang lo ago". Yesu gi nyangnu" mo noophyoo" shau" mo, dangain" ri ze: ge pyam byid: bye.

MATHE 13:2

Hau: uri gye" myo: da" byu phung: moo" zeing gi houg: lang" Aseing ri lheing khoem phoung foem: loo yoomo nyang: gi lhid' khoug: moo yhe: vang zhoung: jo. Hau: byu phung: moo" gi gyid nung" yam moo yab jo, ago".

MATHE 14:14

Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.

MATHE 8:1

Akhid" hau: boem tho' mo doem gyoo" loo lang" Byu ajoem ayoo nya: thang: moo cang lo boem.

MARKU 1:45

Nghoid loug we' nyang gi thu' yhe: lo" wigi hau: khyoo" ri yoem: kaid tid kyo" ziyo' ludang: ri fu" nheung kaid bye. Houg yoomo Yesu gi voo khyoug: khyoo: di: di: age vang yhe: shug wigi vooyam vooqei; moo nyang: kyeing" nyid da-_ khyi khang" moo" mo mung" byu yi gi nya: jang" moo re: lo boem ago".

MARKU 6:33

Nhgoid loug we' mung" byu yi myoo" sho' mo, gi nyangnu" thu' yhe: lo" boem ziri cang myang kaid ziyo' nyangnu" hang" nghoid ziri se' yu" kaid lang" voo khang" moo" mo mung" byu yi gyidyam khyo" gei yhe: lo" wigi Yesu yo' nya: cang: zoo: yi da" shid moo ju" nyid lang" boem bye.

YOHAN 11:47

Houg: su" nghoid yoomo khainjung agyi moo" yi yo"- Pharishe yi gi Yuda zoug: yi da" kongsi: zoeb phung: khe lho: Yu" ge, he: yug gi mau" pho" moozoo" myoo: zei: shug nyid bye. Ngoonu" khasu" koid' boem wa lha".

YOHAN 12:18

Hau khyoo: ri shaug" gyoo: boem yoomo shaug" gyoo: mo, dangain" gi Yesu ri tau yu wa ga: jure" boem da" zi nghoid.

YOHAN 12:37

Nyangnu" da" shid' khoin" moo mau" pho" moozoo"- myoo" sho' zei: shug nghoid loug we' nyangnu" gi Yesu ri aloem" jeing" boem.

YOHAN 2:11

Yesu gi he: xang shid" mau" pho" alhoo: again ri Galile mung" Khana voo moo koid shug zoo" re" nya: myonhoo: phung" yoeb ri toin" shid. Houg: yoomo nya: da" cangzoo: yi gi nyang: ri loem" jeing" loem: khau lo boem.

YOHAN 2:23

Yerusalem voo moo koid; da" lhed: kaid pui" moo Yesu zei: shug da" mau" pho" moo" ri zheung: shau" myang boem yoomo Byu myoo" sho' gi nyang: ri loem" jeing" vang lo boem.

YOHAN 20:30

Yesu gi he: da" mougsoug" moo abo lhid" to" da" mau" pho" alhoo: again myoo" sho' ri nya: cangzoo: yi da" Shid khoin" moo toin" shid bye.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 6:14

Hid: su" Yesu zei: shug da" mau" pho" moozoo" ri myang mo, gi He: yug gi moug myid moo gyoo" loo wa ga: da" Lapi: amain" yang: nghoid bye ga: tid boem.

YOHAN 6:22

Thang: nyid ri gyid thoem" thei: tab' moo deing nyid kho' da" Byu phung: moo" yi gi hau: joyoo moo lhid' dakhyab kyeing" date: jo, ziri myid boin: ago". Hau: da" lhid' moo Aseing Yesu abo loo loo: za: Cangzoo: yi boug" zhoung: lo" zi boin: so" boem.

YOHAN 6:26

Aseing Yesu gi deing" deing ngoo nanu" ri tid ba- Nanu" ngoori cang sho: da" khyoo: gi Ngoo koid; shug da" mau" pho" moozoo" ri se' gyoo: yoomo anghoid. Voem: ri gyi" sho' shug zoo: yoomo danghoid ago".

YOHAN 6:30

Houg: bang: gi Yesu ri ngoonu" yo" loem" jeing" loo wa shid' re" Ce: noem da" mau" pho" moo" ri pya shug wa lha". Aseing: ce: moo" ri nang zei: shug wa lha".