YOHAN 5:44 - Lacid Common Language Bible

⁴⁴ Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

YOHAN 5:44 교차 참조

2 KHOKHAM MHOOMYID: 6:8

Nghoid loug we' Aseing gi nyang: ri ‹Nang nga" shid re" Noku Yhoem: Moo" koid wa ziri vho: ngei nyid zigi jo, da:.

YEREMIA 13:23

Etiopi byu dayug gi nya: shooyid avoid ri yo" thid pyam wa la". Anghoid lang" zooloo: gi nya: gung mo atug atuang ziri yo" byug nhang: wa la". Hau: ziri yo" koid nghoid rigi akhyeing" zi mo lid: wigi ci: ase' koid da" nanu" ri jo ziri koid wa shid re" yo" jhau" yu boem wa.

MATHE 23:5

Nyangnu" koid: da" moozoo" dangain" gi mung" byu shid khoin" moo za: te: koid: shug boem. Nyang: nya: da" ngeilang: yo" lo, pu, moo tab ci: da" jhoem: dang: dab, du da" shooyid yho' ri je gyi: sho' koid: lho: void ci: boem ago". Byi: sheing: bain: byug thang: we' sheing" sheing: coeb' void to" ago".

LUKA 19:17

Nyang: tid zigi-shoeb' su: we"- nang gi join, gi dayug nghoid. Nge da" moo" moo deungmain" yoomo nang ri voo zeing daxi: voo moo vhoeb nhang: wa ga: tid.

YOHAN 12:43

Nyangnu" gi byu yi coung" byid: wa ziri Mangso coung" byid: wa tho' moo je vho: ngei nyid ago".

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 3:20

Akhyeing" ashoeb moo" zei mo, gi bidbang ri ngheing" boem yoomo bidbang khyoo ari" nghoid boem wigi nyang: nya: akhyeing" ashoeb da" moozoo" bang thu' loo wa ziri avhoo: nghoid ago" gyoug yoomo - bidbang nam, moo avoem" tain" ri.

YOHAN 5:41

Ngoo gi byu yi wi coung" byid: wa shid' re" sho: yen" zi anghoid.

YOHAN 8:43

Ngoo tid ziri nanu" ci: wim ase' gyoo: go. Nanu" moo nga" da" mungdang: ri gyo: yu wa nheigloem: nyang: aboo yoomo nghoid boem ago".

Roma 2:10

Xang: shid" ri Yuda byumyu" yi houg yo" dakhyoo" ti" tungbau byumyu" dangain" mo yo' ge da" moo" zei: mo rigi - myonhoo: ngeilang: we' - myenjham" ngeipyo: khyoo: we' - kham: zoo: nhang: wa zi nghoid.

Roma 2:29

Gyeing" da" Yuda koem' gi - nheigloem: khoug; mo sho" yid thang: yham" ci: su: nghoid nyid. Hau yug ri Yuda byumyu" bue" loo nhang: da" zigi - lhid" to" da" tarha" khyo" anghoid - Hau yug gi byu yi wi coung" nghei byid: zi shau" su: anghoid. Mangso: wigi coung" nghei" too" su danghoid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

2~KORINTHU 10:18

Khasu" wim gari deungmain" da" myonhoo: ngeilang: shau" kham: yu su: gi nyang: nya: gung ri nyang:- tu: to' coung" byid: su: anghoid. Mangsoo wigi tu: to coung" nghei, byid: zi shau" su: nghoid nyid.

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

1THESALONI 2:6

Ngoonu" gi sube" wigicoung" nghei byid: da" khyoo:- nanu" jang" mo, we' goo" tu: byu yi jang" mo we' yo" yu sho' yoem: kaid' nyid zi anghoid.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

HEBRE 3:12

Loem" jeung" nyid da" mang: nhung" yi we"- dei nyid da" Mangso jang" mo vhang: lam" loo" sho'-akhyeing" ashoeb da" loem, shoid nheigloem: boo da" byu- nanu" moo dayug we' aboo loo: sho' zed" nyid ge'.

YAKU 2:1

Nga: mang nhung" yi we"- nanu" gi ngoonu" da" myonhoo: phung" yoeb, da" Aseing Yesu Khristu ri loem khau: loem" jeing" mo, nghoid ziyo' dakhyoo" ti"- byu ri myonhoo: akhyen: goo.

1PETERU 1:7

Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

1 SAMUELA 15:30

Xo' lho: Sholu gi «Ngoo yooboo koid bye:. Nghoid loug we' nga" byumyu" yi da" vhujhung: yi yo' Israela byumyu" yi dangain" bang: da" shidkhoin" moo ngoo ri phau" myang: khyoo: khyalang" gi ci: shug shi" we'. Re" Aseing Mangsoo ri we' ngoo yo" noku baja" ngoo yo' dage" loo" shang» ga: doem phug tid da:.

1 SAMUELA 2:30

Ngoo Israela byumyu" yi da" Aseing Mangsoo gi lid loo bye: da" ayo, moo re" ikoin deungkhu: yo' re" akung: ako' yiri khainjung moo" zoo" khyo" wigi pyaid goin" ngoo ri dei byid: wa shid re" dangsoo" to" too" bye: zi nghoid. Nghoid loug we' hau: zi khanham we' deing loo zi anghoid ein: ngoo tid. Hau: da" gungthid ngoo ri phau" myang: mo, ri ngoo we' phau" myang: wa zi nghoid. Ngoo ri anoug akhyoid koid mo, rigi ngoo we' anoug akhyoid koid wa zi nghoid.