YOHAN 5:39 - Lacid Common Language Bible

³⁹ Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

YOHAN 5:39 교차 참조

COUNG" NGHEI 1:2

Hau: tho' moo: agoo" Aseing da" tarha" ri goug goug yi yi tam" gyo: wigi hau: tarha" ri nyid" ri myen" ri phoid: sho: yu" nyid mo, gi ngei pyo: khyoo: yo" yu boem.

COUNG" NGHEI 119:11

Ngoo gi re" da" tarha" ri nga" nheigloem: ung: khoug: moo kaid to" khyoo: gi nang ri ngoo yooboo azang" koid wa shid re" nghoid.

COUNG" NGHEI 133:3

Hau: lho: hermon boem tho' moo: gyo" da" gyu: gi Ziun boem tho' moo: khyo' da" gyu: yo' dakhyoo" ti" nghoid. Aseing gi hau: joyoo moo khanham we' athang agoin da" kangso' mainkaid jeju" byid: wa ga: dangsoo" byid: too" bye:.

COUNG" NGHEI 16:11

Nang gi ngoo ri kangso' dei wa da" khyoo" moo toin" shed byid: wa nghoid. Nang gi nga" da" nam, moo: nyid yoomo ngoo gi gau yi ngei pyo: ziyo' apyaid atoo: moo: myenjham" nheugdeug nhang: nyid bye:.

COUNG" NGHEI 21:4

Nyang: gi kangso' ri mho' yoomo nang gi nyang: ri sheung: da" jang: kham: kangso' jhung" xi" ri byid: bye:.

COUNG" NGHEI 36:9

Nang ri gi kangso' dangain" da- ajhung: nyang: nghoid bye: Re" bidbang yoomo ngoonu" bidbang ri shau" myang boem bye:.

DANG: ZHOEM 6:23

Nyang: tang: da" khyoo: shed dang: joem gi bang da" bidbang nghoid- nyang: tang: da" tid nyheung tid feung khyoo: joem gi nang khasu" nyid yab yhe: loo" wa khyoo" ri jhau" byid: nyid.

ESAIA 34:16

Aseing da" mougsoug" pug moo sho: yu" lho: citid to" ziri nghab yu' ge'. Hau gougnyhoug joem mo dadu: we' abyug wa. Byencang" abo zi dadu: we' aboo wa. Aseing gi hougsu" nghoid wa amyeing" khyo' to" bye:. Nyang: nyang: hau joem ri dage" zheing" yu wa.

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

YEREMIA 8:9

Nanu" da" phajhi' boo bang: gi sho' phu" ago". Nyangnu" gi nheig coid nuyug bue" wigi khyoo: lung" lung" ago". Nyangnu" gi nga" mungdang: ri ngeug pyam ago". Akhid" nyangnu" ce: phajhi' yo" ashi" go" la.

DANIELA 12:2

Shid: loo" bye: da" bang: mo myoo" sho' bang: gi doem dei to' loo goo" wa. Dayham" gi ngei pyoo: tung" apyaid ato: kangso' yo" yu boem wa. Houg: lho: dayham" bang: gu gi yau: khi" yo' wigi apyaid atoo: da" jeju" ashau" kham zoo: wa.

MATHE 22:29

Yesu nyangnu" ri «nanu" gi jhoem: dang: yo" Mangso yoem: so' ri ase' gyo: boem. houg: su" nghoid yoomo myid shoid nyid abye: go.

MARKU 10:3

Houg: lang" Yesu gi nyangnu" ri-nanu" ri Moshe gi khasu" ga" da tarha" byid: to" lha"» ga: doemtau" myid.

MARKU 12:10

Hougsu" wigi yhoem: zhug mo, khyen: khyo, pyam da" lug zeing gi dangain" tho' mo je" yhang: gyid: thang da" yhoem: jhoin: lug zeing bue" loo bye.

LUKA 16:29

Abraham gi re" nhoung" ri tid poin" wa shid' re" Moshe yo" lapi: yi nyid bye. Houg: bang: da" dang: ri tam" gyoo: goo" baja" ga: tid poin" bye.

LUKA 16:31

Abraham gi nyangnu" Moshe yo" lapi: yi da" dang: atam" gyo: nghoid rigi gyeing" nyang: shid: bye: jang" mo byu dayug yug doem dei to'' loo nghoid loug we' nyangnu" gi loem" jeing" wa zi anghoid ga: wigi tid.

LUKA 24:25

Houg: lang" Yesu tid zigi lapi: yi kho" kyo" to" da" dang: dangain" ri loem" jeing" wa shid' re" gye" thang: gyo" nyid shi" da" anya, yi we"-

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

YOHAN 1:45

Philib gi Nathanela ri myang lang" Moshe da" tarha" pug moo nghoid loug- Lapi: yi da" Jhoem: mungdang: moo nghoid loug- lhid" shed' too" su: ri ngoonu" myang bye. Hau: yug gi Yoseb da" nya: zoo:- Nazared mo Yesu nghoid ga: tid.

YOHAN 5:32

Nghoidloug we' nga" da" khyoo: sagsi: kham: su: dayug nyid. Nyang: nga" da" khyoo: sagsi: kham: da" zi gi deingmain" nyid zi ngoo se.

YOHAN 5:36

Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid.

YOHAN 5:40

Nghoidloug we' nanu" gi apyaid' ato: kangso' yoo" sho' ga: nga" jhang khyoo: anau re" boem.

YOHAN 5:46

Moshe gi nga" da" khyoo: ri lhid" toin" shid' su: nghoid. Houg: yoomo Moshe ri nanu" loem" jeing" lang" gi Ngoori we' loem" jeing" goo" zi nghoid.

YOHAN 7:52

Houg: bang: gi «Nang we' Galile mung" mo byu nghoid la". Jhoem: mungdang: moo nghab' yu" we' Galile mung" mo ce: lapi: dayug we' athu' lo yu" zigi nang si' ca"» ga: tid boem.

ACTS 13:27

Yerusalem voomoo" moo nyid mo, yo' nyangnu" da" vhu jhung: yi gi Yesu gi khyoid yu Aseing: nghoid ziri ase' boem- Dougno: Bidnyid khang" moo" nyangnu" nghab da" lapi: yi da" jhoem: dang: joem ri we' nyangnu" gi ase' gyoo: nghoid ago- Nghoid loug we' nyangnu" gi Yesu ri dang: phyed' byid: khyo" lapi: yi da" jhoem: dang: ri - joeb byeung" loo nhang: mo, nghoid boem ago".

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

ACTS 26:27

Khokham" Agripa we" - Lapi: yi da" jhoem: mungdang: ri nang loem" jeung" la". Nang loem" jeung" nyid ziri ngoo se- ga: tid.

Roma 1:2

Goonham' mo Mangsoo: gi nyada" lapi: yi khyo" hau: ngei bu lu dang: ri kyo" kaid' wa ga: dang: soo" to" zi yo" dakhyoo" gyeungshang: jhoem: mungdang: moo lhid" to".

Roma 3:2

Akyu" gi shoid' khang" moo" bo. Xang: shid" mo yuda byumyu" yigi Mangso: da" mungdang: ri loem" khou boem.

TARHA" TID POIN" 18:15

Hau: gungthid nyang: gi ngoo yhang: te" lapi: dayug ri nanu" nya: byu yi mo nhang: kaid byid: loo wa. Houg: lho: nanu" gi nya: dang: tam" gyoo: byid: ca" wa.

TARHA" TID POIN" 18:18

Ngoo gi nang yhang: te" da" lapi: dayug ri nyangnu" nya: byumyu" yi khoug: mo nyangnu" jhang nhang: kaid byid: wa. Ngoo gi nyang: ri citid wa ein: ziri tid kyo" wigi nyang: gi ngoo amyeing" byid: zi ja: khang" moo" byumyu" yiri xo tid kyo" loo wa.

TARHA" TID POIN" 29:29

«Ngoonu" da" Aseing Mangso nyhoem" shoung: to" zi dayham" jo,. Nghoid loug we' nyang: gi nya: tarha" joem ri ci: shug bye:. Houg: lho: ngoonu" yo' ngoonu" da" amyed ashen yigi hau: ziri apyaid atoo: moo tam" gyo: cang yhe: nyid ca" da:.

TARHA" TID POIN" 32:47

He: jhau" shid dang: gi dang: kang: abo zi anghoid. Hid: joem gi nanu" kangso' nyang: nghoid da:. Hau: joem ri tam" gyo: cang yhe: nghoid rigi Yodan gyid lang thei: tab mo nanu" yhe: seing: yu wa za: danghoid lo da" mung" moo nanu" myang" sho' yo" dei nyid boem goo" wa» ga: tid.

KOLOSE 3:16

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'.

HEBRE 11:16

Akhid" koem gi hau: tho' mo je" pyo: da" moug: khung: moug di mo voogung mungdain ri nheig nge nyid boem- houg: su" nghoid yoomo Mangsoo gi nyangnu" da" Mangsoo ein: wa ziri sho: nyid zi anghoid. Khasu" wim gari Mangsoo gi nyangnu" nyid wa da" joyoo daloem: ri nyheung too" byid bye.

HEBRE 11:35

Myi: yi yi we' loem" jeung" ziyo' shid: byug bye: ngoonu" da" bidnoem yi ri doem, dei to'' loo nhang: khyoo: ri doem, yo" yu boem bye. Byu dayham" gi nyangnu" ri lhoid pyoin kaid wa ga: da" amyeing" akhang" ri atam" gyoo: loo: za: je" ge, thang da" kangso' dei khyoo: khyoo: dei to'' lho: yo" vang loo" wa shid re" shen" yhen khyoo: kham' zo: lho: shid: lo" boem bye.

YOSHU 1:8

He: tarha" mougsoug" pug gi nanu" noku koid khang" moo" nghab ca" ziri boin: nyid ge'. Nyid" ri myen" ri hau: ziri zhang: yu ge'. Hougmoo: lhid" to" zi ja: khang" moo" ri nanu" cang wa khyo" koid ge'. Houg: lang" nanu" nyid gi yab ge lho: oung: doid lo boem goo" wa.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.