YOHAN 5:24 - Lacid Common Language Bible

²⁴ Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye.

YOHAN 5:24 교차 참조

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

MARKU 16:16

Loem" jeung" lho:- Babtisma kham: su: hang" nghoid loug we' khyoid yu zi shau" goo" wa nghoid loug aloem" ajeung" su: gi hang" we' tarha" dang: phyed zi shug goo" wa.

YOHAN 11:26

Ngoori loem" jeing" lho: akhid" dei nyid shi" mo, we' khanham we' shid: wa zi anghoid. He: ziri nang aloem" la"» ga: myid.

YOHAN 12:44

Yesu phougtu" da" zigi ngoori loem" jeing" su: gi ngoori za: anghoid. Ngoori nhang: kaid da" yug ri we' bo loem" jeing" su: nghoid.

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

YOHAN 3:16

Khasu" wim gari Mangso da" nya: zoo: ri loem" jeing" bang: hang" nghoid loug we' ashid: loo za. Apyaid ato: kangso' yo" yu baja" ga: Mangsoo gi nya: zooti" zoo: ri byid: pyam jang moo ju" sho' Mougmyid xangsu: byu yi ri jheddab nyid.

YOHAN 3:18

Nya: zoo: ri loem" jeing" mo, hang" nghoid loug we' Tarha" dang: phyed' zi ashug" loo. Aloem" jeing" mo, koem gi Mang" so da" zooti" zoo: ri aloem" jeing" yoomo akhid" lang" tarha" dang: phyed zi shau" nyid.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

YOHAN 4:36

Gug yham" mo, gi aphoug" ri shau" yu lho: Apyaid ato: kangso' yo" sen: da" amyoug: ashi" ri yo" yham" yu boem wa. Houg: yoomo shoo" su: yo" yham" su: gi dage" za: gau yi boem wa zi nghoid.

YOHAN 6:40

Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

YOHAN 6:47

Deing" deing nanu" ri ngoo tid zigi ngoori loem: jeing" su: gi apyaid' ato: kangso' yo.

YOHAN 6:50

He; da" zoo: yho' koem gi mougkhung: khyo" gyo" da" zoo: yho' nghoid yoomo hau: ziri shau" zoo: su: gi shid: loo" zi anghoid.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

YOHAN 6:58

Houg" su" wigi he: da" zoo yho' gi mougkhung: khyo" gyoo" lo da" zoo: yho' nghoid. Nanu" da" nya: phoug" nya: phyid" yi zo: lho: shid lo" zoo: yho' ti anghoid he zooyho' ri zoo: su: gi khanham we' dadei nyid wa ga: tid.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

Roma 8:1

Hougsu" yoomo Khristu Yesu dadeing: za: nyid mo gi tarha" dang: phyed' khyoo: aboo loo.

1THESALONI 5:9

Mangsoo gi nya: nheig khoo" yo" da" khyoo: ri kham, zoo: wa shid re" nyhang" ri khyen: yu t o" zi anghoid- Aseing Yesu Khyo" wigi khyoid yu da" khyoo: ri yo" seung: yu wa shid re" khyen: yu to" zi nghoid.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

1YOHAN 3:14

Ngoonu" gi mang nhung" yi ri jheddab nyid bye yoomo ngoonu" gi shid: jo, jang" mo dei nyid shoid khyoo: yo" rhue, lid loo" bye: ziri ngoonu" se' boem bye nya: mang nya: nhung" ri ase' jheddab su: gi hau: shid: lo" da" yoem: so' khoug: moo danyid nyid shi" su nghoid.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.