YOHAN 5:22 - Lacid Common Language Bible

²² Nya: phoo gi hang" ri we' Tarha" dang: aphyed'- Nya: zoo: ri tarha" dang: phyed' wa zoug: myeing" dangain" byid: too" bye.

YOHAN 5:22 교차 참조

COUNG" NGHEI 96:13

Nyang: gi mougmyid tho' mo byumyu" yiri nyeung veung" tarha" yo' gam mi gam shoo" yi vhoebkhang" nyid wa zi nghoid.

COUNG" NGHEI 98:9

Khasu" wim ga: ri nyang: gi byumyu" dangain" bang: ri nyeung veung" ziyo' gam mi gam shoo" yi vhoebkhang" nyid wa zi nghoid.

PHAJHI" DANG: 11:9

Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

PHAJHI" DANG: 12:14

Mangsoo gi nanu" koid zi ja: khang" moo" ri ge zi nghoid nghoid age zi nghoid nghoid zheig zoo: khau" koid da" moo" joem rilang" dang: phyed byid: loo wa.

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 3:35

Nya phoo gi nya: zoo: ri jheddab yoomo nya: yoem: vhoo" bain sho' nya: zoo: ri ab byid: to.

YOHAN 5:27

Nyang: gi byu da" nya: zoo: nghoid yoomo nyang: gi nya: zoo: ri tarha" dang: yo" phyed' da" zoug: myeing" ab byid: too" bye.

YOHAN 9:39

Aseing Yesu gi-myo, amyang mo, ri myo, myang nhang: wa ziyo'- myo, myang mo, myo, jed' loo" wa shid' re" dang: phyed' byid: wa he: mougmyid khyoo: ngoo ju" re zi nghoid ga: tid.

ACTS 10:42

Nyang: gi byu dangain" mo, ri ngeibu: ludang: gi, ri kho" kyoo" byid: wa ziyo' Kangso' dei nyid shi" mo, yo' shid: loo" bye: mo, ri tarha" dang: phyed' wa shid re" Mangso wigi nyheung to" da- tarha" agyi zeing nghoid da" khyoo: ri sag si: kham' wa shid mo ngoonu" ri nyang: amyeing" byid: too" bye.

ACTS 17:31

Khasu" wim gari nyang: khyen: yu too" su: da" lo, khyo" wigi nyang: gi mougmyid gyab, goin" ziri dain: nyeung khyo" tarha" dang: phyed' wa da" bidnyid' ri mhe, phyed' to" abye:. He: Khyoo: yo' sen: lho: yug khang" moo" ri sag si: toin" shid' wa shid re" hau: yug ri shid: jang" mo doem, dei to' loo nhang: bye.

Roma 2:16

Houg: yoomo - ngoo phyed" kyo" da" ngeibu lu dang: seig yo" dakhyoo" ti" - tarha" dang: phyed' da bidnyid moo Mangsoo: gi - Yesu Khristu khyo" wigi - byu dangain" mo, - zau" nyhoem" to" da" myid soin: khyoo: yi ri - tarha" dang: phyed' loo wa nghoid.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

2 TIMOTHI 4:1

Mangso da" shid' khoin" moo we' dei nyid bang: yo' shid: jo, mo, ri tarha" dang: phyed' wa da" Khristu shid' khoin" moo we' hau: Aseing; gi vhoeb, khang" wa da" kho: kham" khyo" ju" ri" wa zi nghoid wigi

1PETERU 4:5

Nghoid loug we' nyangnu" gi dei nyid mo, yo' shid: loo" mo, ri tarha" dang: phyed' byid: wa jen" jen" nghoid da" Mangso shid' khoin" moo nyangnu" da" kangso' dei da" zhayen" ri toin" shed' ca" boem wa nghoid.