YOHAN 5:19 - Lacid Common Language Bible

¹⁹ Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

YOHAN 5:19 교차 참조

APOEM AYANG: 1:1

Xang: shi" moo Mangsoo gi mougkhung: yo' myidjang ri phain" so: to".

APOEM AYANG: 1:26

Hau: thang: Mangsoo gi «Houg: lho: akhid" nyang: gi nyhang" yo' alhoo: du avoid bo da" xangsu: byu ri phain" so: boem shang. Nyangnu" gi wimdo, yo' ngho' zoo: yen" zoo: yi tho' moo we' myhu: ja: yo' siyoo gougnyhoug lam" joem gyi: zi nge zi dangain" tho' moo we' yoem: so' yo' vhoeb nyid goo" baja"» ga: tid.

COUNG" NGHEI 138:3

Ngoo mho' yoid nyid da" bidnyid moo nang ngoo ri: tu" byid: lho: re" da" yoem: vhoo" khyo" ngoo ri yoem: boo nhang: nyid.

COUNG" NGHEI 27:14

Aseing ri loem khau: nyid we' nheigloem: abyo, loem" jeung" nyid we'. Aseing ri loem khau: nyid we'.

COUNG" NGHEI 50:6

Mangsoo gi deing byeung" su: nghoid yoomo nyang: nyang: tarha" agyi nghoid nyid ziri mougkhung: mougdi gi tid fu" byid: nyid.

THU' LO" MOUGSOUG" 4:11

Aseing gi nyang: ri «Byu da" nhoid ri hang" byid: to" lha". Nu: jed ziyo' koo" su:- myo, myang ziyo' myo, jed ri hang" phain" so: to" lha". Ngoo Aseing phain" so: to" zi nghoid.

DANG: ZHOEM 2:6

Phajhi" juyhi: ri byid: nyid zigi Aseing nghoid wigi lasi laleug yo' se' gyo: jhang: yu da- lasi gi nya: jang" mo yo" yu nyid.

ESAIA 44:24

«Ngoo gi re" khyoid yu Aseing nghoid. Ngoo gi nang ri phain" so: too" su: nghoid. Ngoo gi ja: khang" moo ri phain" so: too" su: Aseing nghoid. Ngoo dayug kyeing" mougkhung: ri nghoeb too" su: nghoid. Ngoo mougmyid ri phain" so: uri ngoo ri hang" apang" byid:.

ESAIA 45:24

«Ngoo dayug khyo" wigi za: oung: doid ziyo' yoem so' ri yo" shau" myang ziri nyangnu" tid lo goo" wa. Nghoid loug we' ngoo ri ngheing" bang: dangain" gi xoo: sho' ngi: yoem' zi shau" boem goo" wa.

YEREMIA 17:10

Ngoo Aseing gi byu da" myid ri pei: shoo: su: yo' nheigloem: ri jham" yu" su: nghoid da:. Ngoo gi yugkhang" moo" ri nya: kangso' dei ziyo'. Nyang: koid da" moo" ri cang wigi koid byid: wa.

MATHE 26:39

Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

LUKA 21:15

Khasu" wim gari nanu" da" gyivoo yi ayo" ngeig- ayo" shang" yab jo, sho' wim da" dang: yo"- nyan phajhi" yo' mungdang: ri ngoo nanu" ri byid: wa byid: loo wa yoomo nghoid.

YOHAN 10:18

Khayug we' nga" kangso' ri ayo" yu pyam byid ngoo nya: myid khyo" ngoo byid: pyam da" khyoo: nghoid. Ngoo gi kangso' ri byid: pyam wa amyeing" yo"- Kangso' doem yo" tau" yu wa amyeing" ngoo ci:- Hid: su" koid; wa shid' re" phoo gi ngoori akhyeing byid: to" amyeing" byid: to" zi nghoid ga: tid.

YOHAN 12:49

Khasu" wim gari Ngoo gi ngoo nya: amyeing" khyo" kho" kyo" da" khyoo: anghoid. Ngoori nhang: kaid da" phoo Mangso da" amyeing" yo' dakhyoo" ti"-- kho" kyo" khyoo: danghoid.

YOHAN 12:50

Phoo Mangso da" amyeing" zeing: gi Apyaid' ato: da" kangso' yo" byid: da" zi ngoo se. Houg: yoomo ngoo kho" kyo" da" khyoo: dangain" gi pho da" amyeing" yo' dakhyoo" ti"- za: date: tid zi nghoid.

YOHAN 14:10

Ngoo gi phoo moo nyid phoo we' ngoo moo nyid. Phoo nyid zi nang aloem" rhe. Ngoo tid da" dang: dangain" gi nga" da" dang: anghoid. Ngoo koid; da" moozoo" we' Ngoo yo" dage" nyid da" phoo Mangsoo: nyang: koid; da" moozoo" nghoid bye.

YOHAN 2:19

Yesu phougtu" zigi ‹‹He: no ku" yhoem: moo" ri phyo' pyam' ge'. soem" nyid" agyoo: moo ngoo doem yo" koid; too" wa.»

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

YOHAN 5:21

Nya: phoo gi byu shid: ri doem dei loo nhang: lho: kangso' byid: yhangti"- Nya: zoo: we' nyang: vho: ngei bang: ri kangso' byid: wa zi nghoid.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

YOHAN 8:28

Houg: yoomo Yesu gi byu nya: zoo: ri myidjang: moo tu: zhug lhang" too" lang" she- ngoo gi hang" nghoid nyid ziri nanu" yo" si' zi nghoid. Ngoo gi ngoo ngoonya: amyeing" akhang" khyo" ce: moo" we azei:- Nga" phoo nhang: kaid ziyo' dakhyoo" ti"- za: ngoo dazei: ziri we' nanu" se' loo wa.

YOHAN 9:4

Ngoori nhang: kaid su: da" moo" ri nyid" ayo nghoid shi" ri ngoonu" koid; wa zi nghoid. Hang" we ce" moo" we' ayo" zei: lo da" myen" ayo, gi ju" loo wa.

ACTS 2:24

Nghoid loug we' Mangsoo gi-Nyang: ri shid: lo" da" yoem: so' lhoid kaid kho- shid: jang" mo doem dei to' loo nhang: bye. Khasu" wim gari shid: zigi Nyang: ri ayo" zei: lhoug too" nghoid da.

Roma 6:4

Houg: yoomo nyangnu" gi Babtisma kham khyo" wigi Khristu yo" dage" shid: kham: lho: - nyang: yo" dage" myhoeb pyam' zi shau" boem bye. Aseing yo" dage" shid: kham: da" khyoo: gi pho da phung" yoeb yoem: so' yo" Khristu ri shid: da" jang" mo doem dei to'' loo nhang: zi yo" dakhyoo" - ngoonu" gi kangso' Aseing moo doem yo" dei nyid wa shid' re" nghoid.

Roma 8:11

Aseing Yesu shid: jang" mo doem dei to'' loo nhang: da Mangso: venyi gi nanu" da akhoug: moo bo nyid rigi Yesu Khristu ri shid: jang" mo doem dei to'' loo nhang: da" Aseing gi nya: da" venyi khyo" wigi nanu" da" xangshid" gungdoem: joem ri we' doem dei to'' loo nhang: wa zi nghoid.

1Korinthians 15:12

Akhid" Khristu gi shid: jang" mo doem dei to loo bye: khyoo: ngoonu" kho" kyo" nyid uri- shid: byug bye: bang: doem dei to lo khyoo: ajo,- ga: wigi: nanu" mo dayham" gi khasu" gi yo" tid nyid go" lha"

2~KORINTHU 4:14

Aseing Yesu ri - shid: jang" mo doem dei to'' loo nhang" da" Mangsoo gi ngoonu" ri we' Aseing: yesu yo' dage" doem dei to'' loo nhang: wa zi nghoid yoomo nanu" yo' dage" nya: shid khoin" moo shu" yu wa zi nghoid ziri ngoonu" se' nyid boem.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

Ephesu 2:5

Ngoonu" da" atam" gyoo: loo: shoid vhang: lo" da" khyoo: yoomo venyi moo shid: leung jo, uri Khristu yo' dage" ngoonu" ri doem dei loo nhang: bye hau: khyoo: gi Mangsoo da" jeju" yo' ngoonu" gi khyoid yu zi shau" da" khyoo: nghoid.

Ephesu 3:16

Nanu" da" akhoug: mo byu ein: da" nheigloem: ung: khoug: yoem: bo loo goo" baja"- Mangsoo gi nya: myo: tham: da" myonhoo: phung yoeb, mo nya: venyi: nanu" ri yoem: so' byid: nyid baja"- ngoo gi Mangsoo moo akyu" mho' nyid.

PHILIPI 3:21

Nyang: gi jo, moo jo, ri nya: vhoo: moo yo" kaid' pyam da" phung" yoeb, yoem: moo" bo nyid ziyo' dakhyoo" ti"- ngoonu" da" shid: loo" se' gung du: joem ri thed' pyam' lho: nya: da" myonhoo: phung" yoeb bo gung du: yo' du goo" sho' aseig thid' byid: loo wa zi nghoid.

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

KOLOSE 1:11

Hougsu" nghoid yoomo nanu" thoung" shau" lo da" khyoo: khaid khang" moo" ri nheigloem: sheung: ziyo' yo" kham, zeung: nyid boem wa shid re" nya: da" phung" yoeb bo da" yoem: so' khoug: mo ju" re" da" yoem: vhoo" dangain" yo' nanu" ri yoem: lung: byid: zi shau" goo" baja".

KOLOSE 1:16

Khasu" wim gari moug: khung: moug: di yo' mougmyid yooso" da" tho' moo yoem: moo" so' moo" bo da" yu join: soobyoo: joem seing: nyid mo, vhoeb khang" nyid mo, - amyeing" akhang" yoo" bang: yo' dage" myo, jed" yo' shau" myang zi ashau" myang gu: ri we' hau: nya: zo: khoug: khyo" phain" so: too" bye.

1THESALONI 4:14

Aseing Yesu gi shid: jang" mo doem dei to'. lo da" khyoo: ri nanu" loem" jeung" nyid boem nghoid rigi Yesu ri loem" jeung" lho: shid: lo" byug bang: ri we' Mangsoo gi Yesu yo' dage" -nya: jhang khyoo: shu" loo wa zi nghoid- ein: ngoonu" loem" jeung" nyid boem.

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.