YOHAN 5:17 - Lacid Common Language Bible

¹⁷ Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

YOHAN 5:17 교차 참조

COUNG" NGHEI 65:6

Re" da" yoem: moo" yo' boem joem ri nya: da" joyoo moo: zhoug to" wigi re" da" athang agoin myonhoo: phung" yoeb zeing ri toin" shed nyid da:.

ESAIA 40:26

Mougkhung: khyoo: yu" kaid we' Nang shau" myang da" kyi: joem ri hang" wigi phain" so: to" la". Hau: joem ri gyidab daloem: yhang: ti" shu" thu ri" su: gi Khanhoo' nghoid ziri nyang: se' da:. Cab khang" moo" ri myeing yo' khe: da:. Nya: yoem so' gi gye" nyang: gyi: sheung: da:. khanham lang" hau: kyi: joem mo dacab we' abyug yu".

MATHE 10:29

Jookhyang eig du: ri theing" cen, eig cu' yo"- yo" qei anghoid goo" la". Nanu" nya: pho, amyeing" abo ri hau: jookhyang dadu: we' myidjang: moo age byed gyoo.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 14:10

Ngoo gi phoo moo nyid phoo we' ngoo moo nyid. Phoo nyid zi nang aloem" rhe. Ngoo tid da" dang: dangain" gi nga" da" dang: anghoid. Ngoo koid; da" moozoo" we' Ngoo yo" dage" nyid da" phoo Mangsoo: nyang: koid; da" moozoo" nghoid bye.

YOHAN 5:16

Houg: su" wigi Dougno: Bidnyid moo noo gi nhaung moo" zei: yoomo Yuda zoug: yi gi hau: nyid mo Yesu rishen" yhen' wa soin' lo boem.

YOHAN 5:18

Hid: su" tid yoomo we' Dougno: tarha" ri do, rhue tho' agoo"- Mangsoo ri nya: phoo ga: du lho: nya: gung ri Mangsoo yo" dayi" too" yoomo we' Yuda zoug: yi gi nyang: ri said pyam wa shid' re" khyoo: sho: lo nyid boem bye.

YOHAN 9:4

Ngoori nhang: kaid su: da" moo" ri nyid" ayo nghoid shi" ri ngoonu" koid; wa zi nghoid. Hang" we ce" moo" we' ayo" zei: lo da" myen" ayo, gi ju" loo wa.

ACTS 14:17

Nghoid loug we' Mangsoo gi nyang: myed to" da" khyoo: ri khanham we' ge da" moozoo" ri zei: so' khyo" wigi sag si: toin" shid' nyid. Nyang: gi moug: khung: moug: mo, ri vo, loo nhang: wigi gug zoo meiloem: ri nya: ayo, moo nyang- myheung loo nhang: nyid. void' voo: ri byid: to" lho: nyangnu" ri zoo: noem byid: wigi nyangnu" nheigloem: ri ngei pyo: ziyo' byeung" shoin: jo, nhang: bye- ga: nyho: lho: tid nyid ago".

ACTS 17:28

Nghoid loug we' Mangsoo gi ngoonu" hang" yo" we" ve: nyid zi anghoid. Byu dayug tid ziyo' dakhyoo" ti" ngoonu" gi nyang: moo kang: so dei nyid lho: so" yen" do: yen" boem. Nanu" da" dang: zhoem, ludaid' yi lhoung tid ziyo' dakhyoo" ti" - ngoonu" we' nya: zoo: du yi nghoid- ga: dang: zhoem, tid to.

1Korinthians 12:6

Moozoo" jid: zoo" zei: loo" wa da"- yoem: so' myoo" sho' ja: boo nghoid loug we'- dangain" ziri: pang" thoug voinvu, nyid da- gooki" lid' da" moo" zo" shid re" yoem: so' kaid byid: nyid su gi Mangsoo dayug za: danghoid.

KOLOSE 1:16

Khasu" wim gari moug: khung: moug: di yo' mougmyid yooso" da" tho' moo yoem: moo" so' moo" bo da" yu join: soobyoo: joem seing: nyid mo, vhoeb khang" nyid mo, - amyeing" akhang" yoo" bang: yo' dage" myo, jed" yo' shau" myang zi ashau" myang gu: ri we' hau: nya: zo: khoug: khyo" phain" so: too" bye.

1THESALONI 2:13

Hau: lho: wigi Mangso jeju" ri anoo: atheing: loo- coung" nghei byid: nyid wa da" khyoo:- gootu: dakhaid bo jo, shi"- nanu" jang" moo ngoonu" hau: Mangso da" mungdang: ri re" kho" kyo" da" uri byu yi da" mungdang: ri yhang: ti" anghoid- Mangso mungdang: nghoid deung nyid ziyo' dakhyoo" ti"- nanu" shau" gyo: wigi loem" jeung" ziyo' lhoem: kham: yu boem bye- hau: mungdang ri loem" jeung" bang: nanu" da" nheigloem: ung: khoug: moo moo" zei: nyid.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.