YOHAN 5:14 - Lacid Common Language Bible

¹⁴ Hau: thang: ri Yesu gi hau: yug ri no ku" yhoem moo" khoug: moo myang yoomo nang gi akhid" yangzain: bye. thang: ri yooboo ashoid loo. Houg: su: anghoid lang" gi nang he: tho' mo je yau: da" noo thoung" shau" shi" wa"- ga: tid.

YOHAN 5:14 교차 참조

2 KHOKHAM MHOOMYID: 28:22

Nyang: shau" da" yau: khi" gi gye" xo: loo lang" Ahaza gi Aseing ri goo vhu" tho' yooboo je shoid lo da:.

NEHEMIA 9:28

Yug yo myenjham" khyoo: doem ju" loo lang" nyangnu" yooboo doem shoid ago". Houg: lho: nang gi nyangnu" da" gyivoo yi wigi nyangnu" ri doem oung: pyam nhang: da:. Nghoid loug we' nyangnu" nheigloem: thid wigi nyangnu" ri khyoid yu wa shid re" nang ri mho' lang" mougkhung: mo nang shau" gyo: lho: dalheing: thang: dalheing: re" gyi: sheung: da" nheig khyeug myid khyo" nang gi nyangnu" ri khyoid yu da:.

COUNG" NGHEI 118:18

Nyang: gi ngoo ri agi" akhab, shen" yhen nyid nghoid loug we' nyang: gi ngoo ri shid: loo" nhang: zi anghoid.

COUNG" NGHEI 18:22

Ngoo gi nya: da" tarha" bain sho' ri zoem: ci- nya: da" dangsoo" khoin" ri we' angeug pyam.

COUNG" NGHEI 27:6

Hougsu" nghoid yoomo ngoo ri lheung khoem to" da" gyivoo joem ri oung: pyam wa nghoid. Gau, yi ngei pyo: da" thui: yo' nya: Noku Yhoem: Moo" moo xoin" to' byid: wigi nga" jikhoin" lid jhoem" thui: khyo" Aseing ri coung" byid: nyid wa.

COUNG" NGHEI 9:13

Aseing we" ngoo ri nheug khyeug shi" we'. Gyivoo joem koid yoomo ngoo khayhi' kyi" khyeug sho" jhen: shoug" nyid da" khyoo: ri yu" xoem" too" byid: we'. Ngoo ri shid: gyoin mo khyoid yu shi" we'.

ESAIA 38:20

Aseing we"- nang ngoo ri noo gi byid: abye:. Ngoonu" gi teing baid wigi nang ri coung" nghei jikhoin" khoin" wa. Ngoonu" dei nyid myhang re" Noku Yhoem: Moo" moo coung" nghei jikhoin" khoin" nyid wa ga zi nghoid.

ESAIA 38:22

Hau: thang: khokham Hezekia gi «Ngoo Noku Yhoem: Moo" khyoo: yo" yhi: wa nghoid ziri ce: ja: avoid wigi sagse: yo" ci shug wa la"» ga: myid: yu" bye:.

XOIN" NGEI" 13:20

Khainjung phoo gi nyang: ri joeb ca: yu" wigi hau: dam khoo: gi loem: lheing khab mo shooyid tho' je no, vang lo" ti" du ziyo' houg mo shoomoug" phyu: lo nghoid rigi khainjung phoo gi nyang: ri ayung" alho' ein: tid fu" wa zi nghoid. Hau: zigi byeing dam mo bue" shid" da" manggam nghoid.

XOIN" NGEI" 26:27

He: gu: dangain" bain thang: ri nanu" ngoo ri aphoug akhyoid lho: nga" dang: ri tam" gyoo: wa ngeug pyam shigo" nghoid rigi

XOIN" NGEI" 7:12

Byu dayug gi he: xoin" ri Mangsoo ri jeju" boin: xoin" khyo" koid byid: nghoid rigi nyang: gi xoin" ngei" byid: wa gougnyhoug yo' dage" doocid" akaid loo: zhainloin: xu: yo' foid lheug wigi koid to" da" zooyho' thu: anghoid lang" zhainloin: xu: joid to" da" zooyho' poo" anghoid lang" zhainloin: xu: yo' foid lheug wigi koid to" da" zooyho' ri ngei" byid: wa zi nghoid.

MATHE 12:45

Houg: lang" gi nya: tho mo yoem: je gyi: da:- akhyeing" da" yu nyhed yug ri doem khe: loung: lho: wigi hau: yhoem: moo vang zhoung: jo, boem bye. Hau: yu vang to" su: da" asam" aved gi xang: shid" tho re" je akhyeing" ashoeb bue" loo bye. He: da" pyaid mo akhyeing" da" byu yi moo we' houg: yo" dakhyoo" ti" bue" loo wa» ga: tid.

MARKU 2:5

Nyangnu" da" loem" jeung" e" myed ri Yesu shau" myang lang" nyang: gi gung joem: shid: su: ri nga" zoo: we"- re" yooboo ri khyoid pyam byid bye:- ga: tid da.

YOHAN 5:13

Nghoidloug we' noo ge loo nhang: shoung" su: gi Yesu khayug: nghoid ziri nyang asi- khasu" wim gari Aseing Yesu gi hau: byu phung: moo" mo yho' thu' lo" byug yoomo nghoid.

YOHAN 5:5

Hau: joyoo moo soem" xe: shed zain ju" sho' no nyid da" byu dayug nyid.

YOHAN 8:11

Houg: lang" hau: da" myiyi: gi Aseing: we" dayug we' azheung: nyid khari" loo:- ga: phougtu. ‹‹Yesu gi Ngoo we' nang ri yooboo dam abyid: loo" we' yooboo adoem koid loo: lhe" ga: tid kaid.»

1PETERU 4:3

Mangsoo vho: da" khyoo: moo cang loo" ge'. Lai loo bye: da" ayo, moo tungbau byumyu" yi lang" koid nau da" moo"- nanu" koid lo zigi soung myang" bye- tarha" ri anau, cang khyo" - youg: shoo: go" khyo" yhid: shug shoo" zo: khyo" pyo: da" khyoo: moo cang lho: zoo: pui" shug pui" koid ziyo' aco' ajhoid da' soolhoo: no" khyoo: ri bo vang zei: khyo" kangso' dei lid lo boem bye.