YOHAN 4:38 - Lacid Common Language Bible

³⁸ Nanu" ashoo" azhoung" to" da" yoo: thung" mo gug ri yham" yu wa shid' re" ngoo nanu" ri nhang: kaid bye. Gootu: da" byu yi zei: to" jang" mo- nanu" gi akyu" ri shau" kham: yu nyid boem"» ga: tid.

YOHAN 4:38 교차 참조

2 KHOKHAM MHOOMYID: 36:15

Nyangnu" phoug" phyid" yi da" Aseing Mangsoo gi nya: byumyu" yiri tid poin" wa Lapi: yiri xo' wigi nhang: kaid da:. Ciwim gari nyang: gi nyangnu" ri yo' Noku Yhoem: Moo" ri teung too" noug yoomo nghoid da:.

YEREMIA 44:4

Ngoo ngheing" da" he: gyoug dain tung" da" moo" ri akoid wa shid re" nanu" ri tid kyo" da" nga" dei zoo: Lapi: yiri nanu" jhang ngoo xo' wigi nhang: kaid byid: bye:.

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

YOHAN 1:7

Mangso: mungdang: ri Byu dangain" shau" gyo: lho: loem" jeing" lo boem baja" ga: hau: Yohan gi bidbang da" khyoo: ri sagsi: kham: byid: wa ga juri" bye.

YOHAN 17:18

Nang gi ngoori he: mougmyid khyoo: nhang: kaid ziyo' dakhyoo" ti"-- ngoo we' nyangnu" ri he: mougmyid khyoo: nhang: kaid.

YOHAN 4:37

Dayug gi sho" lho: dayug gi yham"- ga: da" dang: khyang" gi deung nyid zi nghoid.

YOHAN 4:39

Samari myiyi: myhi, gi ‹‹He: yug gi ngoo koid; da" moo" dangain" yo" tid kyo"» ga: tid yoomo hau: voo mo, Samari byu yi myoo" sho' gi Yesu ri loem" jeing" lo boem.

ACTS 2:41

Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

ACTS 4:32

Loem" jeing" bang: dangain" mo, gi nheigloem: e" myed dakhaid za: nghoid ago". Hang" we' nyang: nya: da" soid gain ziyoo joem ri Hid: nga" zi nghoid ga: atid boem loo- Nyang: nu" yo" da" zi joem dangain" ri dage" soin" ci: shoin" vho, nyid boem ago".

ACTS 4:4

Nghoid loug we' mungdang: ri tam" gyoo: bang: myoo" sho' bang: gi loem" jeung" lo boem bye. Houg: yoomo loem" jeing" mo, gi wim: khyeing" koo: je myo: loung: lo nyid boem bye.

ACTS 5:14

Nghoid loug we' Mangsoo ri loem khau: da" yug gi myiyi: yi gi hau: phung: moo daje, loung: lo nyid boem.

ACTS 6:7

Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".

2~KORINTHU 10:15

Hougsu" nghoid yoomo ngoonu" gi mangsoo: ke' too" byid: da" moozoo" mo lid lho: wigi byu goo" ji yi koid da" moozoo" yo' sen: wigi ngoonu phau: khuang dang: tid zi anghoid. Houg: su" koid wa tho' rigi khanham we'. Mangsoo: ke' phyed too" byid: da" akhoug: moo ngoonu" da" loem" jeung" khyoo: gyi: yang" loo wa ziyo' - nanu" da" agyoo: moo" je" wigi je" gyi da" moozoo" yo" zei: xo' loung: loo" wa shid re" ngoonu" nheig byu nyid boem.