YOHAN 4:36 - Lacid Common Language Bible

³⁶ Gug yham" mo, gi aphoug" ri shau" yu lho: Apyaid ato: kangso' yo" sen: da" amyoug: ashi" ri yo" yham" yu boem wa. Houg: yoomo shoo" su: yo" yham" su: gi dage" za: gau yi boem wa zi nghoid.

YOHAN 4:36 교차 참조

DANG: ZHOEM 11:18

Akhyeung" da" byu yigi gyeing" nyang: ci" we' yo" yu wa zi anghoid. Nghoid loug we' deingmain" da" khyoo: ri nang dazei: nyid nghoid rigi coung" nghei ngi: shab jhungshug ri nang deing" deing shoug" khau: yu wa zi nghoid.

DANG: ZHOEM 11:30

Deingmain" khyoo: gi kangso' ri byid: nyid nghoid loug we' athoug" akhyoug: koid da" khyoo: gi kangso' ri yu pyam byid: nyid.

DANIELA 12:3

Phajhi" bo da" vhu" shi: bang: gi mougkhung: moo bang jo, ja: yo' dage" dug bang nyid wa. Houg: lho: byumyu" myoo: sho' bang: we' jo ziri koid wa shid re" jhau" yu loo bang: gi kyi: joem yo' dakhyoo" ti" khanham we' dabang jo, wa» ga: tid da:.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

YOHAN 5:24

Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye.

Roma 1:13

Nga" mang nhung" yi we" - Yuda byumyu" anghoid da" tungbau byumyu" yi jang" moo Mangsoo: moo" zei: ri oung: doid lo" yhang: ti" nanu" jang" moo we' oung: doid loo" wa shid' re" - ngoo gi nanu" jhang re" wa shid' re" alheing: lheing: myid soin' bye. Nghoidloug we' akhyoo" aeung: shi" yoomo ayo" ri" shi" da" khyoo: nanu" myid boin: nyid ge'.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Roma 6:23

Yooboo da aphoug" gi shid: lo" khyoo: nghoid. Nghoidloug we' Mangsoo: da" phoug" asang: jeju" jhungshug koem' gi - ngoonu" da Aseing Yesu Khristu yo" dadeing: daloem khoug mo yo" da" apyaid' ato: kangso' nghoid.

1Korinthians 9:17

Ngoo he: da" moozoo" ri- nga" myid khyo" khyen: yu lho: dato' zei: nghoid rigi- la, ga, yoo" wa ziri: ge myid yu" nyid. Nghoid loug we' he: da" moozoo" gi Mangsoo myid loem wigi ab byid: to" moo" nghoid yoomo- zei: ca" da" yoovoin' daloem: nghoid ein: ngoo dazei: nyid.

1Korinthians 9:18

Hougsu" nghoid ri ngoo gi ce" noem da" amyaid' yo" yu wa lha" ngei bu: lu dang: shid re" nga" da" akhang" ri aci: ziyo'-aphoug" amho' loo: za: ngei bu: lu dang: yo" kho" kyo" khyoo: gi nga" amyaid' nghoid nyid.

1THESALONI 2:19

Ngoonu" da" Aseing Yesu doem ju" re" uri nya: shid' khoin" moo gooji hang" we' anghoid- nanu" kyeing" za: ngoonu" da" nheig byu gau yi joyoo yo' oung: doid lo" da" phau: khuang bidmug nghoid nyid.

1 TIMOTHI 4:16

Nanya: gung ri we' re" da" jhoug" myeing" jhoug" thui: ri we' lhed zed" zoore" goin, coung: nyid we' nang gi he: d a" khyoo: joem ri d acang zei: nyid we' Khasu" wim gari hougsu" koid nyid nghoid rigi nanya: da" gung du: ri we' nang kho" da" mungdang: ri shaug" gyoo: mo, ri we' yo" khyoid yu wa zi nghoid.