YOHAN 4:19 - Lacid Common Language Bible

¹⁹ ‹‹Ngoo yu" ri nang gi Lapi: dayug nghoid zi myang si' bye: ga:›› myiyi: myhi, tid.

YOHAN 4:19 교차 참조

2 KHOKHAM 5:26

Nghoid loug we' Elisha gi «Nang yo' shoug" go" wa byu hau: yug gi nya: gyi myang: rheing" mo gyo" da" uri ngoo gi Venyi: khyo" houg moo anyid zi nghoid rhe". He: ayo, gi ngei- byimi joem zhainloin: khyam joem zabyid khyam: joem yang- nu: kyung joem dei zoo: yi khab yu wa da" ayo, anghoid.

2 KHOKHAM 6:12

Nyangnu" mo dayug gi «Aseing: khokham we"- hang" we' anghoid. Lapi: Elisha gi nanya: yab moo sam: za: khau" tid da" dang: rilang" Israela khokham ri tid kyoo" byid: da:» ga: tid da:.

MATHE 21:11

Byu phung: moo" yi gi «He: yug gi Galile mung" Nazared voo mo Yesu ga: da" Lapi: nghoid» ga: tid go" nyid.

LUKA 24:19

Nyang: Yesu gi «ce: noem moo" bue" lha"» ga: doem myid: Hau: eig yug gi Nazared mo Yesu yo" sen: da" moo" nghoid ga: tid kyo. Hau: yug gi Mangsoo yo" byu dangain" mo, da" shid' khoin" moo lo, moozoo" yoem: boo su:- nhoid tid sang: ziyo' dakhyoo" ti" koinsu nghoid.

LUKA 7:16

Nyang: nu" dangain" mo, gi gyoug phau" lho: Mang" soo: ri caung" boem ngoonu" moo lapi: zeung dayug thu' loo: bye" ga: Mangsoo gi nya: da" byu phung: ri khyoid yu wa ju" ri" bye ga: tid boem.

LUKA 7:39

Yesu ri khe: da" Pharishe phoo gi myiyi: houg: su" koid: ziri myang lang" He: yug gi Lapi: nghoid rigi lho: nya: khyid: moo zei: da" myiyi: gi hang" nghoid zi we' ce: noem yoobo shoid su: nghoid zi we' si' wam: bye ga: myid nyid.

YOHAN 4:18

Nang gi yuggi wim: yug yo" loxo' yu bye:- Akhid" nang yo" dage" nyid su: gi re" yhoem: seing: phoo anghoid. Nang gi nghoid deing ziri tid nyid abye:.»

YOHAN 4:29

Ngoo koid; da" khyoo: dangain" ri tid thu' byid: su: ri re" yu" ge'. Nyang: gi Meshia nghoid wa la"» ga: wigi lo" tid kyo.

YOHAN 6:14

Hid: su" Yesu zei: shug da" mau" pho" moozoo" ri myang mo, gi He: yug gi moug myid moo gyoo" loo wa ga: da" Lapi: amain" yang: nghoid bye ga: tid boem.

YOHAN 7:40

Meing: byu yi mo dayham" gi Yesu hid: su" tid da" khyoo: ri shau" gyo: boem. Houg: su" nghoid yoomo he yug gi Deing" deing Lapi: nghoid ga: tid boem.

YOHAN 9:17

Houg: yoomo Pharishe yi gi Myo, amyang nyid led: loo su: ri nang ri myo, myang loo nhang: su: gi kha yhang te" su: nghoid ga: doem zheing: myid: sho: boem. ‹‹Hau: yug gi lapi: dayug nghoid ga: doem phoid: kyo.»

TARHA" TID POIN" 18:15

Hau: gungthid nyang: gi ngoo yhang: te" lapi: dayug ri nanu" nya: byu yi mo nhang: kaid byid: loo wa. Houg: lho: nanu" gi nya: dang: tam" gyoo: byid: ca" wa.